Yʉanes 7:23 - Kálara Zyɛ̌m Edwán é mpʉ̌n

²³ Bɨn pa taare sa mʉr mpʉn é moho saba, antaa motie mo Moyiz, a dwɛʼra e mɛm, mʉr a tiʼ kubo mʉr ntinɨ é moho waa ɛ! Le mɛm, le bɨn bɛɛ, zé a bul ntaa etie e? Ebe yé bɨn lé ekpaa empime e me e?

Kálar Nzyɛ̌m : Ejwán é Sáá

²³ Bɨ̌n pǎ nyɛɛ́ tíʼe mʉ̂r mpʉ́n ɨ́ móhó sábat, agbah étié mé Moyɨ̂z, á dwɛʼra e mɛm, mʉr á tiʼ mʉr ntinɨ̂ ɨ́ móhó waá nyá! Nzê mɛm ó b'á gbah lé ɛ̌? Bɨ̌n kpaa ébúʼ e me ɨ́ yé?

Yʉanes 7:23 ပူးပေါင်းရင်းမြစ်များ

Mataos 12:5

Zê bɨn bé a baasi láa motie mo Moyiz ɛ? Yé ó tila ó, é moho saba wiwɛh, opara lé esea é Mpah Zyɛm ɨ, bé ebana ntaa motie mo moho saba, adweŋɔ mobe.

Mataos 12:2

Jɔʼ oFarizyɛŋ, bé a bee syɛɛla yaa ɛ, bé ze lɛɛ e Yesʉs ó: «Paʼ bee mpʉ ompʉn bo lé esa sa ndɨ kɔmlʉ é moho saba ɛ!»

Mataos 12:10

Tɨʼ yé a be ó e nuu mʉr a be e mbo é fwam-fwam ɨ. No ó, bʉr o b'a be tɨʼ ɨ, bé ntɔʼ dî e nye ó: «Zê yé ó kɔmlʉ ó, mʉr joma bʉr mokpaa é moho saba ɛ?» Bé a dî nye tia waa ó, lé elamɔ nye é mbi syɛɛla nye ósa ɛ.

Yʉanes 5:10

Ebe no ó oYʉden, bé a lɛɛ e mʉr a tiʼɔ ó: «Muh, yé ó moho saba. No ó motie ga mɨna, mé amɛʼle ó, go nkɛŋɨ tɔɔ go.»

Yʉanes 7:21

Yesʉs, nye e be ó: «Me a be ó si sa syɛɛla gwar, bɨn bɨbɛh ntɔʼ jehe.

Yʉanes 9:16

Baʼ oFarizyɛŋ, bé ó: «Mʉr sa mbi syɛɛla wiʼ ɨ, nye abe e nkul eduho boo Zyɛm, ebe, nye adu mompene mo moho saba.» Bʉʉ, bé ó: «Nyá? Syɛl mɨsyem, nye abe e nkul esa bɨdweʼle bɨ nkul mbi wi.» Bʉr ntɔʼ bɔʼa monkɔb moba.