Yʉ̂d 1:17 - Kálara Zyɛ̌m Edwán é mpʉ̌n

¹⁷ Obɨɔ o kpɛl bam aa! Toŋla ga mokan mɨlʉmlʉ mo Tî ga wina Yesʉs-Krɨst, myé a bɛa lɛɛ bɨn ɨ.

Kálar Nzyɛ̌m : Ejwán é Sáá

¹⁷ Bʉr ó kpɛ̌l bâm, símsáá gá mekǎn bʉ̂r o mílʉ́mlʉ́ mé Tî gá wɨ́ná Yésʉs-Krîst á lɛ́ɛ má.

Yʉ̂d 1:17 ပူးပေါင်းရင်းမြစ်များ

2 Pyɛr 3:2

Me egwɨm ó, bɨn toŋla mɨsaŋ mɨ ogwiha o mɨlɔb, le mokan bé a bɛa lɛɛ molu pihe e, ndwe e mɨtiʼa Tî ga wina le Tiʼbʉr ga wina a nʉa ɛ. Mɨtiʼa myaa ó bɨn bé a joʼo é zi mɨlʉmlʉ mye e.

1 Yʉanes 4:6

No ó, bɨna ga bɛɛ, bé ó baa mo Zyɛm. Mʉr lé egʉa Zyɛm ɨ, nye ó ndɨ esa bɨna ga mojoʼo. Mʉr ndɨ abe waa mo Zyɛm ɨ, nyɛɛ, nye ákwoʼ joʼo bɨna ga. É mbi waa ó bɨna ndɨ e nkul egʉa ga mbɛʼ paʼra Sisim Ocyecye bé e sisim mpʉl ɨ.

Éfɛsɔs 4:11

Nye ó b'a dwe bʉr mɨndwɛa mɨmbi mɨmbi. Nye a sa ó, baʼ bʉr, bé diʼe mɨlʉmlʉ; baʼ, ogwiha o mɨlɔb; bʉʉ, olɛa o Mbɨambɨa Lɔɔ; bʉʉ bʉr nteme, okobla o mɨmbɛr mɨ Zyɛm; bʉʉ, oyeʼle o mɨlɔb mo Zyɛm.

Mɨlʉmlʉ 20:35

Bɨsyɛɛla byam bibyɛh, byé a be bɨn ó dweʼle. Yé ekʉ jala ó, bɨn sea syɛɛ é dwiii, le egul bʉr o ndɨ é cyɛʼ ɛ, ebe, bɨna bé etoŋlo ga sikʉlʉ Da Yesʉs nye mʉr tɨʼ a dwe ó: “Le mʉr lé edwe e, le waa lé enʉa ɛ, waa lé edwe ó ndɨ esʉŋɔ mocyɛʼ mo mpom.”»

Éfɛsɔs 2:20

Bɨn bé ó mpʉ obrik bé a bɨr pab mbɛr e be e. Nkan mbɛr nyɛɛ ó ndɨ mɨlʉmlʉ, bé e l'ogwiha o mɨlɔb. Yesʉs-Krɨst nye mʉr tɨʼ ó ndɨ ekoʼ lé esa ó bɨpab bɨ mbɛr, byé diʼe ocɨcyel ɨ.

Ebrœ̂ 2:3

Bɨna bɛɛ, bé a be ó si joʼo ga mpaŋla tiʼ lé elaa mpaŋla beengles bé a cenɔ ɛ. Mʉr a taare cen mpaŋla waa ɛ, a be ó Da Yesʉs nye mʉr tɨ. Nteme, bʉr o b'a taare joʼo mpaŋla tiʼ waa ɛ, bé ó b'a lɛɛ e bɨna ga ó, nye ó mpaŋla ndɨ e modile e. ǃBɨna si pyeh ga mpaŋla waa nɛʼɛ, wáa mbi bɨna bé óka syɛhle ga mo Zyɛm ɨ?

Yʉ̂d 1:3

Obɨɔ o kpɛl bam aa! Me a taare bee ó, sa ndɨ ekʉ jala ɛ, yé a be ó, me tila bɨn é lɔb tiʼ molu mo mpoʼ mɨmɛh, e mpʉ bɨna bé a bi ga tiʼ yaa mbi ngwar ɨ. No ó, me a ze bee ó, me ófuo ka tile bɨn ó, bɨn lwimla dɔm. Dɔm laa, lé ó, bɨna kamla ga e buʼo ga yina, yé diʼe mpʉ Zyɛm a bɛa ntɨh mɨsaŋ mɨ bʉr be ya ɛ.