Yʉanes 8:54 - Kálara Zyɛ̌m Edwán é mpʉ̌n

⁵⁴ Yesʉs, nye e be ó: «ǃMe si dwe mɛm mʉr tɨʼ kum lé elɛɛ bɨn mbi mʉr me ndɨ nɛʼɛ, lɛɛ ó, kum wam waa, nye abe e nyɔm. Mʉr lé edwe me kum ɨ, nye ó ndɨ Sɔŋ wam! Nye ó waa bɨn lé elɛɛ ó, nye ó Zyɛm win ɨ.

Kálar Nzyɛ̌m : Ejwán é Sáá

⁵⁴ Yésʉs, nye e bé ó: «Mé sí gúmlo mɛ̂m mʉr tɨ̂ʼ nɛ́ɛ: kûm nyǎm nyaá, nyé abe e nyɔm. Mʉr dí edwe mé kûm nyá, nye ó Sɔ́ŋ wǎm. Nye ó waá bɨ́n dí elɛ́ɛ ó, nye ó Nzyɛ̌m wɨ́n nyá.

Yʉanes 8:54 ပူးပေါင်းရင်းမြစ်များ

Yʉanes 8:50

Me abe lé esaa ebœʼ kum wam. Yé e mʉr lé esaa ó, bʉr dwiibɨ me é buobuo e. Nye nteme, nye ó waa lé etiʼe mɨlɔb ɨ.

2 Pyɛr 1:17

Zyɛm Sɔŋ a si dwe nye duu. É jɔʼ Zyɛm Sɔŋ a ntɨh twii, duho é dia kum nɨnɨ ye e, nye a lɛɛ ó: «Nwaʼ, nye ó mwan kpɛl wam. Me ekʉ mɨɨla e nye.»

2 Korɛnt 10:18

Ebe, ntʉʼ waa lé eseʼle nye mʉr tɨʼ ɨ, Da lé emɛʼle. Da mɛʼle ó, waa nye mʉr tɨʼ lé eseʼle e.

Mɨlʉmlʉ 3:13

Nyi tiʼɔ mpʉnʉ ó, ebe Zyɛm mo Abraham, e Ɨzak ndwe e Yakɔb ndwe e bɨmpam ga bɨna. Nyɛɛ be ó si kpɛl ó, nye dwiibɨ syɛl mosa we Yesʉs. Bɨn bɛɛ, bé a si kɛha nye, ntɛŋɔ nye é mobo mo Pilat ó, nye jʉʼo nye. Bɨn bé a kɛha nye no ó, Pilat, nye osi tiʼe é leme we ó, nye bir ó nye.

Yʉanes 17:1

É jɔʼ Yesʉs a sil lwib no e, nye ze bɨn mih kʉ. Nye ó: «Da, ewala, lɨ pyal! Lɛʼla bʉr kum mo Mwan go, é mbi ndɨ ó, nye lɛʼla nteme bʉr kum go,

Yʉanes 8:41

Bɨn bé esa naa ó, bɨsyɛɛla bɨ sɔŋ win.» Bé e nye ó: «Bɨh bé abe bʉr o b'a byɛl pie mɨfyɛba! Bɨh bé ó e Sɔŋ ngwar, njɨ Zyɛm nye ome.»

Yʉanes 7:18

Mʉr lé elwib é nkul we nye mʉr tɨʼ ɨ, nye esaa ó, bʉr dwiibɨ nye. No ó, mʉr lé esaa ó, bʉr seʼla mʉr a ntɨh nye e, nyɛɛ ó lé elɛɛ ocyecye. Nye akœʼ ebò e cyen ndɨ ozyɛhozyɛh ɛ.

1 Pyɛr 1:21

Krɨst ó b'a sa ó, bɨn jyɛʼɛ taa buʼo yin boo Zyɛm, waa a pɛ̀h nye é foo, waa a dwiibɨ nye nteme e. Ebe no ó buʼo yin ndwe e mbɛla win lé etiibe njɨ e Zyɛm ɨ.

1 Pyɛr 1:12

Zyɛm a ka lɛɛ ogwiha o mɨlɔb baa ó, lɔɔ bé a to le elɛɛ ɛ, wé a baabe é l'efu lɔɔ, bé bʉr o tɨ, ó bé gʉŋa we é kpɛhla. Bé a ze lé elɛɛ we ó, é l'efu lɨn. Bɨn ó ndɨ edira nyɔm e lɔɔ waa é banana, é nkul mo Mbɨambɨa Sisim a ntɨhɔ bɨn, duho é jobo kʉ ɨ. Lɔɔ bé a lɛɛ-lɛɛ bɨn ɨ, wé ó waa beengles lé ebul gwɨm gʉa ɛ.

Yʉanes 17:5

No ó, Da! Banana, dweʼ me kum mpʉ waa me a be e nye go ye, é jɔʼ kʉ e si, byé a baapa cyeŋɔ ɛ.

Yʉanes 7:39

(No, yé ó, Yesʉs a lwib ó, tiibe e Mbɨambɨa Sisim bʉr, bé óbi é jɔʼ bé óbe si jyɛʼ taa buʼo yɔɔ boo nye e. Abe e mʉr a pa bi Mbɨambɨa Sisim é nyʉl we no, ebe, Yesʉs a baapa dweŋɔ kum é mbo ejʉm mo Zyɛm Sɔŋ é jɔʼ yaa.)

Yʉanes 5:41

«Me abe lé esaa ebi kum lé eduho é bʉr ɨ.

Yʉanes 2:11

Yiha ó ndɨ dweʼle nkul we efoʼ Yesʉs a sa ɛ, nye ndɨ ɨ Kana, é lal Galɨle. Moncɛnba me, mé ze nyin é zi syɛɛla yaa. Ompʉn be, bé ntɔʼ bâʼle bul jyɛʼ taa buʼo yɔɔ boo nye.