Yʉanes 8:32 - Kálara Zyɛ̌m Edwán é mpʉ̌n

³² É jɔʼ bɨn bé ógʉa ocyecye e, ocyecye waa, wé ódil bɨn é dia otî.»

Kálar Nzyɛ̌m : Ejwán é Sáá

³² Jɔʼ bɨ́n ngá gʉ́a ótyeetye yɨ́, otyeetye waá, wé ódil bɨ́n ɨ́ tyé ónzyɛh o bʉ̂r.»

Yʉanes 8:32 ပူးပေါင်းရင်းမြစ်များ

Rôm 8:2

Bɨna bé a be ga ó mɨmɛra é mpila mɨsyem. Mɨsyem myaa, myé ó b'a liŋ bɨna ga odwè é mih mo Zyɛm. Mbɨambɨa Sisim ze dwe bɨna ga tiʼ molu mo mpoʼ mɨmɛh é zyɛŋa ga wina boo Yesʉs-Krɨst.

Yʉanes 8:36

ǃƗ Mwan mo Zyɛm si dwih bɨn é dia olʉa nɛʼɛ, gʉŋa ga ó, bɨn bé ódi é dia otî é jɔʼ yaa.

Yʉanes 17:17

Saʼ ó, bé diʼe mɨsaŋ mɨ bʉr bo é l'ocyecye. Lwib yo, yé ó cyecye.

1 Pyɛr 2:16

Zyɛm a sa ó, bɨn diʼe é dia otî. É dia otî yin yaa, yé ajala le efuʼla sa bɨn buuro ebɨ-leme lɨn e tɨʼ ɨ. Kœʼœ ga ebò e cyen lé elɛʼle mpʉ bɨn ndɨ molʉa mo Zyɛm ɨ.

Yʉanes 14:6

Yesʉs, nye e nye ó: «Me ó ndɨ zi. Me ó ndɨ é l'ocyecye. Me ó ndɨ Etin e tiʼ. Mʉr, nye abe e nkul eto nko Sɔŋ wam ndɨ ɨ, cwɨɨ é nuu zi fih, nkʉ yé abe é me.

Rôm 6:22

Banana, Zyɛm, nyi sa ó, bɨn diʼe é dia otî é nko paʼ Syem. Bɨn mu ó é dia osyɛl o mosa mo Zyɛm. Mpumo lé ecyèl é bɨtiʼ bin ɨ, nye ó ndɨ ebò e cyen ndɨ ti é mih mo Zyɛm ɨ. Ndumlo tɨ, wé ó tiʼ molu mo mpoʼ mɨmɛh.

Jacques 1:25

No ó, mʉr waa lé ebee etie ndɨ mbɨmbɨa é mɨpaʼ mimyɛh ɛ, (no, yé ó etie ndɨ ecyel bʉr é dia otî ɨ), nye ó ndɨ eto dolo lé edu etie laa mbɨmbɨa. Nye abe mbi mʉr ndɨ, le ejoʼo, le ejɨha ɛ. Nye esa syɛɛla tɨ. Nyiha ó ndɨ waa Zyɛm ósʉ mocyɛʼ mo mpom é syɛɛla yiyɛh nye ósa ɛ.

Galásia 5:1

Krɨst a dwih bɨna ga é dia olʉa ó, bɨna diʼe ga é dia otî. Ebe no, cyɛba ga é nkʉʼʉ. Amɛʼle ga ó, nuu mʉr dwihɨ bɨn é dia otî, ntɔʼ dil bɨn é dia olʉa.

Jacques 2:12

Ebe no, é jɔʼ bɨn mu lé ekpɛl pyɛl ekan efih ekan e kɛ̀l ɨ, nkʉ ó, bɨn bé ósa yʉʉ syɛɛla nɛʼɛ, bɨn bé à gʉa ó, Zyɛm ótiʼe bɨn mɨlɔb ó, pahle mokan mɨn ndwe e bɨsyɛɛla bin byaa. Nye ópahle bye lé edu etie ndɨ esa ó, bʉr diʼe é dia otî ɨ.

Galásia 5:13

Obɨɔ ga bam aa! Zyɛm a jebe bɨn ó, bɨn diʼe é dia otî. É dia otî yin yaa, amɛʼle ga ó, bɨn saʼ bɨsyɛɛla bɨ ebebe nyʉl bɨpuno ga wina lé egwɨm ɨ. Kpɛla ga. Sea ga nteme paʼra win.

Yʉanes 7:17

Mʉr lé egwɨm sa bɨgwɨma mo Zyɛm ɨ, nye ógʉa gumo sikʉlʉ yam lé eduho e: nkʉ yé eduho boo Zyɛm, nkʉ me elwib é nkul wam me mʉr tɨ.

Rôm 8:15

Sisim Zyɛm a ntɨh bɨn ɨ, wé abe lé edil bɨn é dia olʉa é l'efu ó, bɨn bâʼla joʼo bʉa. Wé etœʼ bɨn si, ze cyel bɨn é dia bwan o mobœʼa mo Zyɛm. Wé ó ndɨ esa ó, bɨna jeba ga Zyɛm kʉ kʉ ó: «Abba! Da!»

Yʉanes 16:13

É jɔʼ Sisim Ocyecye, wé ópyal é bɨn ɨ, wé ólɛʼle bɨn ocyecye wiwɛh. Wé aŋa lwib njɨ e nkul we. Wé ólɛɛ sa wé a pa joʼo e. Wé nteme, wé ólɛɛ bɨn sa muno ze syɛɛlɨ ɨ.

2 Timotɛ 3:7

É jɔʼ yiyɛh, bé óbe ó lé ejwɨʼ bɨsikʉlʉ. Bé aŋa koʼo yɛɛ egʉa ocyecye é kpɛhla.

Yʉanes 6:45

Ogwiha o mɨlɔb, bé a tile é Kalara Zyɛm ó: “Zyɛm ó ngo yeʼle bɨbɛh.” Me elɛɛ ó, mʉr nyiwɛh ójoʼo Zyɛm Sɔŋ, le ejwɨʼ sikʉlʉ nye lé edwe e, nye óze boo me.

Mataos 11:29

Niʼe ga é jwɨ̀ʼa yam. Bɨn bé à joʼlo motɨɨ mam, ebe, me é tala njwɨr e nyʉl fila si. Bɨn nkʉʼ bi egbala é mɨsisim min,

Yʉanes 1:14

Lwib a be ó si byɛl mʉr. Nye a si tiʼe paʼra ga wina. Bɨh bɨ bee moncɛnba me, moncɛnba mo Etiʼe e Mwan mo Zyɛm. Nye a duho boo Sɔŋ we ó, nye mu bɛa be lwɨŋla e ncwɨncwɨa e l'ocyecye mo Zyɛm.

Yʉanes 1:17

Zyɛm a si tiile bɨna ga motie, cwɨɨ é Moyiz. No ó, ncwɨncwɨa we e l'ocyecye byɛɛ, byé a ze é bɨna ga ó, dumo e Yesʉs-Krɨst.

1 Korɛnt 7:22

ebe, ǃɨ Da Yesʉs si jebe elʉa nɛʼɛ, kʉ gʉa ó, lé mu ó é dia otî é zyɛŋa wɔɔ boo Tî ga wina. ǃƗ Da si jebe mʉr ndɨ é dia otî nɛʼɛ, nye mu ó elʉa mo Krɨst pie njɨblɨ waa.

2 Yʉanes 1:1

Mɛm, cyɛb efoʼ Mbɛr-Zyɛm ó lé etile bɨn. Me etile ó, tamamʉma Zyɛm a pɛh ɛ, bé e bwan be. Me ekpɛl bɨn é l'ocyecye. Ntʉʼ me ome lé ekpɛl bɨn; yé nteme, yé ó bɨh e bʉr bɨbɛh ndɨ ekpɛl ocyecye e.