Yʉanes 9:7 - Kálara Zyɛ̌m Edwán é mpʉ̌n

⁷ Nye e nye ó: «Toʼ, to jwɨ̀ɨ mih é bœh Siloe» —no, yé edwirɔ ó Lʉmlʉ. Ntim ze to jwɨ̀ɨ mpom. Nye a ka bula ó, nye mu lé ebee!

Kálar Nzyɛ̌m : Ejwán é Sáá

⁷ Nye e né ó: «Tóʼ, tó jwɨɨ mîh ɨ́ béh Siloâm.» (Díe laá, lé páʼlɔ́ɔ́ ó: “Lʉ́mlʉ́.”) Ántím nzě tó jwɨɨ mpóm. Nyé ká búla nɛ́ɛ: nye mû ó lɨ́ ebee.

Yʉanes 9:7 ပူးပေါင်းရင်းမြစ်များ

Yʉanes 11:37

Bʉʉ bʉr o sama yɔɔ, bé ó: «Heeeʼ! Mʉr a bɛɛ ntim mih nwa, zê nye a baabe e nkul eka sa ó, Lazar beʼ l'adwè ɛ?»

Yʉanes 9:11

Mʉr nɨ, nye e be ó: «Mʉr ndɨ e die ó, Yesʉs ɨ, nye be ó si pulo bwa bɨbwah, lœm me bya é mih. Nye e me ó, me toʼ é bœh Siloe, to jwɨ̀ɨ mpom. Me ntɔʼ to. Jɨh tɨʼ me kʉ sil jwɨ̀ɨ mpom, yé ó me ka taare lé ebee e.»

Mɨlʉmlʉ 26:18

Me elomo go ó, go bɛŋɨ bʉr mih. Go dwihɨ be é l'edurʉ, cen be é myɛn; dwih be é mpel mo Satan, cen be nko bé e Zyɛm, bé ódɨ di ɨ. Me ópɛʼ bɨbaa me a niʼe é lɔb mɨsyem myɔɔ ɛ, lé edwe be dia é l'esama e bʉr o b'a jyɛʼ taa buʼo yɔɔ boo me, mɛm ntɔʼ pubo e.”

Lʉkas 13:4

Zê bɨn bé lé ejwɨʼ ó, bʉr ewʉm e mwom toloŋo mbɛr mo Siloe, wé a bila ɛ, ó b'a bul bebe, laa bʉr o Yerʉsalɛm bɨbɛh ɛ?

Galásia 4:4

Yé ntɔʼ ka pyal é mbɨambɨa jɔʼ Zyɛm a bɛa cyel ɨ. É jɔʼ yaa ó nye a ntɨh Mwan we, ó nye ntaʼ, ze byɛl é mo mo nuu mʉma. Mwan waa a be ó é monkara mo mɛra motie.

Rôm 8:3

Yé ó no! Ebe, yé a baabana ó, bɨna biʼe tiʼ molu mo mpoʼ mɨmɛh ebe mbi bɨna lé edu ga motie e, ebe, nyʉl bɨpuno ga wina a be ó é cyɛʼ. Sa motie mo Moyiz, mé a baakoʼo lé esa ɛ, Zyɛm nyɛɛ a si bana sa ye. Nye a si ntɨh Mwan we é si nwa, nyʉl we lé ekʉ nwɨɨla e waa ga wina, osyɛl o mɨsyem. Nye a ze é lɔb syem ga wina waa ó, nye ntaʼ, ze pɛʼ we. Zyɛm a si dwe Yesʉs mobe é lɔb syem waa.

Yʉanes 10:36

A, ebe yé bɨn lé elɛɛ ó, me epyeh nye e? Zê yé ó, ebe, me si gwih bɨn ó, me ó Mwan we ɛ? Me ó kʉ be waa Zyɛm Sɔŋ a pɛh, ntɨh kaʼ é si nwaʼ ɛ.

Yʉanes 9:39

Yesʉs, nye ó: «Me a ze kaʼ é si nwaʼ ó, lé eze dwe bʉr o ndɨ egumo e si waa ɛ, mobe. Me a ze sa ó, ontim, bé beŋɨ; baa lé ebee e, bɛɛ lihba ontim.»

Lʉkas 2:32

Mwan nwa, nye óbe ó myɛn wé ókʉn bʉr o bɨkul bɨfih ó, byé gʉŋa go e. Bʉr bo, bwa b'Ɨzraɛl, bé óbul seʼlɔ ebe nye.»

Mataos 11:5

Ontim, bé mu ó lé ebâʼle bee. Bʉr o b'a dɨ tɨa ɛ, bé mu ó lé ekœʼ mbɨmbɨa. Mɨzɨzam, myé epɛʼɔ sa ndɨ elœʼ be é mih mo Zyɛm ɨ. Ontoʼ, bé mu ó lé ejoʼo; odwè lé epàh é mofoo. Mbɨambɨa Lɔɔ, wé mu ó lé elɛɔ baanteʼenteʼe o bʉr.