Yʉ̂d 1:12 - Kálara Zyɛ̌m Edwán é mpʉ̌n

¹² Jwɨʼ yɔɔ, yé entɨʼ nteme é nko paʼ win. Bé eze e mbʉl é mbɛr Zyɛm é jɔʼ bɨn, obuʼla, mu lé epuhba mobo e. Baʼ bʉr, bé ede-de ó, lɔʼba-lɔʼba, ajoʼɔ ba fwon. Bé ekʉ ka kaale ó njɨ myɔɔ mɨmo. Bé enwɨɨla ó e mɨnkur lé edwine é dwine dwine, l'anwɨɨ mpie e. Pubo ntɔʼ cen be é paʼ fih. Bé enwɨɨla nteme ó e bɨlɨ bɨ ndɨ esam, é sam, sam, agumo yɛɛ mpumo e, dam be ó é jɔʼ nkono. Byé edwè ó, zɔʼ ba, ebe, byé eka munɔ si.

Kálar Nzyɛ̌m : Ejwán é Sáá

¹² Jwɨʼ yɔ́ɔ́, yé lɨ́ entɨ̂ʼ ɨ́ páʼ wɨ́n. Bé buú ntɨ̂ʼ ó, ɨ́ jɔʼ bɨ́n le onɔ́ɔ́ dé méde ɨ́ Mbɛ̌r-Nzyɛ̌m yɨ́. Bé dɨ́dé ó, lɔ̂ʼwǎ lɔ́ʼwáa, ajóʼo bá sôn. Bé jaá gbɨgbâ méde ó, njɨ ɨ́ myɔ́ɔ́ mínum. Bé ó mpʉ médwíne me mpíé, pubó dí etíne, mpíé nyɨɛ akǎ nwɨ́ɨ má. Bé ntémé, bé ó mpʉ bílɨ́ bi dí abe lɨ́ egúmo mpúmó ɨ́ jɔ̌ʼ nkóno bí. Byé lɨ́ edwe nzɔ̂ʼ bá, ebě, byé lɨ́ emuna sí.

Yʉ̂d 1:12 ပူးပေါင်းရင်းမြစ်များ

Mataos 15:13

Nye ntɔʼ bɨha e be ó: «Mpœʼ yiyɛh Sɔŋ wam ndɨ é jobo kʉ ɨ, a baabè e, yé óduŋɔ ndwe e mɨkaale mye mimyɛh.

Filipi 3:19

Bé ófuʼla ó, dim cyecye. Bɨsa bɨ ozyɛm bé lé edwiibɨ ɨ, byé ó mɨmo myɔɔ. Bé ekʉ ka gumlo ó njɨ bɨsa ndɨ ebul samle be e, toŋlɔ-toŋlɔ njɨ bɨsa bɨ jobo yi.

Éfɛsɔs 4:14

É jɔʼ yaa ó bɨna bé ópʉʼa ga é l'oncyom é nko paʼ buʼo e. Bɨsikʉlʉ bɨfih, byé aŋa ka ncyeŋ bɨna ga, nkʉ gomlo bɨna ga é zi fih, waa baanya-bɨkʉʉŋʉ ndɨ edu ɨ. Bé egwɨm ó, bé ntaŋa bɨna ga é pɨʼ wɔɔ, le nteme ó, bɨna buʼla sikʉlʉ yɔɔ yaa.

Lʉkas 21:34

«Diʼe ga ncye! Monyʉl mɨn, mé amu jaa cyɛʼ ebe mpwaʼ edɨɨ ndwe e mpur monwoʼ, nkʉ ebe mɨpɛhla mɨ tiʼ si nwa. Esie e mbi jɔʼ yi, lé amu jaa pyal bɨn motwɨra, mpʉ tir lé etwɨra é jɔʼ nyi bil é syɛm ɨ.

Lʉkas 8:6

Guu paʼ mompœʼ kur é bah ekoʼ. É jɔʼ mompœʼ maa, mé a pah ɨ, mé ze dwɛhla, ato ká ká, ebe, modibe, mé a baabe tɨ.

Jacques 5:5

Bɨn bé a kpɛl é si nwaʼ ó, tiʼ entwɨʼ e nkul bɨtiʼ mɨmbi mimyɛh. To kœb ó, dobo bɨn lé esaa ó, bɨn bul díle e, yé ó dobo mɨmyaʼ lé etiʼɔ ɛ!

1 Timotɛ 5:6

Guu mbi kuho nteme, wé ekpɛl nkul bɨtiʼ. Wiha, wi bɛa dwè, dam be ó, wé dina ó kʉ.

Lʉkas 16:19

«Yé a ze be ó, nuu mʉr e bɨsa twiha. Molu mɨmɛh, nye a bwar-bwar ó, mɨkan mɨ akaa-e-kaa ndwe e myaa é pumo-pumo e. Nye a tiʼe-tiʼe dobo lɨlɛh ó, é mopoʼ.

Lʉkas 12:45

Wáa mʉr é l'esama lɨn ndɨ ebula nwɨɨla e bɨbla syɛl mosa ɛ? Mbi syɛl mosa waa, nye ejwɨʼ é leme we tʉŋlʉ ó: “Tî wam, nye ó mpʉ sa lɛɛ ó, nye aŋa lɨ bula.” Nye eka taare lé eŋmɛh osyɛl o mosa o bʉba ndwe e baa o bʉrʉm, le egubo de mode le ebɛble monwoʼ mɔɔ. Mpur, nye òmɛr nye.

Markus 4:6

É jɔʼ dobo lé a ka kah ɛ, dwehe ze ŋmɛha, ze diʼ mɨpɛha mompœʼ, myé ntɔʼ dwɛhla, ato ká ká, ebe, myé a baabe e mɨkaale mɨmpa, njɨ mɨfòŋ.

Mataos 13:6

Jɔʼ dobo lé a ka kah ɛ, dwehe ze ŋmɛha, ze diʼ mɨpɛha mompœʼ, myé ntɔʼ dwɛhla, ato ká ká, ebe, myé a baabe e mɨkaale mɨmpa, njɨ mɨfòŋ.

Ebrœ̂ 13:9

Gʉa di ga ncye. Abir ga ó, bʉr gomla bɨn é zi fih, é zi mɨmbi bɨsikʉlʉ bé lé elɛʼle, myaa bɨn ndɨ agʉa ɛ. Ncwɨncwɨa mo Zyɛm nye ome ó ndɨ egba bʉr nkul é monyʉl. Yé é mbɨa ó, bɨn biʼe nkul tɨ. Nyɔmlʉ bab lé elɛɛ ó, mʉr, nye ejala le ede é l'efu le edwiibɨ Zyɛm e nye e, nye abe e nyɔm é nko paʼ mo bʉr o lé ede nye e.