Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yʉanes 7:12 - Kálara Zyɛ̌m Edwán é mpʉ̌n

12 Ntuntuma bʉr, yé ze bɔʼa motwii, to le enyimla paʼra wɔɔ é lʉ we. Baʼ, bé ó: «Nye ó mbɨambɨa mʉr!» Bʉʉ, bé ó: «Tɨtoʼo! Nye egomlo ntuntuma bʉr é bebebebe zi.»

အခန်းကိုကြည့်ပါ။ ကော်ပီ

Kálar Nzyɛ̌m : Ejwán é Sáá

12 Entumo e bʉ̂r nzě pahle páʼ nyɔ́ɔ́. Bâʼ, bé ó: “Nye ó mbɨambɨa mʉr.” Bʉ́ʉ́, bé ó: “Kâr! Nye lɨ́ edímle bʉ̂r ɨ́ buo buo.”

အခန်းကိုကြည့်ပါ။ ကော်ပီ




Yʉanes 7:12
20 ပူးပေါင်းရင်းမြစ်များ  

Baʼ oFarizyɛŋ, bé ó: «Mʉr sa mbi syɛɛla wiʼ ɨ, nye abe e nkul eduho boo Zyɛm, ebe, nye adu mompene mo moho saba.» Bʉʉ, bé ó: «Nyá? Syɛl mɨsyem, nye abe e nkul esa bɨdweʼle bɨ nkul mbi wi.» Bʉr ntɔʼ bɔʼa monkɔb moba.


OFarizyɛŋ, bé e bye ó: «Bɨn si bana kʉ bir ó, nye gomla bɨn nteme é bebebebe zi?


Mpʉ oFarizyɛŋ, bé a joʼo sa bʉr, bé a tʉʼra paʼra wɔɔ é lʉ mo Yesʉs ɨ, bé e l'ojwɨɨ be opara, bé ntɔʼ lomo bɨpulʉm lé eto naʼɔ nye mobo é nyʉl.


Saʼ ga sa yiyɛh atʉʼra, nkʉ e mosono é mɨleme.


Bɨna bé egʉa ga ó, yé é bul kɔbla ó, nuu mʉr mɛʼla ó, nye jala e mʉr fih, mʉr waa dam be cɨcyel mʉr. Dam be no, nuu mʉr óbɛm tiʼe é leme we ó, nye ka ó fuo jala yɛɛ e mʉr ndɨ é mbɨa ɛ.


Barnabas a be ó mbɨambɨa mʉr, lwɨŋla e Mbɨambɨa Sisim ndwe e buʼo. Bʉr é buobuo, bé a si jyɛʼ taa buʼo yɔɔ boo Da Yesʉs.


Bé ze bula dî e nye ó: «Zê go nteme, go ó mʉr Galɨle ɛ? Pahla Kalara Zyɛm. Go óbee ó, abe e ngwiha mɨlɔb ngwar lé eduho Galɨle.» [


Ebe no, é jɔʼ bʉr, bé a bee dweʼle nkul Yesʉs a sa ɛ, bé ntɔʼ lɛɔ ó: «E! Mʉr nwa, nye ó bana kʉ be ngwiha mɨlɔb cyecye, waa a jala le eze kaʼ é si nwaʼ ɛ!»


Nuu mʉr a be ó tɨʼ é sama bʉr yaa, die le Yoseb, mʉr Arimate, nkana oYʉden. Nye a be ó cɨcyel mʉr lé esa-sa bʉr bɨsyɛɛla bɨ ncwɨncwɨa ɛ. Nye a be ó lé ejoʼo dweh ebee Zyɛm lé ecyel jwɨ̀ʼa ye cyecye. Nye nteme a be ó mʉr ngwar é Bʉm Nɨnɨ. Sa gwar, nye a baamɛʼle bɨjwɨʼ bʉʉ bé a bà, tiibe e Yesʉs ɨ, bé e syɛɛla yɔɔ.


Njwɨɨ nter bɨzima a be tɨʼ ɨ, mbea nye a bee sa yiyɛh yé a syɛɛlɨ ɨ, nye ntɔʼ dwe Zyɛm kum. Nye ó: «Mʉr nwaʼ a bana kʉ be ó cɨcyel mʉr!»


Yesʉs ze bɨha e nye ó: «Ebe yé go lé ejebe me ó, mbɨambɨa mʉr ɨ? Abe e mʉr ndɨ é mbɨa, njɨ Zyɛm nye ome.


Bʉr bɨbɛh ze joʼo bʉa. Bé ntɔʼ dwe Zyɛm kum. Bé ó: «Sa nɨnɨ ngwiha mɨlɔb, yi pyal é bɨna ga!» Lɛɔ nteme ó: «Zyɛm, nyi ze gba kul bʉr ye nkul é monyʉl!»


Leme mʉr, wé ó mpʉ ekʉm. Mʉr ndɨ é mbɨa ɛ, nye enʉa bɨsa bɨ embɨa bye ó, tɨ, é l'ekʉm le tʉŋlʉ, ntɔʼ pyɛl-pyɛl bye kʉl. Mʉr ndɨ é bebe e, nye enʉa bɨsa bɨ ebebe bye ó, é leme we, ndɨ mpʉ bebebebe ekʉm le e, pyɛl bye kʉl. Sa mʉr ndɨ e ye lwɨŋla é leme we e, yé ó nʉm we lé epyɛl kʉl ɨ.»


Bé e nye ó: «Da, bɨh bé etoŋlo ó, mpʉmpʉl nɨ, é jɔʼ wé a be, wé dina kʉ ɨ, wé a kʉ bana lɛɛ-lɛɛ ó: “É l'elu elɛl, me ópàh.”


Bé ntɔʼ taare lé ebà bɨjwɨʼ bɨ enaʼ Yesʉs mobo é nyʉl. Sa gwar, bé a be yɛɛ ó, lé ekpɛɛ mɨzɨze mɨ bʉr, ebe, bɛɛ, bé a nʉa Yesʉs ó, mpʉ ngwiha mɨlɔb.


Mpʉn saʼ mpʉ yeʼle we; syɛl mosa saʼ mpʉ masa we. No ó ndɨ ejala. Lʉ mbɛr bʉr pa taare jwɨrɔ die ó, Belzebul, a dwɛʼra e bʉr o mbɛr bʉr waa! Bé óka jwɨrɔ mie ndɨ é laŋle bebe e!»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ