Yʉanes 7:31 - Kálara Zyɛ̌m Edwán é mpʉ̌n

³¹ É ntuntuma bʉr nɨ, buobuo bʉr, bé a be ó si jyɛʼ taa buʼo yɔɔ boo nye. Bé ó: «É jɔʼ Lœma mulo mo Zyɛm óze e, zê nye óbe ó e nkul elaa mʉr nwaʼ lé esa bɨdweʼle bɨ nkul we ɛ?»

Kálar Nzyɛ̌m : Ejwán é Sáá

³¹ Lɨ́ entumo e bʉ̂r énɨ̌, bʉ́ʉ́ bʉ̂r ɨ́ buo buo, bé á be ɨ́ dyɛ̂ʼwo e né. Bé ó: «Jɔʼ Mʉ̂r Nzyɛ̌m á lœm múló mé jwɨ́ɨ nyá, ónze yɨ́, nzê nye óbánǎ laa mʉ̂r nyâʼ lɨ́ esâ mésimá ɛ̌?»

Yʉanes 7:31 ပူးပေါင်းရင်းမြစ်များ

Yʉanes 12:42

Dam be no, bʉʉ otamabʉr é kul oYʉden é buobuo, bé a be ó lé ekʉ jyɛʼ taa buʼo yɔɔ boo Yesʉs. Sa gwar, bé a baalɛɛ bʉr no. Bé a be ó lé ekpɛɛ oFarizyɛŋ, ebe, bé amu cyelɔ é pɨŋ, aka to é mompah mɨnjwɨʼla mɔɔ.

Mataos 12:23

Ntuntuma bʉr, yé ntɔʼ jehe lɔb waa le edîŋɔ ó: «Ntʉʼ Mwan mo David nwaʼ ɛ?»

Mɨlʉmlʉ 8:13

Simɔn nye mʉr tɨʼ ze buʼla nteme, nye ntɔʼ nʉa ndubo. Bé e Filip, bé a ka di-di ó, sama, nyɛɛ lé ejehe lé ebee bɨdweʼle bɨ nkul we ndwe e bɨbwaʼbwaʼ mosima Filip a dɨ sa ɛ.

Yʉanes 11:45

É sama oYʉden bé a ze bee Maaria ɛ, buobuo bʉr, bé a si jyɛʼ taa buʼo yɔɔ boo Yesʉs é jɔʼ bé a bee sa nye a sa ɛ.

Yʉanes 9:16

Baʼ oFarizyɛŋ, bé ó: «Mʉr sa mbi syɛɛla wiʼ ɨ, nye abe e nkul eduho boo Zyɛm, ebe, nye adu mompene mo moho saba.» Bʉʉ, bé ó: «Nyá? Syɛl mɨsyem, nye abe e nkul esa bɨdweʼle bɨ nkul mbi wi.» Bʉr ntɔʼ bɔʼa monkɔb moba.

Jacques 2:26

Yé ó jwɨʼ gwar e gwar yaa nteme e nyʉl mʉr: é jɔʼ mʉr ndɨ si pʉʼa sisim e nyʉl ɨ, nye mu ó muu. Buʼo ndɨ anyin bɨsyɛɛla ɛ, yé nteme, yé ó muu.

Yʉanes 12:11

ebe, é lɔb we ó, buobuo oYʉden, bé a bɔʼa e be, ka jyɛʼ taa buʼo yɔɔ boo Yesʉs ɨ.

Yʉanes 6:2

Buobuo bʉr, bé a be ó lé edu nye, ebe, bé a be ó lé ebee bɨdweʼle bɨ nkul we nye a sa-sa lé etiʼ mɨsyoblʉ ɨ.

Yʉanes 4:39

Buobuo bʉr o Samari bé a be é nkana yaa ɛ, bé a si jyɛʼ taa buʼo yɔɔ boo Yesʉs, ebe, mʉma nɨ a be ó si boʼlo ó: «Nye be ó si lɛɛ me sa yiyɛh me a sa ɛ.»

Yʉanes 3:2

Nye a si ze pyal boo Yesʉs é pum. Nye e nye ó: «Yeʼle, bɨh bé egʉa ó, go ó yeʼle Zyɛm a ntɨh, lé eze yeʼle bɨh ɨ, ebe, nkʉ Zyɛm, nye abe e mʉr, mʉr waa, nye abe e nkul esa bɨdweʼle bɨ nkul mbi go lé esa ɛ.»

Yʉanes 2:11

Yiha ó ndɨ dweʼle nkul we efoʼ Yesʉs a sa ɛ, nye ndɨ ɨ Kana, é lal Galɨle. Moncɛnba me, mé ze nyin é zi syɛɛla yaa. Ompʉn be, bé ntɔʼ bâʼle bul jyɛʼ taa buʼo yɔɔ boo nye.

Lʉkas 8:13

Mʉʉ mompœʼ, mé a kur ó, é bwah yé a be é bah ekoʼ kʉ ɨ, sa nɨ lé edweʼle bʉr o b'a joʼo lɔɔ Zyɛm e bɨsʉhʉ é jɔʼ bé a jà we e. Sa gwar, bé a baadib lɔɔ waa zi ó, wé niʼe be é mɨleme tʉŋlʉ. Bé a kʉ ka buʼla we ó njɨ é ma jɔʼ, bʉr, bé ze tíile be é lɔb buʼo yɔɔ, bé ntɔʼ kaŋa e lɔɔ waa.

Yʉanes 4:29

«Ntaʼ, ze bee ga me wiʼ ɔɔ! Mʉr nwaʼ, nyi lɛɛ me sa yiyɛh me a sa yi ɔɔ! Zê nye óbɛm be Lœma mulo mo Zyɛm ɨ?»

Yʉanes 7:26

Mbe ga: nye elwib wâʼ é kpɛŋlɛm, bʉr onɨ lé ebee le ejoʼo, alɛɛ nye sɔʼɔ. Zê otamabʉr o lal ga wina, bɨ dweʼe cyecye ó, nye ó ndɨ Lœma mulo mo Zyɛm ɨ?