Yʉanes 7:13 - Kálara Zyɛ̌m Edwán é mpʉ̌n

¹³ É bim lɔb nɨ, mʉr a baalwib é pono, ebe, bé a be ó lé ekpɛɛ oYʉden.

Kálar Nzyɛ̌m : Ejwán é Sáá

¹³ Ɨ́ bím lɔ̌b nɨ̌, mʉr á bé alwib kʉ́kʉ́, ebě, bé á be lɨ́ ekpɛ́ɛ óYúden.

Yʉanes 7:13 ပူးပေါင်းရင်းမြစ်များ

Yʉanes 9:22

Tina, yé ó, obyɛl be, bé a lwib no ó, ebe, bé a be ó lé ekpɛɛ oYʉden, ebe, oYʉden baa, bé a be ó si di twii paʼra wɔɔ ó, ǃɨ mʉr si kʉ lɛɛ ó, Yesʉs, nye ó Lœma mulo mo Zyɛm nɛʼɛ, nye ócyelɔ é pɨŋ, aka to é mpah mɨnjwɨʼla wɔɔ.

Yʉanes 19:38

Pie tɨ, Yoseb, mʉr nkana Arimate, ze dî Pilat nkul ó, nye pɛʼɛ muu mo Yesʉs é klos lé eto dɨl we é foo. (Yoseb a be ó mpʉn mo Yesʉs, a dɨ jyɛʼ taa buʼo ye boo nye e. Sa gwar, buʼo ye, yé a be ó sa nye a fol e bʉʉ bʉr ɨ, ebe, nye a be ó lé ekpɛɛ oYʉden.) Mpʉ Yoseb a dî tia waa ɛ, Pilat ntɔʼ mɛʼle. Yoseb ze fiʼ, ntɔʼ to, to nkɛɛ muu mo Yesʉs, to e we.

Yʉanes 20:19

É bii kʉʼ é dobo e sono laa, esama le ompʉn be, bé a be ó si to syɛŋa é guu mbɛr, pɨrɔ mobe e mongʉŋ, ebe, bé a be ó lé ekpɛɛ oYʉden. Bé ka twɨra nɛʼɛ, Yesʉs nye mʉr tɨ, nyi ze cyɛb teme ompʉn be! Nye ó: «Motala, mé swɨŋɨ é bɨn.»

Mɨngwiha 2:13

“Me egʉa gumo bɨn lé edi ɨ. Tɨʼ ó ndɨ dia taʼa mo Satan ɨ, bɨn yɛɛ lé eseʼle die lam. Bɨn bé a baakɛla ó, bɨn bé agʉa me, dam be é jɔʼ bé a jʉ Antɨpas ɨ. Bɨn bé a kʉ mɛʼle ó, bɨn bé edwiibɨ die lam. Antɨpas ó ndɨ mpaŋ mboʼla wam, le mʉr ebuʼla. Ebe no ó bé a mɛr nye é l'esama lɨn, jʉŋɔ nye e. Tɨʼ nteme ó ndɨ odia mo Satan.

Yʉanes 9:34

Bé e nye ó: «Ngbàa go a byɛl, go ó njɨ syɛl ebebe. Go ebuʼla ó, go e nkul eyeʼle bɨh yʉʉ sɔʼɔ ɛ?» Ntɔʼ cyelɔ nye é pɨŋ.

Yʉanes 3:2

Nye a si ze pyal boo Yesʉs é pum. Nye e nye ó: «Yeʼle, bɨh bé egʉa ó, go ó yeʼle Zyɛm a ntɨh, lé eze yeʼle bɨh ɨ, ebe, nkʉ Zyɛm, nye abe e mʉr, mʉr waa, nye abe e nkul esa bɨdweʼle bɨ nkul mbi go lé esa ɛ.»

Yʉanes 7:1

Jɔʼ ze laa ba, Yesʉs ntɔʼ ze to le ekœʼ é lal Galɨle. Nye a baaka kpɛl kœʼ é nkɔra Yʉda, ebe, oYʉden, bé a be lé esaa gʉʼ ó, bé jʉ ó nye.

Yʉanes 7:11

OYʉden, bé a be ó lé esaa nye é l'ebʉʼ, le edîila paʼra wɔɔ ó: «A nye wâʼ nko ɛ?»

Yʉanes 7:15

oYʉden kʉ ze jehɔ nye. Bé ó: «Nwaʼ mʉr ba buo ngwɨa mɨtila mɨ Kalara Zyɛm mbi wi, abe ó, nye a si to tilba die é sikʉlʉ tɨʼ nyá ɛ?»