Yʉanes 8:34 - Kálara Zyɛ̌m Edwán é mpʉ̌n

³⁴ Yesʉs, nye e be ó: «Me elɛɛ bɨn cyecye ó nɛɛ: mʉr nyiwɛh lé esa syem ɨ, nye ó elʉa mo Syem.

Kálar Nzyɛ̌m : Ejwán é Sáá

³⁴ Yésʉs, nye e bé ó: «Mě lɛ́ɛ́ bɨ́n lɨ́ otyeetye ó, mʉr nyɨnyɛ̂h dí esâ syóm nyá, nye ó túʼǎ mísyóm.

Yʉanes 8:34 ပူးပေါင်းရင်းမြစ်များ

Rôm 6:16

Bɨn bé egʉa mbɨmbɨa ó, ǃbɨn si sea e mʉr, sa nye mojoʼo mpʉ molʉa nɛʼɛ, bɨn bɨ lihba molʉa é nko paʼ mo njwɨɨ bɨn lé esa mojoʼo e. ǃBɨn si sa syem nɛʼɛ, lɛɛ ó, bɨn bɨ daʼre efie é monyʉl mɨn. ǃBɨn si mɛʼle ó, bɨn sa ó Zyɛm mojoʼo nɛʼɛ, lɛɛ ó, bɨn bé ónʉŋɔ ó, mpʉ ocɨcyel o bʉr.

2 Pyɛr 2:19

Bé ekɛʼ be ó, bé ópɛʼ be é dia olʉa, dil be é dia otî, bɛɛ yɛɛ njɨ molʉa mo pɨʼ ontʉlontʉl, ebe, sa yiyɛh mʉr lé ebaran e ye, yɛɛ lé entaa nye é nkul ɨ, mʉr waa, nye ó elʉa é l'efu e sa yaa.

Rôm 6:12

É mpʉ yé ndɨ no e, daʼ mɛʼle ga ó, Syem, wé bâʼla mɛr bɨn, dil bɨn é dia olʉa. Wé l'ayi jwɨ̀ʼ bɨn é nko paʼ nyʉl ndɨ edwè e. Daʼ bir ga ó, Syem, wé ntaŋa bɨn é nkul, ó bɨn saʼ we mojoʼo, nkʉ du bɨgwɨma bye.

Rôm 6:6

Bɨna bé egʉa ga ó, é jɔʼ Yesʉs-Krɨst a cyèlɔ é klos ɨ, Zyɛm a si bomlo mɨnjʉ̌m motum ga mɨna tɨʼ nteme é l'efu ó, nye dwihɨ bɨna ga nyʉl ndɨ eyɨm bɨna ó, bɨna saʼ ga mɨsyem ɨ, ndwe nteme, bɨna l'ayi ka bâʼle di ga molʉa, lé esil lé esa mɨsyem mimyɛh bɨgwɨma ga bina ndɨ eyɨm bɨna ó, bɨna saʼ ɛ,

Títos 3:3

Ebe, bɨna bé a taare be ga nteme ó no: bɨgʉ, baajoʼo-motɨɨ, si gʉmla é bebebebe zi. Bɨna bé a di-di ga ó, molʉa mo Syem, lé edu bɨgwɨma mɨmbi mɨmbi. Bɨna bé a tiʼe-tiʼe ga ó, lé enwim bʉr. Bɛɛ nteme lé enwim bɨna. Bɨna bé a be ó lé esiila ga nteme paʼra ga wina.

Éfɛsɔs 2:2

Bɨn bé a taare kœʼ ó, njɨ ebò e cyen le ebebe laa, jwɨʼ gwar e gwar e bʉr o mbi jɔʼ yiʼ bɨbɛh. Bɨn bé a tiʼe no ó, lé edu motɨɨ mo njwɨɨ mbi jɔʼ yi, waa ndɨ cyela é dia taʼa ye paʼra jobo e l'ejyoo le ebantɛn ɨ. Sisim waa ó lé ecyɛb bʉr é mɨleme é banana, baa lé esa Zyɛm ebɨh ɨ...

Rôm 7:25

Bɨna dweʼ ga Zyɛm ekiba é zyɛŋa ga wina boo Tî ga wina Yesʉs-Krɨst! Yé ó mpʉ me ndɨ e nkul elɛɛ ó, mɨpɛhla mɨ leme wam, myé egwɨm sea syɛɛ ó, yaa motie mo Zyɛm ndɨ etɨe e. Nyʉl bɨpuno wam nyɛɛ, nye ekʉ ka kpɛl ó njɨ me diʼe elʉa mo Syem, le edu mɨnjwɨr mye.

Rôm 8:21

Zyɛm ópɛʼ mɨcyea bɨsa bibyɛh byaa é dia tɨtoʼo yaa, byé l'aka be sa lé ebo e. Byé óbe ó é dia otî, jwɨʼ gwar e bwan o mobœʼa mo Zyɛm bɨbɛh. Bé óbe ó e kum é dia otî yaa.

Rôm 7:14

Bɨna bé egʉa ga ó, motie, mé ó sa lé eze bɨna ga e sikʉlʉ ndɨ ejala e Mbɨambɨa Sisim ɨ. No ó, tiʼ yam yɛɛ, yé eduho ó, njɨ é nyʉl bɨpuno. No ó me a ka liʼ e sɔʼɔ ó, njɨ dia olʉa mo Syem.

Mɨlʉmlʉ 8:23

Ebe, me ebee ó, leme go, wé ó lwɨŋla e modwie. Go ó mbila é monkara, duho é bɨsyɛɛla bɨ ozyɛhozyɛh byo.»

Yʉanes 3:3

Yesʉs, nye e nye ó: «Me elɛɛ go cyecye ó nɛɛ: ǃɨ mʉr si be, abâʼle byɛl nɛʼɛ, nye abe e nkul ebee Jwɨ̀ʼa mo Zyɛm.»

Mataos 5:18

Me elɛɛ bɨn cyecye ó nɛɛ: to pyal é jɔʼ kʉ e si, byé ósie e, kaŋa gwar tɨ, nkʉ ma etɔn egwar, byé ákwoʼ pʉʼa é motie mo Moyiz, to pyal é jɔʼ sa yiyɛh, yé ósyɛɛlɨ ɨ.