Yʉanes 9:16 - Kálara Zyɛ̌m Edwán é mpʉ̌n

¹⁶ Baʼ oFarizyɛŋ, bé ó: «Mʉr sa mbi syɛɛla wiʼ ɨ, nye abe e nkul eduho boo Zyɛm, ebe, nye adu mompene mo moho saba.» Bʉʉ, bé ó: «Nyá? Syɛl mɨsyem, nye abe e nkul esa bɨdweʼle bɨ nkul mbi wi.» Bʉr ntɔʼ bɔʼa monkɔb moba.

Kálar Nzyɛ̌m : Ejwán é Sáá

¹⁶ Bâʼ óFarizyɛ̂n, bé ó: «Mʉr sá mbǐ syɛ́ɛla wɨ̂ʼ nyá, nyé abe e nkul eduho kwá mé Nzyɛ̌m, ebě, nyé adû mémpéné mé móhó sábat.» Bʉ́ʉ́, bé ó: «Nyá? Syɛ̂l misyóm, nyé abe e nkul esâ mbi ésimá wɨ̂.» Bʉr ntɔ̂ʼ bɔ́ʼa ménkɔb mebá.

Yʉanes 9:16 ပူးပေါင်းရင်းမြစ်များ

Yʉanes 10:19

OYʉden ze bâʼle bɔʼa motwii é jɔʼ bé a joʼo lwib nɨ ɨ.

Yʉanes 7:43

Ntuntuma bʉr, yé ze bɔʼa motwii é lʉ mo Yesʉs.

Yʉanes 7:12

Ntuntuma bʉr, yé ze bɔʼa motwii, to le enyimla paʼra wɔɔ é lʉ we. Baʼ, bé ó: «Nye ó mbɨambɨa mʉr!» Bʉʉ, bé ó: «Tɨtoʼo! Nye egomlo ntuntuma bʉr é bebebebe zi.»

Yʉanes 3:2

Nye a si ze pyal boo Yesʉs é pum. Nye e nye ó: «Yeʼle, bɨh bé egʉa ó, go ó yeʼle Zyɛm a ntɨh, lé eze yeʼle bɨh ɨ, ebe, nkʉ Zyɛm, nye abe e mʉr, mʉr waa, nye abe e nkul esa bɨdweʼle bɨ nkul mbi go lé esa ɛ.»

Mataos 12:2

Jɔʼ oFarizyɛŋ, bé a bee syɛɛla yaa ɛ, bé ze lɛɛ e Yesʉs ó: «Paʼ bee mpʉ ompʉn bo lé esa sa ndɨ kɔmlʉ é moho saba ɛ!»

Yʉanes 15:24

Nkʉ me a be ó be, asa mbi bɨsyɛɛla nuu mʉr a baapa sa paʼra wɔɔ nɛʼɛ, mpa bé adweŋɔ mobe é lɔb mɨsyem myɔɔ. To kœb ó, banana, bɨ bee bɨsyɛɛla byam. Bé dina ó, lé ekʉ nwim bɨh e Sɔŋ wam.

Yʉanes 14:11

Buʼla ga me é jɔʼ me lé elɛɛ ó: “Me ó é zyɛŋa wih boo Sɔŋ wam; Sɔŋ wam, nye etiʼe ó, é me” e. Yé be ó, bɨn bé abuʼla lɔɔ wam waa nɛʼɛ, buʼla ga be ebe bɨsyɛɛla byam.

Yʉanes 9:24

OFarizyɛŋ, bé ze bâʼle baŋle mʉr a tiʼɔ ɛ. Bé e nye ó: «Lɛŋɨ ocyecye é mih mo Zyɛm. Bɨh bé egʉa ó, mʉr nɨ, nye ó syɛl mɨsyem.»

Yʉanes 6:52

É jɔʼ oYʉden bé a joʼo no e, kʉ ze taarɔ lé etʉʼra paʼra wɔɔ. Bé ó: «Mʉr nwa, nye e nkul edwe bɨna ga bɨpuno bye ó, bɨna deʼ ga bye nyá ɛ?»

Yʉanes 5:36

«Sa gwar, mɛm, me e mboʼla fih, pie waa mo Yʉanes. Nyɛɛ, nye edwe mboʼla ndɨ elaa waa mo Yʉanes é modile e, ebe, bɨsyɛɛla Sɔŋ wam a dwe me ó, me ntaʼ, ze fwahle e, byé ó me lé esa ɛ. Byé eboʼlo, tiibe e me ó, Sɔŋ wam ó b'a ntɨh me.

Mɨlʉmlʉ 14:4

Bʉr o nkana ze bɔʼa monkɔm moba. Nwaʼ nkɔm, kɛm oYʉden; nuu, kɛm mɨlʉmlʉ.

Mataos 12:10

Tɨʼ yé a be ó e nuu mʉr a be e mbo é fwam-fwam ɨ. No ó, bʉr o b'a be tɨʼ ɨ, bé ntɔʼ dî e nye ó: «Zê yé ó kɔmlʉ ó, mʉr joma bʉr mokpaa é moho saba ɛ?» Bé a dî nye tia waa ó, lé elamɔ nye é mbi syɛɛla nye ósa ɛ.

Lʉkas 13:14

Njwɨɨ mpah mɨnjwɨʼla ntɔʼ joʼo Yesʉs ebebe é lɔb syɛɛla ye, ebe, nye a si bana tiʼ zyoo é moho saba. Nye e bʉr bɨbɛh ó: «É sono nyiwɛh, yé e moho ngwar ndɨ moho saba ɛ. Mɨmoho tobo, myé ó bɨna ga e nyɔm é l'efu ó, bɨna sea ga. Ntaʼ, ze jʉmba ga é mɨmoho myaa, abe yɛɛ moho saba.»

Yʉanes 2:11

Yiha ó ndɨ dweʼle nkul we efoʼ Yesʉs a sa ɛ, nye ndɨ ɨ Kana, é lal Galɨle. Moncɛnba me, mé ze nyin é zi syɛɛla yaa. Ompʉn be, bé ntɔʼ bâʼle bul jyɛʼ taa buʼo yɔɔ boo nye.

Yʉanes 5:10

Ebe no ó oYʉden, bé a lɛɛ e mʉr a tiʼɔ ó: «Muh, yé ó moho saba. No ó motie ga mɨna, mé amɛʼle ó, go nkɛŋɨ tɔɔ go.»

Yʉanes 7:23

Bɨn pa taare sa mʉr mpʉn é moho saba, antaa motie mo Moyiz, a dwɛʼra e mɛm, mʉr a tiʼ kubo mʉr ntinɨ é moho waa ɛ! Le mɛm, le bɨn bɛɛ, zé a bul ntaa etie e? Ebe yé bɨn lé ekpaa empime e me e?