Yʉanes 6:68 - Kálara Zyɛ̌m Edwán é mpʉ̌n

⁶⁸ Simɔn Pyɛr, nye e nye ó: «Da, bɨh bé óka to boo zé fih? Go ó ndɨ e motɨɨ lé edwe bɨh tiʼ molu mo mpoʼ mɨmɛh ɛ.

Kálar Nzyɛ̌m : Ejwán é Sáá

⁶⁸ Simon Pétrus, nye e né ó: «Dâ ɛ̌, bɨ́h sá nó wá, bɨ̌h bé ókǎ tô kwá mé nzé? Gua ó dí e milɛ́ʼlá me dí edwě twǐʼ njʉ̌m dǐ mí.

Yʉanes 6:68 ပူးပေါင်းရင်းမြစ်များ

Yʉanes 5:24

«Me elɛɛ bɨn cyecye ó nɛɛ: mʉr ójoʼo lwib yam le ejyɛʼ taa buʼo ye boo mʉr a ntɨh me e, nyi bi tiʼ molu mo mpoʼ mɨmɛh. Zyɛm, nye aŋa ka dwe nye mobe. Nyi bɛa dwihɔ é l'efie, ntɔʼ dweŋɔ tiʼ molu mo mpoʼ mɨmɛh.

Mɨlʉmlʉ 4:12

«Bʉr o ndɨ ebi tiʼ molu mo mpoʼ mɨmɛh ɛ, bé ebi ye ó, é zi mo Yesʉs, ebe, é si nwaʼ nyiwɛh, yé abe e lʉʉ die efih Zyɛm a lɛʼle bʉr ó, lé ó e nkul edwe be tiʼ molu mo mpoʼ mɨmɛh ɛ, nkʉ yé abe laa le.»

Mɨlʉmlʉ 5:20

«Toʼ, to cyɛb ga é jahla bii mo Zyɛm. Bɨn bé à dwe bʉr sikʉlʉ yiyɛh lé etiibe e l'edwan e tiʼ yiʼ ɨ.»

Mɨlʉmlʉ 7:38

Nye ó b'a kœʼ e bwa b'Ɨzraɛl, jɔʼ bé a be é feha si ɨ. Nye a be ó, bé e bɨmpam ga bina ndwe e l'engles a lwib e be é l'ecwɨʼ e Sinayi ɨ. Moyiz ó b'a taare bi mɨngwiha mɨlɔb é zi mo engles, ka ntɛŋ bɨmpam ga bina mya. Mɨlɔb myaa ó ndɨ edwe bʉr tiʼ molu mo mpoʼ mɨmɛh.

Yʉanes 6:63

Mbɨambɨa Sisim ó ndɨ edwe bʉr tiʼ molu mo mpoʼ mɨmɛh. Mʉr ákwoʼ dira nyɔm e bɨsyɛɛla bɨ nyʉl bɨpuno. Bɨlwib me lé elwib e bɨn bi, byé eduho ó boo Mbɨambɨa Sisim. Byé nteme, byé ó lé edwe bɨn tiʼ molu mo mpoʼ mɨmɛh.

Mataos 16:16

Simɔn Pyɛr ntɔʼ bɨha ó: «Go ó Lœma mulo mo Zyɛm le Mwan mo Zyɛm ndɨ kublakubla ɛ!»

Yʉanes 6:40

ebe, Sɔŋ wam, nye egwɨm ó, bʉr bɨbɛh bé óbee Mwan mo Zyɛm, jyɛʼ taa buʼo yɔɔ boo nye e, bé biʼe tiʼ molu mo mpoʼ mɨmɛh. Mɛm, me ópɛ̀h be é mofoo é moho epihe, ntible-bɨkaŋa.»

Yʉanes 17:8

ebe, lwib go a lwib e me e, mɨ ntɛŋ be ya. Bé nteme, bɨ nʉa ye e duu. Bé a si kʉ gʉa cyecye ó, me a duho ó go ye. Bé nteme, bɨ kʉ buʼla ó, go ó b'a lomo me.

Markus 8:29

Nye ntɔʼ bâʼle dî e be ó: «A bɨn bɛɛ, bɨn bé elɛɛ ó, me zé?» Pyɛr ntɔʼ bɨha ó: «Go ó Lœma mulo mo Zyɛm!»

Lʉkas 9:20

Nye ntɔʼ dî e be ó: «A bɨn bɛɛ, bé elɛɛ ó, me zé?» Pyɛr ntɔʼ bɨha ó: «Go ó Lœma mulo mo Zyɛm!»

Yʉanes 12:49

Nye óbe ó e mobe, ebe, me a baalwib yʉʉ sɔʼɔ e me mʉr tɨ. Sɔŋ wam, mʉr a ntɨh me e, ó b'a tiile me mɨtiila dumo e sa me lé ekʉ jala le elɛɛ bɨn ɨ.

Yʉanes 12:50

Ndwe nteme, me egʉa ó, mɨtiila nye lé etiile e, myé ó ndɨ edwe bʉr tiʼ molu mo mpoʼ mɨmɛh. No ó, sa me lé elɛɛ ɛ, yé ó mpʉ Sɔŋ wam a lɛɛ me ya ɛ.»

Mɨlʉmlʉ 13:26

«Obɨɔ ga bam ɔɔ! Bɨn mpoŋbʉr mo Abraham ɔɔ! Bʉr o ndɨ edwaabe Zyɛm ba ɔɔ! Bɨna ga ó b'a cenɔ mpaŋla é lɔb tiʼ Zyɛm mu lé edwe bʉr ɨ.

Mɨlʉmlʉ 8:37

Filip ze bɨha ó: «Yé be ó, go ejyɛʼ taa buʼo yo boo Yesʉs e leme go wiwɛh nɛʼɛ, yé abe e sa kamle go lé enʉa ndubo.» Nye ze lɛɛ ó: «Me ebuʼla ó, Yesʉs-Krɨst, nye ó Mwan mo Zyɛm.»]