Yʉanes 8:19 - Kálara Zyɛ̌m Edwán é mpʉ̌n

¹⁹ Bé e nye ó: «A foŋ, nye nko?» Yesʉs, nye e be ó: «Bɨn bé agʉa dam be me, dam be Sɔŋ wam. Nkʉ bɨn be ó be, gʉa me nɛʼɛ, mpa bɨn mu ó si gʉa nteme Sɔŋ wam.»

Kálar Nzyɛ̌m : Ejwán é Sáá

¹⁹ Bé e né ó: «Á sɔ́ŋ gǒ, nye nkoó?» Yésʉs, nye e bé ó: «Bɨ̌n bé agʉ́a, damá jóʼo mê, damá jóʼo Sɔ́ŋ wǎm. Yé bé bɨ̌n bé lɨ́ egʉ́a mé nó, lɛ́ɛ́, bɨ̌n ntémé bɨ́ gʉ́a Sɔ́ŋ wǎm.»

Yʉanes 8:19 ပူးပေါင်းရင်းမြစ်များ

Yʉanes 16:3

Bé ódɨ sa no ó, ebe, bé a baagʉa, dam be Sɔŋ wam, dam be me.

1 Korɛnt 15:34

Saʼ ga bɨsyɛɛla ndɨ ejala ɛ. Gwaʼa ga lé esa mɨsyem. Bʉʉ bʉr o mbɛr Zyɛm win, bé agʉa Zyɛm. Me elɛɛ mpʉnʉ ó, lé egba bɨn fwon é nyʉl.

Yʉanes 7:28

Yesʉs a be ó, nye dina é jahla bii mo Zyɛm tʉŋlʉ, lé eyeʼle bʉr. Nye ze jebe kʉ kʉ. Nye ó: «Bɨn bé egʉa me ɔɔ? Bɨn nteme, bɨ gʉa paʼ me a duho wi ɔɔ? Me a baaze kaʼ é nkul wam mɛm mʉr tɨʼ ɔɔ! Mʉr a ntɨh me e, nye ó ndɨ cyecye ɔɔ! Bɨn bé agʉa nye ɔɔ!

Yʉanes 1:10

Lwib a be ó é si nwa. Zyɛm a cye si waa ó, é zi we. To kœb ó, bʉr o ndɨ egumo e si nwaʼ bɛɛ, bé a baadweʼe nye.

Mataos 11:25

É jɔʼ yaa ó Yesʉs a ze lɛɛ ó: «Da, me edwiibɨ go, gwɔɔ Njwɨɨ kʉ e si, ebe, go a be ó si lɛʼle bʉr o ndɨ mpʉ bwɔɔncyom ɨ, bɨsa go a fol mɨcɨcyoo e l'ogwɨa o si nwaʼ ɛ.

2 Yʉanes 1:9

Mʉr a be si taare jwɨʼ sikʉlʉ mo Krɨst, é jwɨʼ jwɨʼ, ntɔʼ ka kaŋa e sikʉlʉ yaa, liʼe ye pihe, ntɔʼ bula gʉmla, to le ejwɨʼ bɨsikʉlʉ bɨfih ɨ, bé e Zyɛm, bé aka be é nkɔm mpwar. Waa lé ejwɨʼ sikʉlʉ yaa, akaŋa e ye e, bé e Zyɛm Sɔŋ ndwe e Mwan we bɨbɛh, bé ó é nkɔm mpwar.

1 Yʉanes 5:20

Bɨna bé egʉa ga nteme ó, Mwan mo Zyɛm a si ze, ze gba bɨna ga pɨʼ é mɨleme, ó bɨna gʉŋa ga Zyɛm ndɨ cyecye e. Bɨna bé edi ga é zyɛŋa ga wina boo mʉr ndɨ cyecye e, ebe, bɨna bé edi ga é zyɛŋa ga wina boo Mwan we, Yesʉs-Krɨst. Nye ó ndɨ Zyɛm cyecye ndwe e l'Etin e Tiʼ.

Galásia 4:9

Dam be no, banana, bɨn bɨ gʉa mpaŋ Zyɛm. (Me be lé ejɨ lɛɛ ó, Zyɛm, nyi gʉa bɨn!) Ebe yé bɨn lé eka bâʼle du sikʉlʉ bʉr o si nwaʼ lé ekuhlo, yaa ndɨ abe e nkul ɨ? Ebe yé bɨn lé ebâʼle kpɛl di molʉa mɔɔ ɛ?

Yʉanes 17:3

Tiʼ molu mo mpoʼ mɨmɛh, yé ó, bé gʉŋa go, ó go ó ndɨ mpaŋ Zyɛm ndɨ ngwar e ngwar ɨ. Bé gʉŋa nteme Yesʉs, mɛm, mʉr go a lœm mulo, waa go a ntɨh kaʼ ɛ.

Kolosi 1:10

É mbi waa ó bɨn bé ókœʼ ebò e cyen lé ejala e Da Yesʉs ɨ, le esa sa nye lé ebul kpɛl ɨ. Bɨn bé óto dolo lé esa mɨmpaŋ bɨsyɛɛla bin bibyɛh, le egumo mɨmpaŋ mɨ mpumo lé ejala e nye e. Toʼ ga dolo lé egwɨe é pɨʼ, lé egʉa Zyɛm é kpɛhla.

Yʉanes 15:21

«Sa gwar, bé ótíile bɨn ó, é lɔb wam, ebe, bé agʉa mʉr a ntɨh me e.

Ebrœ̂ 1:3

Moncɛnba mo Zyɛm, mé enyin ó, é nye. Nye ó ndɨ gulo lé elɛʼle mpʉ Zyɛm nye mʉr tɨʼ ndɨ ɨ. Nye ebaʼle si nwaʼ nyiwɛh ó, é zi lwib ye ndɨ e nkul ɨ. Nye a si dib zi epubo bʉr é lɔb mɨsyem myɔɔ. Nye ze to é jobo kʉ, to di si é mbo ejʉm mo waa ndɨ e mojwɨ̀ʼa monɨnɨ é jobo kʉ ɨ.

Kolosi 1:15

Yesʉs-Krɨst ó ndɨ gulo mo Zyɛm Sɔŋ, mʉr ndɨ abe lé ebeɔ ɛ. Zyɛm a si cyel Mwan we é nkʉŋ efoʼ ndɨ é bul bwaʼ ɛ. Nye ó é cye yaa, é mɨcyea bɨsa bibyɛh kʉ,

Éfɛsɔs 1:17

Me ejwɨʼla e Zyɛm Sɔŋ mo Tî ga wina Yesʉs-Krɨst, nye nteme Zyɛm Sɔŋ ga wina ndɨ e kum ɨ, ó nye ntɨhɨ bɨn Sisim we ó, bɨn cyebla, le nteme ó, nye gwihɨ bɨn mɨfela mɨlɔb mye. Myé óbe bɨn e nyɔm é l'efu ó, bɨn gʉŋa nye.

Yʉanes 1:18

Abe e mʉr ngwar ndɨ si pa bee Zyɛm Sɔŋ. Etiʼe e Mwan e kpɛl le, lé ome, waa ndɨ nteme Zyɛm ɨ, ó b'a lɛʼle bɨna ga Zyɛm.

1 Yʉanes 2:23

Mʉr ndɨ ekɛla ó, Yesʉs, nye abe Mwan mo Zyɛm ɨ, bé e Zyɛm Sɔŋ, bé abe nkɔm mpwar. To kœb ó, waa lé elɛɛ ó, Yesʉs, nye ó Mwan mo Zyɛm ɨ, nyiha bé e Zyɛm Sɔŋ, ndwe e Mwan mo Zyɛm, bé ó nkɔm mpwar.