Yʉ̂d 1:15 - Kálara Zyɛ̌m Edwán é mpʉ̌n

¹⁵ é l'efu ó, nye tiʼa bʉr bɨbɛh mɨlɔb le edwe bʉr bɨbɛh ndɨ adwaabe nye e, mobe. Mɨsyem myɔɔ, myé enyin é bɨsyɛɛla bɨ ebebe byɔɔ bibyɛh. Zyɛm ólɛʼle osyɛl o mɨsyem, baa ndɨ adwaabe nye e, mpʉ bé a sa syem lé elwib bɨlwib bɨ mpyoo, tiibe e nye e.»

Kálar Nzyɛ̌m : Ejwán é Sáá

¹⁵ lɨ́ enzě tíʼe bʉ̂r bɨ́bɛ̂h milɔ̌b. Nye ólɛ̂ʼle mínjéʼe-Nzyɛ̌m mímyɛ̂h misyóm myɔ́ɔ́. Misyóm myaá, myé nyɨ́nyɨ́n ó, ɨ́ mpʉ bé dí esâ bísyɛ́ɛlǎ Nzyɛ̌m nyɨɛ dí ebene bí yɨ́. Nye ólɛ̂ʼle bé ntémé mpʉ mínjéʼe-Nzyɛ̌m dí esâ Nzyɛ̌m nkěh ɨ́ mbi mékǎn bé dí ecɨ nyé má.»

Yʉ̂d 1:15 ပူးပေါင်းရင်းမြစ်များ

1 Korɛnt 4:5

No ó, atiʼe ga lɔb mo nuu mʉr cye yiyɛh yé l'apa pyal jɔʼ elab ɨ. Bona ga ó, Da, nye ntaʼ. Nye ópyɛl sa ndɨ é l'edurʉ ɨ, cen ye é myɛn. Nye ógwih bɨjwɨʼ bʉr lé ebà é mɨmo si ɨ. É jɔʼ yaa ó Zyɛm óseʼle bʉr be, dwe mʉr nyiwɛh kum ójala e nye e.

Rôm 2:16

Sa me lé elwib lɔb we wâʼ ɛ, yé ónyin é pono é dobo le etiʼ e mɨlɔb. Mɨlɔb myé ótiʼ ó, é zi mo Yesʉs-Krɨst. Bɨsa ndɨ bʉr baa é mɨmo si ɨ, nye óka lɛʼle bibyɛh é kpɛŋlɛm. Mbɨambɨa Lɔɔ me lé elɛɛ ɛ, wé ó no.

1 Timotɛ 1:9

Bɨna bé egʉa ga nteme ó, motie, mé a baatiilɔ lé etoŋlo ocɨcyel o bʉr, njɨ ontɔɔ o motie, bé e bʉr o ndɨ esa ocyɛb be efoʼ bɔɔ ebɨh ɨ, bʉr o ndɨ adwaabe Zyɛm ɨ, osyɛl o mɨsyem, bʉr o lé epyeh Zyɛm ɨ, ndwe e baa ndɨ esa lɔɔ Zyɛm ebɨh ɨ, ojʉl be osɔŋ bɔɔ, ojʉl be onyɔŋ bɔɔ, ojʉl o bʉr,

Rôm 14:10

Go ebee ó, go ejʉʼa le eláa mɨɔ go mʉr baa ebebe, dɔɔ waa yé? Go ebee ó, go ejʉʼa le ecyɛl mɨɔ go mʉr, dɔɔ waa yé? Bɨna ga bɨbɛh, bé óto cyɛb ga é mih mo Zyɛm é dia tiʼà mɨlɔb ye,

Rôm 2:5

Cye yiyɛh go dina lé esa elele e lʉ, nkʉ bene lé edwir leme e, go ebul bɨbaa bɨ ebebe Zyɛm lé eniʼe go e. Byé óka láŋɔ ó, é dobo Zyɛm ókpaa empime le e bʉr bɨbɛh ɛ. Dobo laa nteme ó nye ólɛʼle mʉr nyiwɛh mpʉ nye lé etiʼe bʉr mɨlɔb é l'ocɨcyel ɨ.

Mɨlʉmlʉ 17:31

No ó nye a cyel dobo nye ótiʼe bʉr o si nwaʼ bɨbɛh mɨlɔb myɔɔ é l'ocɨcyel ɨ. Nyi bɛa pɛh nteme mʉr ótiʼe mɨlɔb myɔɔ é dobo laa ɛ. Nyi pɛ̀h mʉr waa é foo. Pɛ̀ha foo waa, wé ó dweʼle, sa lé elɛʼle bʉr bɨbɛh ó, mʉr a pɛ̀hɔ é foo e, nye ó ngo tiʼe mɨlɔb myɔɔ.»

Yʉanes 5:27

Nye nteme a si ntɛŋ Mwan we nkul mojwɨ̀ʼa ndɨ ó, nye tiʼa bʉr mɨlɔb ɨ, ebe, nyɛɛ ó ndɨ Mwan mo Mʉr.

Mɨngwiha 22:20

Waa lé eboʼlo mɨlɔb miʼ ɨ, nye elɛɛ nteme ó: «Eee, me ó ma ze nɨ!» Amɛn! Da Yesʉs, ntaʼ.

Mɨngwiha 13:11

Me ze bee nuu tir monyan fih, nyɛɛ lé epyal é bɨbwah. Nyɛɛ a be ó e bɨntoo bɨba. Bɨntoo bye, byé a nwɨɨla ó e byaa bɨ Ma Ntœme. Nye a lwib-lwib ó mpʉ kʉʼrʉ myɔɔ.

Yʉ̂d 1:16

Bʉr baa, bé ó jɔʼ yiyɛh lé elwib é bebebebe, tiibe e Zyɛm. Bé é jɔʼ yiyɛh ó, lé etine-tine nkɔb nye a dwe-dwe be e. Bé ekʉ ka du ó njɨ bɨgwɨma byɔɔ le elwib bɨlwib bɨ jaale. Bé ekʉa bʉr é zi moseʼla, bɛɛ lé egʉa ó, bé ódira nyɔm wɔɔ e moseʼla maa.

1 Korɛnt 5:13

Zyɛm ó ngo tiʼe mɨlɔb mɨ bʉr, baa ndɨ abuʼla ɛ. Yé ó tila ó: «Foʼ ga syɛl ebebe é l'esama lɨn.»