Yʉanes 8:44 - Kálara Zyɛ̌m Edwán é mpʉ̌n

⁴⁴ Sɔŋ win, nye ó Njwɨɨ moleme! Ebe no ó bɨn lé ebul kpɛl sa njɨ gwɨma mo sɔŋ win ɨ. Nye a bɛa be ó njʉl bʉr, duho é l'etɔɔrʉ. Nye abe e nkul elɛɛ ocyecye lʉʉ dobo, ebe, ocyecye, wé abe é nye tʉŋlʉ. É jɔʼ nye lé elɛɛ mɨlɔɔ ɛ, nye elɛɛ ó, sa ye anta nye, ebe, nye ó mpʉmpʉl. Nye nteme, nye ó sɔŋ mɨmpʉmpʉl.

Kálar Nzyɛ̌m : Ejwán é Sáá

⁴⁴ Sɔ́ŋ wɨ́n, nye ó sɔ́ŋ meleme. Sá tɨ̂ʼ ó bɨ́n dí ekpɨkpɛ̌l njɨ esâ gwɨ́má mé sɔ́ŋ wɨ́n yɨ́. Nye á boo be ó njʉ̂l bʉr, duho ɨ́ menyɛ̌l. Nyé abe e nkul elɛ́ɛ ótyeetye lʉ́ʉ́ dʉ́o, ebě, otyeetye, wé abe e né. Jɔʼ nyé dí elɛ́ɛ bíbɛr yɨ́, nyě lɛ́ɛ́ ó, sá yé, ánta nye, ebě, nye ó mʉr bibɛr. Nye ntémé, nye ó sɔ́ŋ bibɛr.

Yʉanes 8:44 ပူးပေါင်းရင်းမြစ်များ

Mɨlʉmlʉ 13:10

Nye e nye ó: «Gwɔɔ mwan mo Njwɨɨ moleme, mʉr dɔm ndɨ elwimla e sa yiyɛh ndɨ é l'ocɨcyel ɨ. Go ó lwɨŋla e bɨlwib bɨkʉʉŋʉ le mpʉl, mɨmbi mimyɛh. Zê go aŋa gwaʼ lé eze e mbʉl é mɨlɔb mo Da ɛ?

1 Yʉanes 3:12

Bɨna l'ayi be ga mpʉ mo Kan. Nye a bɛa be ó é nkɔm mo Bɨbla-mʉr, nye ze jʉ ncyom we Abɛl. Nye a pa kʉ jʉ nye é wáa lɔb? Yé a be ó, ebe, bɨsyɛɛla mo Kan, byé a be ó ozyɛhozyɛh; byaa mo mɨɔ we, ocɨcyel.

2 Korɛnt 11:3

Me ejoʼo bʉa. Me ekpɛɛ ó, bɨn bé amu jaa gomlo bɨbɛh é bebebebe zi ebe bɨkʉʉŋʉ. Bɨn bé amu dwibra e Krɨst jɔʼ gwar é dwirɨ, jwɨʼ gwar e gwar e mpʉ nyʉa a kʉa Efa, nye ntɔʼ bil é bɨkʉʉŋʉ ɨ. Bɨn bé amu jaa gwaʼ lé edwiibɨ Krɨst ntinɨ e ntinɨ.

Yʉanes 8:38

Me elɛɛ ó, sa me a bee boo Sɔŋ wam ɨ. Bɨn bɛɛ, bé esa ó, syɛɛla win sɔŋ a lɛɛ ó, bɨn saʼ ɨ.»

Yʉanes 8:41

Bɨn bé esa naa ó, bɨsyɛɛla bɨ sɔŋ win.» Bé e nye ó: «Bɨh bé abe bʉr o b'a byɛl pie mɨfyɛba! Bɨh bé ó e Sɔŋ ngwar, njɨ Zyɛm nye ome.»

1 Yʉanes 3:15

Mʉr nyiwɛh lé enwim mɨɔ we e, nye ó njʉl bʉr. Bɨn bé egʉa nteme ó, abe e njʉl bʉr ngwar ndɨ ebi tiʼ molu mo mpoʼ mɨmɛh.

Mataos 13:38

Peme ye, yé ó si nwa. Mpaŋ mpœʼ, yé ó dweʼle, sa lé elɛʼle nkɔb bʉr o ndɨ é jwɨ̀ʼa mo Da ɛ. Bɨka ndɨ abe e mpi ɨ, byé ó bʉr o ndɨ baa mo Bɨbla-mʉr ɨ.

Yʉ̂d 1:6

Sa mba, yé ó, toŋla ga nteme beengles, mpʉ bé a be, adihbe edi é bɨdia bɨ taʼa byɔɔ ɛ. Bé a si liʼe mɨmpaŋ bɨdia byɔɔ byaa, ntɔʼ saŋɔ bɨdia bɨfih, Zyɛm ntɔʼ gba be é l'edurʉ tʉŋlʉ, kaʼ be gʉ. Bé ódi mɨkɛʼa ó, njʉmdia e njʉmdia. É l'edurʉ laa ó bé lé ebono, to pyal é l'esie e mbi jɔʼ yi. É jɔʼ yaa ó Zyɛm ótiʼe be mɨlɔb ɨ.

1 Yʉanes 2:4

Mʉr lé elɛɛ ó: «Me egʉa Zyɛm,» nyɛɛ yɛɛ adu motie me e, nye ó ndɨ mpʉmpʉl. Ocyecye, wé abe é nye.

Mɨngwiha 21:8

Baabʉbʉa bɛɛ ndwe e bʉr o ndɨ abuʼla Zyɛm ɨ, bʉr o ndɨ efœʼ monyʉl mɔɔ ɛ, ojʉl o bʉr, e l'osyɛl o mɨfyɛba, oleme ndwe e baa lé edwiibɨ bɨbaŋabaŋa bɨdweʼle e, ndwe e baanya-bɨkʉʉŋʉ bɨbɛh, bɛɛ, bé ókʉ ka kœb odia wɔɔ ó njɨ é Bɨ-siʼe. Yé ó lwɨŋla e siʼe ndwe e pir. Tɨʼ ó bʉr lé edwè efie emba ɛ.»

1 Pyɛr 5:8

Mɛrɨ ga mɨleme. Diʼe ga nkehe. Mʉr lé epur bɨn ɨ, Njwɨɨ moleme, nye elie bɨn é mɨpaʼ mimyɛh é nka-nka-nka, mpʉ ngbampwɨɨ lé emuulo le esaa mʉr nye deʼ.

Mɨngwiha 9:11

Tî wɔɔ, nye ó engles ndɨ e nkul mojwɨ̀ʼa é Bɨ-siʼe e. Bé ejebe nye é lwib ebrœ ó, Abadɔn. Yé be ó é lwib grɛk yɛɛ nɛʼɛ, lɛɛ ó, yé ó Apolion.

Mɨlʉmlʉ 5:3

No ó Pyɛr a ze lɛɛ e nye ó: «Ananias, ebe yé Satan bana cyɛb go é leme, ze sa ó, go lɛŋɨ Mbɨambɨa Sisim mpʉl mpʉnʉ nɨ ɨ? Ebe, gɨ nara e guu paʼ mɔn Mbɛr-Zyɛm go a nʉa é l'ebom e peme yo e, komo é l'empàh!

Yʉanes 6:70

Yesʉs, nye e be ó: «Ntʉʼ mɛm mʉr tɨʼ a pɛh bɨn, Esama le ompʉn ewʉm e l'oba ɛ? Dam be no, nuu mʉr é l'esama lɨn, nye ó waa mo Njwɨɨ moleme!»

Mɨngwiha 2:10

Ajoʼo ga bʉa e bɨntɨʼa bé ódwe bɨn ɨ. Mbe ga: Njwɨɨ moleme ómɛr bɨn bʉʉ bʉr, gba be é mbʉʼ, lé eboblo bɨn! Bɨn bé ósia e mɨtuu myaa ó, to pyal é molu ewʉm. Diʼe ga bʉr be ebuʼla, to pyal é l'efie. Ebe no ó me óbœr bɨn mopʉʼlʉ mo tiʼ é mɨlʉ.”

2 Pyɛr 2:4

Ebe, jɔʼ beengles bé a sa syem ɨ, Zyɛm a baakamle e be. Nye a kʉ ka guho be ó njɨ é Bɨ-siʼe. Nye a dil be gʉʼ é mpila ó, lé ebono dobo le etiʼ e mɨlɔb.

Mɨngwiha 13:14

ebe, nye a si dweŋɔ nkul esa bɨdweʼle bɨ nkul we no é mih mo tir monyan efoʼ waa. Nye egomlo odil o si nwaʼ bɨbɛh é bebebebe zi é lɔb esa be mosima. Nye elɛɛ e be ó, bé kpaʼa dweʼle yé ónwɨɨla e tir monyan efoʼ, waa a pa kparɔ e fòŋ, nyɛɛ l'adwè e.

Mɨngwiha 22:15

No ó, baa lé etiʼe mpʉ ompye e, bé e l'oleme, ndwe e l'osyɛl o mɨfyɛba bɛɛ, bé óliʼ kʉl. Ojʉl o bʉr nteme, ndwe e baa lé edwiibɨ bɨbaŋabaŋa bɨdweʼle e, ndwe e baa lé ekpɛl mɨlɔɔ mɨ mpʉl ɨ, bé nteme, bé óliʼ kʉl.

Mataos 12:34

Kampaŋa bɨgurokɔɔ yi, wáa mbi bɨn ndɨ e nkul elɛɛ mɨmpaŋ bɨsɔʼɔ ɛ? Ebe, bɨn bé é bebe! Sa mʉr ndɨ e ye lwɨŋla é leme e, yé ó nʉm we lé epyɛl kʉl ɨ.

Mataos 13:15

Bʉr o kul yi, bɨ lɨl mɨleme. Mogwal mɔɔ, mé agʉa joʼo sɔʼɔ. Bɨ dible mih mɔɔ. Nkʉ bé a be ó be, bee e mih mɔɔ é sʉlʉlʉ ndwe le ejoʼo e mogwal mɔɔ é saŋ-saŋ nɛʼɛ, mpa bɨ gʉa é kpɛhla é jɔʼ yaa. Nkʉ bé a be ó be, gʉa ocyecye nɛʼɛ, mpa bɨ dwibra, ntɔʼ ze boo me. Mpa bɨ sa nteme ó, me dweʼ be tiʼ.”»

Yʉanes 7:17

Mʉr lé egwɨm sa bɨgwɨma mo Zyɛm ɨ, nye ógʉa gumo sikʉlʉ yam lé eduho e: nkʉ yé eduho boo Zyɛm, nkʉ me elwib é nkul wam me mʉr tɨ.

Yʉanes 8:55

Bɨn bɛɛ, bé agʉa nye. Me ome ó lé egʉa nye. Nkʉ me a be ó be, lɛɛ ó, “Me agʉa nye” nɛʼɛ, mpa me ó mpʉmpʉl mpʉ bɨn. To kœb ó, me ekʉ gʉa nye. Me edu nteme mpʉ lwib ye ndɨ ɨ.

1 Yʉanes 1:8

Yé be ó, bɨna bé elɛɛ ga ó, bɨna bé abe lé esa ga mɨsyem nɛʼɛ, lɛɛ ó, bɨna bɨ sa ga bɨgwìh. Ocyecye, wé abe é bɨna ga tʉŋlʉ.

1 Yʉanes 2:21

Me atile bɨn e yʉʉ toŋla ó, bɨn bé ejeʼe ocyecye. Me etile bɨn ó, ebe, bɨn bɨ gʉa we. Bɨn nteme bé egʉa ó, mpʉl, nye abe e nkul eduho é l'ocyecye.

Mɨlʉmlʉ 24:9

OYʉden bé a be tɨʼ ɨ, ntɔʼ diŋɔ twii e bʉr o bé a nwahle nye e, le elɛɔ ó, bɨsa byaa bibyɛh, byé a kʉ be ó tɨ.