Yʉanes 6:2 - Kálara Zyɛ̌m Edwán é mpʉ̌n

² Buobuo bʉr, bé a be ó lé edu nye, ebe, bé a be ó lé ebee bɨdweʼle bɨ nkul we nye a sa-sa lé etiʼ mɨsyoblʉ ɨ.

Kálar Nzyɛ̌m : Ejwán é Sáá

² Bʉr ɨ́ buo buo, bé á be ó lɨ́ edû nyê, ebě, bé á be ó lɨ́ ebee nyé lɨ́ etiʼ mímbêl ɨ́ nzɨ̌ mesimá.

Yʉanes 6:2 ပူးပေါင်းရင်းမြစ်များ

Mataos 12:15

Mpʉ Yesʉs a be si gʉa jwɨʼ yaa ɛ, nye ntɔʼ mʉa ɨ gumo yaa, buobuo bʉr ze du nye é koo pihe. Nye ze tiʼ mɨsyoblʉ mimyɛh myé a be tɨʼ ɨ.

Yʉanes 2:11

Yiha ó ndɨ dweʼle nkul we efoʼ Yesʉs a sa ɛ, nye ndɨ ɨ Kana, é lal Galɨle. Moncɛnba me, mé ze nyin é zi syɛɛla yaa. Ompʉn be, bé ntɔʼ bâʼle bul jyɛʼ taa buʼo yɔɔ boo nye.

Markus 6:33

No ó bʉr é buobuo, bé a si bee be lé eto, ze dweʼɔ be, ze tɨbla é bɨnkana bibyɛh e mɨkam é mpululu, ntɔʼ taare to pyalɔ gumo Yesʉs bé e l'ompʉn be, bé a be lé eto e.

Mataos 14:14

Jɔʼ Yesʉs a fulo é byɛl, bee mpampaʼ bʉr nɨnɨ yaa ɛ, leme we kʉ ze jwɨʼ be nkoo. Nye ze tiʼ mɨsyoblʉ myɔɔ mimyɛh.

Mataos 8:1

Yesʉs ze fulo é l'ecwɨʼ, mpampaʼ bʉr lé edu nye.

Mataos 13:2

Ntuntuma bʉr, yé ze fwal é gumo nye a be e. Syɛɛla yaa ze sa ó, nye mʉŋa tɨ, to kable é byɛl, di si, ntuntuma bʉr yɛɛ lé eliʼ ocɨcyel é l'ebʉm laa.

Markus 1:45

Dam be mpʉ Yesʉs a si lɛɛ nye no e, mʉr waa a kʉ ka sa ó njɨ to le emyɛʼ lɔɔ waa é gumo yiyɛh. Ebe no ó Yesʉs a baabe e nkul eka ni é bɨnkana é pono e. Nye a fuo ka di-di ó, njɨ é bɨlʉn. Bʉr, bé a be lé eto boo nye ó, duho-duho é bɨgumo bibyɛh.

Yʉanes 2:23

É jɔʼ yiyɛh ebʉʼ e Paska laa, lé a bwalɔ-bwalɔ ɛ, Yesʉs a be ó ɨ Yerʉsalɛm. Buobuo bʉr ze jyɛʼɔ taa buʼo yɔɔ boo nye ebe bɨdweʼle bɨ nkul we bé a bee e.

Yʉanes 3:2

Nye a si ze pyal boo Yesʉs é pum. Nye e nye ó: «Yeʼle, bɨh bé egʉa ó, go ó yeʼle Zyɛm a ntɨh, lé eze yeʼle bɨh ɨ, ebe, nkʉ Zyɛm, nye abe e mʉr, mʉr waa, nye abe e nkul esa bɨdweʼle bɨ nkul mbi go lé esa ɛ.»

Yʉanes 6:14

Ebe no, é jɔʼ bʉr, bé a bee dweʼle nkul Yesʉs a sa ɛ, bé ntɔʼ lɛɔ ó: «E! Mʉr nwa, nye ó bana kʉ be ngwiha mɨlɔb cyecye, waa a jala le eze kaʼ é si nwaʼ ɛ!»

Yʉanes 6:22

É mɛn tɨ, ntuntuma bʉr yé a liʼ é l'ebʉm e maŋ e nkɔm-nkɛɛ ɛ, bɨ ze bee ó, yé a be ó, njɨ byɛl ngwar é l'ebʉm, waa ompʉn mo Yesʉs, bé a to tɨʼ ɨ. Bé a be lé egʉa nteme ó, Yesʉs a baakable é byɛl waa; ompʉn be, bé a kable tɨʼ ó, bé ome.

Yʉanes 6:26

Nye ze bɨha e be ó: «Me elɛɛ bɨn cyecye ó nɛɛ: bɨn bé esaa me ó, ebe, bɨn bé a si de bler, díle. Bɨn bé asaa me ebe bɨdweʼle bɨ nkul wam bɨn bé a bee e.

Yʉanes 6:30

Bé e nye ó: «Yé be no nɛʼɛ, yáa dweʼle nkul go ndɨ si pa lɛʼle bɨh, ó bɨh beŋɨ, bɨh nkʉʼ jyɛʼ taa buʼo yih boo go ɛ? Yé go ndɨ si pa sa ɛ?

Yʉanes 11:47

OFarizyɛŋ bé e l'ojwɨɨ be opara ze gwɨhla é Bʉm Nɨnɨ yɔɔ. Bé ó: «Bɨna bé ósa ga nyá ɛ? Ebe, mʉr nɨ, nyi bul sa bɨdweʼle bɨ nkul we.

Yʉanes 12:18

Ebe no ó mpampaʼ bʉr, bé a si mʉa ɨ Yerʉsalɛm, to bɔma e nye é Betani ɨ, ebe, bé a si joʼo tɔɔlʉ lé etiibe e dweʼle nkul nye a sa ɛ.

Yʉanes 12:37

Dam be ó Yesʉs a si bul sa bɨdweʼle bɨ nkul we é mih mɔɔ, oYʉden, bé a baajyɛʼ taa buʼo yɔɔ boo nye.

Yʉanes 20:30

Yesʉs a be ó si sa byʉʉ bɨdweʼle bɨ nkul we é buobuo é mih mo ompʉn be. Bibyɛh, byé abe tila é kalara nwa.