Yʉanes 7:16 - Kálara Zyɛ̌m Edwán é mpʉ̌n

¹⁶ Yesʉs, nye e be ó: «Bɨsikʉlʉ me lé edwe bɨn bɨnɨ, byé abe njɨ bɨsikʉlʉ byam. Byé eduho ó e mʉr a ntɨh me e.

Kálar Nzyɛ̌m : Ejwán é Sáá

¹⁶ Yésʉs, nye e bé ó: «Milɛ́ʼlá mé dí edwe mî, myé abě njɨ milɛ́ʼlá myâm. Myé duho ó ɨ́ mʉr á ntɨh me nyá.

Yʉanes 7:16 ပူးပေါင်းရင်းမြစ်များ

Yʉanes 14:24

Mʉr ndɨ akpɛl me e, nye adu mokan me lé elɛɛ ɛ. Sa bɨn lé ejoʼo me lé elɛɛ nɨ, yé abe lɔɔ wam. Yé eduho ó boo Sɔŋ wam, mʉr a ntɨh me e.

Yʉanes 14:10

Zê go abuʼla ó, me ó é zyɛŋa wih boo Sɔŋ wam ɛ? Sɔŋ wam, nye etiʼe ó, é me. Lwib me lé elwib e bɨn bɨbɛh ɛ, me alwib ye njɨ é nkul wam me mʉr tɨ. Sɔŋ wam, mʉr bɨh e nɔɔ lé edi ɨ, nye ó ndɨ eloŋlo bɨsyɛɛla bye.

Yʉanes 17:8

ebe, lwib go a lwib e me e, mɨ ntɛŋ be ya. Bé nteme, bɨ nʉa ye e duu. Bé a si kʉ gʉa cyecye ó, me a duho ó go ye. Bé nteme, bɨ kʉ buʼla ó, go ó b'a lomo me.

Yʉanes 5:30

Me abe e nkul esa yʉʉ sɔʼɔ njɨ e nkul wam me mʉr tɨ. Me etiʼe mɨlɔb ó, njɨ mpʉ Zyɛm lé elɛɛ me e. Etiʼ e mɨlɔb lam, lé ó cɨcyel, ebe, me abe lé esa gwɨma yam, njɨ yaa mo mʉr a ntɨh me e.»

Yʉanes 17:14

Me a si ntɛŋ ompʉn bam lwib yo. Bʉr o si nwa, bé ze nwim be, ebe, ompʉn bam baa, bé aka be é nkɔb wɔɔ, mpʉ mɛm mʉr tɨʼ ndɨ abe é nkɔb wɔɔ ɛ.

Yʉanes 8:28

Yesʉs ze lɛɛ e be ó: «É jɔʼ bɨn bé óbɨr Mwan mo Mʉr kʉ ɨ, é jɔʼ yaa ó bɨn bé ógʉa ó, mɛm ó ndɨ Me-ó-tɨʼ ɨ. Bɨn bé ógʉa ó, me abe lé esa yʉʉ sɔʼɔ njɨ é nkul wam me mʉr tɨ. Me ekʉ lwib-lwib ó, njɨ sa Sɔŋ wam a yeʼle me e.

Yʉanes 3:11

Me elɛɛ go cyecye ó nɛɛ: bɨh bé elwib é mɨlɔb bɨh lé egʉa ɛ. Bɨh bé eboʼlo nteme ó, é lɔb sa bɨh a bee e. Sa gwar, bɨn bé akpɛl mɛʼle lɔɔ wih.

Yʉanes 6:44

ǃƗ Sɔŋ wam, mʉr a lomo me e, si bene lé edulo mʉr nɛʼɛ, mʉr waa l'aze boo me. To kœb ó, waa ódulɔ ɛ, me ópɛ̀h nye é foo é moho epihe, ntible-bɨkaŋa.

Yʉanes 3:31

«Mʉr a duho é jobo kʉ ɨ, nye ó ndɨ elaa bʉr bɨbɛh. Mʉr si nwa, nye ekʉ joʼo ó njɨ mompaŋla mo si nwa. Nye elwib-lwib ó, njɨ mɨlɔb mɨ ka. Mʉr lé eduho é jobo kʉ ɨ, nyiha ó ndɨ elaa bʉr bɨbɛh.

Mɨngwiha 1:1

Yesʉs, Lœma mulo mo Zyɛm, a si gwih mɨfela mɨlɔb Zyɛm a gwih nye ó, nye lɛʼla osyɛl o mosa be e, ó bé gʉŋa sa ndɨ kunokuno e. Nye a gwih mye ó, lé elomlo me engles we, mɛm syɛl mosa we Yʉanes.

2 Yʉanes 1:9

Mʉr a be si taare jwɨʼ sikʉlʉ mo Krɨst, é jwɨʼ jwɨʼ, ntɔʼ ka kaŋa e sikʉlʉ yaa, liʼe ye pihe, ntɔʼ bula gʉmla, to le ejwɨʼ bɨsikʉlʉ bɨfih ɨ, bé e Zyɛm, bé aka be é nkɔm mpwar. Waa lé ejwɨʼ sikʉlʉ yaa, akaŋa e ye e, bé e Zyɛm Sɔŋ ndwe e Mwan we bɨbɛh, bé ó é nkɔm mpwar.