Yʉanes 8:31 - Kálara Zyɛ̌m Edwán é mpʉ̌n

³¹ Yesʉs ze lɛɛ e l'oYʉden bé a jyɛʼ taa buʼo yɔɔ boo nye ó: «ǃBɨn si baʼle mokan mam nɛʼɛ, bɨn bé ódi ompʉn bam cyecye.

Kálar Nzyɛ̌m : Ejwán é Sáá

³¹ Yésʉs nzě lɛ́ɛ le oYúden bé á dyɛ̂ʼwo e né bá ó: «Bɨ́n óbaʼle mékǎn mâm nó, bɨ̌n bé ódi ómpʉ́n bâm lɨ́ otyeetye.

Yʉanes 8:31 ပူးပေါင်းရင်းမြစ်များ

2 Yʉanes 1:9

Mʉr a be si taare jwɨʼ sikʉlʉ mo Krɨst, é jwɨʼ jwɨʼ, ntɔʼ ka kaŋa e sikʉlʉ yaa, liʼe ye pihe, ntɔʼ bula gʉmla, to le ejwɨʼ bɨsikʉlʉ bɨfih ɨ, bé e Zyɛm, bé aka be é nkɔm mpwar. Waa lé ejwɨʼ sikʉlʉ yaa, akaŋa e ye e, bé e Zyɛm Sɔŋ ndwe e Mwan we bɨbɛh, bé ó é nkɔm mpwar.

2 Timotɛ 3:14

No ó, sa go a jwɨʼ, gʉa nteme ó, yé ó tɨʼ ɨ, yé diʼe go mboʼla é leme. Anyamle jɨha mɨmbi mɨ bʉr o b'a dwe go sikʉlʉ yaa ɛ!

Jacques 1:25

No ó, mʉr waa lé ebee etie ndɨ mbɨmbɨa é mɨpaʼ mimyɛh ɛ, (no, yé ó etie ndɨ ecyel bʉr é dia otî ɨ), nye ó ndɨ eto dolo lé edu etie laa mbɨmbɨa. Nye abe mbi mʉr ndɨ, le ejoʼo, le ejɨha ɛ. Nye esa syɛɛla tɨ. Nyiha ó ndɨ waa Zyɛm ósʉ mocyɛʼ mo mpom é syɛɛla yiyɛh nye ósa ɛ.

1 Timotɛ 4:16

Gʉa dwɛʼ go mʉr tɨʼ ndwe e mbi sikʉlʉ go lé eto le edwe bʉr ɨ. Dɨʼe sa zyee lé edu mɨlɔb mɨnɨ. ǃGo si sa no nɛʼɛ, go ótiʼ go mʉr tɨ, tiʼ nteme baa lé ejoʼlo go e.

Kolosi 1:23

Yé be ó, bɨn bé eto dolo lé ejyɛʼ taa buʼo yin boo Zyɛm le ecyɛb é nkʉʼʉ nɛʼɛ, lɛɛ ó, mɨleme min, myé ódi é puuu. Mʉr apɨŋla ga é zi buʼo. Mʉr beʼ l'abir ó, bé saʼ ó, bɨn dehba, nkʉ jɨha Mbɨambɨa Lɔɔ wé a gba bɨn mbɛla é mɨleme e. Mbɨambɨa Lɔɔ waa, wé a ntɨhɔ ó, é si nwaʼ nyiwɛh, é nko paʼ sa yiyɛh Zyɛm a cye é si nwaʼ ɛ. Mɛm Pol a cyelɔ é syɛɛ ó, me lɛŋɨ bʉr wa.

Ebrœ̂ 3:14

Sa ndɨ tɨʼ ɨ, yé ó: ǃbɨna bé ódi ga e buʼo efoʼ, apɨŋla é buʼo, to pyal é l'efie nɛʼɛ, bɨna bé ódi ga bʉr o ndɨ e nkɔb é Krɨst ɨ.

Mɨlʉmlʉ 14:22

Bé ze dwe ompʉn molele é mɨsisim, ndwe le etɨe be ó, bé toʼ dolo lé edu zi buʼo yɔɔ. Bé e be ó: «Yé é zi buobuo mokɔbla ó bɨna lé ekʉ jala le eni é jwɨ̀ʼa mo Zyɛm.»

1 Yʉanes 2:24

Bɨn bɛɛ, gʉa toŋlo ga mpaŋla bɨn bé a bɛa joʼo, duho é l'etɔɔrʉ ɨ. Yé be ó, mpaŋla waa, nyi loŋlo mɨleme min nɛʼɛ, lɛɛ ó, bɨn bé ókʉ di nteme é zyɛŋa win boo Mwan mo Zyɛm bé e Zyɛm Sɔŋ bɨbɛh.

Rôm 11:22

Mbe ga: é mpʉʼ ó Zyɛm ndɨ elɛʼle mpwaʼ ncwɨncwɨa we e! Nye nteme lé edi, adihbe bʉr o b'a lɨʼa omyacyɛŋ é nkɨŋlɨ ɨ. Nye ekʉ lɛʼle ncwɨncwɨa we ó, gwɔɔ. ǃGo si bene lé eliʼ é dia ncwɨncwɨa mo Zyɛm nɛʼɛ, gʉŋa ó, nye nteme ókʉ syɛh go mpʉ lɔɔ lɨ, e ncɨr é leme.

Rôm 2:7

Baʼ bʉr, bé esaa ó, kum é mih mo Zyɛm, e duu le tiʼ ndɨ asie-sie e. Bé edihbe sɔɔlʉ waa e bihbe, lé esa bɨsyɛɛla bɨ ncwɨncwɨa. Bé ó baa Zyɛm ódwe tiʼ molu mo mpoʼ mɨmɛh ɛ.

Mataos 24:13

No ó waa ódihbe, to pyal é l'esie e, nyiha ó ngo bi tiʼ molu mo mpoʼ mɨmɛh.

Yʉanes 8:36

ǃƗ Mwan mo Zyɛm si dwih bɨn é dia olʉa nɛʼɛ, gʉŋa ga ó, bɨn bé ódi é dia otî é jɔʼ yaa.

Yʉanes 6:55

ebe, bɨpuno byam, byé ó mpaŋ nyɔmlʉ; motié mam, mé ó mpaŋ monyʉla.

Mɨlʉmlʉ 13:43

É jɔʼ gwɨhla wɔɔ, wé a gbɛha ɛ, buobuo bʉr ze duŋɔ Pol bé e Barnabas, lé eto le ejoʼo be, taare é l'oYʉden, to pyal é bʉr o byʉʉ bɨkul, bé a bɛa ni é buʼo yɔɔ ɛ. Pol bé e Barnabas, bé a be ó lé elwib-lwib e be, le ekʉ lɛɛ e be ó, bé toʼ dolo lé ebɛla ó, Zyɛm ólɛʼle be ncwɨncwɨa.

1 Yʉanes 2:19

Bʉr baa, bé a si kaŋa e Krɨst, mʉa é l'esama ga lɨna, toŋɔ kʉl. Bé a baabe yɛɛ obɨɔ ga bɨna. Nkʉ bé a be ó be, be bʉr be esama ga lɨna nɛʼɛ, mpa bɨna ga e boo nɔɔ, bé dina ó sama, ze pyal é muh é dobo lɨ. To kœb ó, yé a kʉ jala ó, bé laŋa, to yɔɔ, yé nkʉʼ nyin é kpɛŋlɛm ó, abe e mʉr é sama yɔɔ a be é zyɛŋa ga wina.

Ebrœ̂ 8:9

É jɔʼ me a mɛr bɨmpam byɔɔ e mbo, pɛʼ be Egipten ɨ, me a be ó si de mpʉn e be. No ó, mpʉn me óka bâʼle de e bʉr ɨ, nye aŋa ka be mpʉ nyiha. Bé a baakœʼ ebò e cyen lé a jala e bʉr me a de mpʉn e be e. Ebe no ó me a baaka be e buʼ e be. Lwib mo Da ó nɨ!”

1 Timotɛ 2:15

Nye óbi yɛɛ tiʼ molu mo mpoʼ mɨmɛh é l'ebya nye lé ebya ɛ, nkʉ nye ójyɛʼ taa buʼo ye boo Zyɛm, le ekpɛl bʉr, ndwe le ebaʼle bé bʉr o tɨʼ ti. Bé diʼe e pɨʼ é lɔb waa.

Yʉanes 1:47

É jɔʼ Yesʉs a bee Natanaɛl lé eze nko nye a be e, nye ó: «Go bana kʉ be cyecye mʉr Ɨzraɛl, abe e bɨkʉʉŋʉ!»

Mɨlʉmlʉ 26:22

Sa gwar, Zyɛm a si kʉ kamle e me, ze pyal é muh é dobo lɨ. Me dina ó wâ, lé elɛɛ bʉr bɨbɛh lɔb mo Yesʉs, taare é baanteʼenteʼe, to pyal é l'osabene. Me alɛɛ yʉʉ sa fih, njɨ mɨlɔɔ lé etiibe e bɨsyɛɛla ogwiha o mɨlɔb ndwe e Moyiz bé a bɛa lɛɛ ó, byé ósyɛɛlɨ ɨ.

Yʉanes 2:2

Bé a si baŋle nteme Yesʉs bé e l'ompʉn be é zɔɔ waa.