Yʉanes 8:51 - Kálara Zyɛ̌m Edwán é mpʉ̌n

⁵¹ Me elɛɛ bɨn cyecye ó nɛɛ: ǃɨ mʉr si baʼle lwib yam nɛʼɛ, nye l'aka dwè.»

Kálar Nzyɛ̌m : Ejwán é Sáá

⁵¹ Mě lɛ́ɛ́ bɨ́n lɨ́ otyeetye ó, mʉr óbaʼlě lwǐb yâm nyá, nye ákǎ dwe.»

Yʉanes 8:51 ပူးပေါင်းရင်းမြစ်များ

Yʉanes 5:24

«Me elɛɛ bɨn cyecye ó nɛɛ: mʉr ójoʼo lwib yam le ejyɛʼ taa buʼo ye boo mʉr a ntɨh me e, nyi bi tiʼ molu mo mpoʼ mɨmɛh. Zyɛm, nye aŋa ka dwe nye mobe. Nyi bɛa dwihɔ é l'efie, ntɔʼ dweŋɔ tiʼ molu mo mpoʼ mɨmɛh.

Yʉanes 15:20

Toŋla ga sa me a lɛɛ bɨn ɨ: “Syɛl mosa álaa masa we é duu.” Yé be ó, bé a si tíile me nɛʼɛ, gʉŋa ga ó, bé ótíile bɨn nteme! Yé be ó, bé a si joʼo sikʉlʉ yam nɛʼɛ, gʉŋa ga ó, bé ójoʼo nteme yaa yin.

Yʉanes 6:50

Sa gwar, mode lé eduho é jobo kʉ ɨ, mɛɛ, mé ó mbi monyɔmlʉ ndɨ: ǃɨ mʉr si de me nɛʼɛ, nye ákwoʼ ka dwè.

Lʉkas 2:26

Nye a si bɛa lɛɛ e nye é zi Mbɨambɨa Sisim ó, nye óbee Lœma mulo mo Zyɛm Da a kɛʼ ɛ, nye l'apa dwè.

Ebrœ̂ 11:5

Buʼo mo Enɔk ó b'a sa ó, nye beʼ l'adwè. Nye a di é di di di, bʉr ntɔʼ sanɔ nye. Nye a baaka beɔ, ebe, Zyɛm a si nʉa nye. Yé ó tila ó, Enɔk apa bɨnɔ kʉ, Zyɛm a si bɛa bee nye mbɨmbɨa.

Yʉanes 8:55

Bɨn bɛɛ, bé agʉa nye. Me ome ó lé egʉa nye. Nkʉ me a be ó be, lɛɛ ó, “Me agʉa nye” nɛʼɛ, mpa me ó mpʉmpʉl mpʉ bɨn. To kœb ó, me ekʉ gʉa nye. Me edu nteme mpʉ lwib ye ndɨ ɨ.

Yʉanes 8:12

Pie tɨ, Yesʉs ze lɛɛ e bʉr ó: «Me ó lé epɛn myɛn é si nwa. Mʉr ódu me e, nye óbi sa lé epɛn myɛn tiʼ ɨ. Nye aŋa ka ntime é l'edurʉ.»

Mataos 16:28

Me elɛɛ bɨn cyecye ó nɛɛ: é sama bʉr o ndɨ wâʼ bananaʼ ɛ, bʉʉ, bé aŋa dwè, bé l'apa bee Mwan mo Mʉr lé eze cyel jwɨ̀ʼa ye cyecye.»

Yʉanes 8:52

OYʉden, bé e nye ó: «Banana, bɨh bɨ gʉa ó, go ó bana kʉ be e l'eleme! Abraham a si dwè, ogwiha o mɨlɔb si dwè nteme. To kœb ó, gwɔɔ, go elɛɛ ó, ǃɨ mʉr si baʼle lwib yo nɛʼɛ, nye l'aka dwè!

Yʉanes 14:23

Yesʉs ze bɨha e nye ó: «Mʉr lé ekpɛl me e, nye óbaʼle sikʉlʉ me a dwe bɨn ɨ, ndwe le edu ye. Sɔŋ wam ókpɛl nye. No ó, bɨh e Sɔŋ wam, bé óze boo nye, ze komlo odia wih tɨ.

Yʉanes 17:6

«É bʉr bɨbɛh, go a si pɛh bʉʉ, ze ntɨh me ba. Me ntɔʼ ze sa ó, bé gʉŋa go. Bé a bɛa be ó, bʉr bo, go ze ntɨh me ba. Ebe no nteme ó bé a du lwib yo e.

Ebrœ̂ 2:9

Sa bɨna lé ekʉ gʉa bee ga ɛ, yé ó: é ma peh jɔʼ, Zyɛm a si taare fil Yesʉs si, beengles laa nye ba é duu. Pie tɨ, nyi ka bœr nye epʉʼlʉ é lʉ, le edwe nye kum ndwe e duu, ebe, nye a si sia e mɨtuu, ntɔʼ dwè. Sa nɨ yiyɛh é l'efu ó, Zyɛm lɛʼla bʉr bɨbɛh ncwɨncwɨa, lé esa ó, Yesʉs jala e be.