Yʉanes 8:12 - Kálara Zyɛ̌m Edwán é mpʉ̌n

¹² Pie tɨ, Yesʉs ze lɛɛ e bʉr ó: «Me ó lé epɛn myɛn é si nwa. Mʉr ódu me e, nye óbi sa lé epɛn myɛn tiʼ ɨ. Nye aŋa ka ntime é l'edurʉ.»

Kálar Nzyɛ̌m : Ejwán é Sáá

¹² Píe tɨ̂, Yésʉs nzě lɛ́ɛ bʉ̂r ó: «Me ó dí njʉl dí epan ɨ́ sí yɨ̂ʼ wɨ́. Mʉr ódû mé nyá, óbǐ njʉl dí edwě twiʼ wɨ́. Nye ákǎ ntíma lɨ́ edúrʉ́ʉ́.»

Yʉanes 8:12 ပူးပေါင်းရင်းမြစ်များ

Yʉanes 12:46

Me a ze kaʼ é si nwaʼ ó, me pɛnɨ bʉr myɛn, ó mʉr nyiwɛh lé ejyɛʼ taa buʼo ye boo me e, nkʉʼ duho é l'edurʉ, to é myɛn ɔɔ!»

Yʉanes 9:5

Cye me dina é si nwaʼ ɛ, me ó sa lé epɛn myɛn é bʉr bɨbɛh ɛ.»

Yʉanes 12:35

Yesʉs, nye e be ó: «Njʉl, wé dina ó, lé epɛn myɛn bɨn ye tɔɔ ma jɔʼ. Kœʼœ ga é jɔʼ njʉl waa dina lé epɛn myɛn ɨ, ebe, edurʉ, lé amu jaa mara bɨn, ebe, mʉr lé eto le entime é l'edurʉ ɨ, nye agʉa nko nye lé eto e.

Mataos 5:14

«Bɨn ó ndɨ myɛn bʉr o si nwa. Nkana ndɨ fuma é l'ecwɨʼ kʉ ɨ, yé abe lé efwab bʉr é mih.

Yʉanes 3:19

«Mobe maa, mé ódweŋɔ ó, ebe, myɛn, wi ze pan, ze pyal é si nwa. Bʉr bɛɛ bula kpɛl edurʉ, laa myɛn, ebe, bɨsyɛɛla byɔɔ, byé é bebe.

2 Pyɛr 2:4

Ebe, jɔʼ beengles bé a sa syem ɨ, Zyɛm a baakamle e be. Nye a kʉ ka guho be ó njɨ é Bɨ-siʼe. Nye a dil be gʉʼ é mpila ó, lé ebono dobo le etiʼ e mɨlɔb.

Mɨlʉmlʉ 13:47

ebe, Da a tiile bɨh etie ó: “Mɨ cyel go mpʉ elama lé ekʉn bʉr o bɨkul bɨfih ɨ, é l'efu le etiʼ bʉr é bɨgumo bibyɛh, to pyal é lene si e njɨ bʉr.”»

Mɨlʉmlʉ 26:23

No ó, yé a be ó, Lœma mulo mo Zyɛm ótaare sia e mɨtuu. Nye ó ngo be ndwè efoʼ ótaare pàh é foo e. Pie tɨ, nye óka cen kul ga yina, bé e bɨkul bɨfih mompaŋla é lɔb myɛn tiʼ.»

Yʉanes 14:6

Yesʉs, nye e nye ó: «Me ó ndɨ zi. Me ó ndɨ é l'ocyecye. Me ó ndɨ Etin e tiʼ. Mʉr, nye abe e nkul eto nko Sɔŋ wam ndɨ ɨ, cwɨɨ é nuu zi fih, nkʉ yé abe é me.

Yʉanes 7:17

Mʉr lé egwɨm sa bɨgwɨma mo Zyɛm ɨ, nye ógʉa gumo sikʉlʉ yam lé eduho e: nkʉ yé eduho boo Zyɛm, nkʉ me elwib é nkul wam me mʉr tɨ.

Mɨngwiha 21:24

Bʉr o ndɨ abe oYʉden ɨ, bé ókœʼ mbɨmbɨa ó, é myɛn elama laa. Ojwɨʼa o si nwaʼ bɨbɛh, bé óze e bɨsa bɨna ndɨ egumlo ga ɛ, tɨ.

Lʉkas 2:32

Mwan nwa, nye óbe ó myɛn wé ókʉn bʉr o bɨkul bɨfih ó, byé gʉŋa go e. Bʉr bo, bwa b'Ɨzraɛl, bé óbul seʼlɔ ebe nye.»

Yʉ̂d 1:13

Bé ebâʼle nwɨɨla nteme ó e l'oboʼo o maŋ, baa lé epyɛl mogul é ntomo-ntomo e. Bé esa ebebe, ajoʼɔ ba fwon. Pie tɨ, bé eka nwɨɨla ó e baatwitwɛn ndɨ adu bɨcye byɔɔ ɛ. Ebe no ó Zyɛm lé ekʉ baʼle-baʼle be bɨdia byɔɔ njɨ é l'edurʉ le ankom-nkom ɨ. Edurʉ laa, lé ódi-di no ó, njʉmdia e njʉmdia.

2 Pyɛr 2:17

Bʉr baa, bé enwɨɨla ó e mono mo dibe ndɨ ejwɨl-jwɨl ɨ. Bé ó mpʉ mɨnkur nkuo lé etine e. Zyɛm, nyi bɛa komlo be dia ó, é l'edurʉ le ankom-nkom.

Yʉ̂d 1:6

Sa mba, yé ó, toŋla ga nteme beengles, mpʉ bé a be, adihbe edi é bɨdia bɨ taʼa byɔɔ ɛ. Bé a si liʼe mɨmpaŋ bɨdia byɔɔ byaa, ntɔʼ saŋɔ bɨdia bɨfih, Zyɛm ntɔʼ gba be é l'edurʉ tʉŋlʉ, kaʼ be gʉ. Bé ódi mɨkɛʼa ó, njʉmdia e njʉmdia. É l'edurʉ laa ó bé lé ebono, to pyal é l'esie e mbi jɔʼ yi. É jɔʼ yaa ó Zyɛm ótiʼe be mɨlɔb ɨ.

Yʉanes 12:36

Jyɛʼɛ ga taa buʼo yin boo me, mʉr ndɨ mpaŋ njʉl ɨ, cye njʉl wam, wé dina lé epɛn myɛn ɨ. Ebe no ó bɨn bé ófuʼla bʉr o myɛn ɨ.» É jɔʼ Yesʉs a sil lwib no e, nye ze laa, to fwab be.

1 Yʉanes 1:6

Yé be ó, bɨna bé elɛɛ ga ó, bɨna bé ó é zyɛŋa ga wina boo nɔɔ, bɨna yɛɛ lé entime ga nɛʼɛ, lɛɛ ó, bɨna bɨ lɛɛ ga mpʉl. Bɨna bé asa ga bɨsyɛɛla lé edu ocyecye e.