Yʉanes 6:14 - Kálara Zyɛ̌m Edwán é mpʉ̌n

¹⁴ Ebe no, é jɔʼ bʉr, bé a bee dweʼle nkul Yesʉs a sa ɛ, bé ntɔʼ lɛɔ ó: «E! Mʉr nwa, nye ó bana kʉ be ngwiha mɨlɔb cyecye, waa a jala le eze kaʼ é si nwaʼ ɛ!»

Kálar Nzyɛ̌m : Ejwán é Sáá

¹⁴ Bʉr o b'á bee esimá Yésʉs á sâ lɨ́ bá, bê nzě lɛ́ɛ ó: «Mʉr nyâ, nye kʉ́ bě tyeetye ó ngwíha milɔ̌b á jala le enze ɨ́ sí yɨ̂ʼ nyá.»

Yʉanes 6:14 ပူးပေါင်းရင်းမြစ်များ

Mataos 21:11

No ntuntuma bʉr, yé a bɨha e be ó: «Yé ó Yesʉs, ngwiha mɨlɔb, mʉr nkana Nazarɛt, é lal Galɨle!»

Mɨlʉmlʉ 7:37

«Moyiz waa nteme ó b'a lɛɛ e bwa b'Ɨzraɛl ó: “Zyɛm, nye ólomlo bɨn ngwiha mɨlɔb mpʉ mo me, lé epɛh é l'esama le obɨɔ bɨn tʉŋlʉ.”

Mataos 11:3

«Zê go ó mʉr bɨh lé ebono ó, nye óze e? Zê bɨh bâʼla bono fih ɛ?»

Yʉanes 7:40

Baʼ bʉr, é jɔʼ bé a sil joʼo bɨlwib bye e, bé ó: «Mʉr nwa, nye ó bana kʉ be ngwiha mɨlɔb Moyiz a lwib, tiibe e nye e!»

Yʉanes 1:21

No ó bʉr baa, bé a bâʼle dî e nye ó: «Yé be no nɛʼɛ, gwɔɔ, go zé ɛ? Zê go ó ndɨ Élie ɛ?» Nye ó: «Hɨʼɨ, me abe Élie.» Bé ntɔʼ dî ó: «Zê go ó ngwiha mɨlɔb, waa Moyiz a bɛa tile, tiibe e nye nwa ɛ?» Nye ó: «Hɨʼɨ, me abe nye.»

Yʉanes 4:19

Mʉma, nye e nye ó: «Da, go ó kʉ be ngwiha mɨlɔb! Mɨ bee no.

Yʉanes 4:42

Bé e mʉma nɨ ó: «Banana, bɨh bé aka buʼla njɨ ebe lɔɔ go. Bɨh bʉr o tɨʼ, bɨ joʼo lwib ye, le ekʉ gʉa ó, é si nwaʼ nyiwɛh, nye ó ndɨ Tiʼbʉr é l'efu e si nwaʼ nyiwɛh.»

Yʉanes 4:25

Mʉma, nye e nye ó: «Me egʉa ó, waa ndɨ Messie ɨ, óze—no, yé ó waa ndɨ ejebɔ ó, Krɨst: Lœma mulo mo Zyɛm ɨ. É jɔʼ nye óze e, nye ógʉa yeʼle bɨna ga bɨsa bɨnɨ bibyɛh.»

Lʉkas 24:19

Yesʉs ntɔʼ dî e be ó: «Yé ba syɛɛ gʉʼ ɨ?» Bé ntɔʼ bɨha e nye ó: «Lɔb mo Yesʉs, mʉr Nazarɛt ó bɨh lé elwib wi. Nye be ó ngwiha mɨlɔb wih, e nkul nɨnɨ é bɨlwib bye ndwe e bɨsyɛɛla nye dɨ sa ɛ. Dam be Zyɛm, nkʉ nteme bʉr, bé a si bee no, bɨbɛh.

Lʉkas 7:16

Bʉr bɨbɛh ze joʼo bʉa. Bé ntɔʼ dwe Zyɛm kum. Bé ó: «Sa nɨnɨ ngwiha mɨlɔb, yi pyal é bɨna ga!» Lɛɔ nteme ó: «Zyɛm, nyi ze gba kul bʉr ye nkul é monyʉl!»

Yʉanes 2:11

Yiha ó ndɨ dweʼle nkul we efoʼ Yesʉs a sa ɛ, nye ndɨ ɨ Kana, é lal Galɨle. Moncɛnba me, mé ze nyin é zi syɛɛla yaa. Ompʉn be, bé ntɔʼ bâʼle bul jyɛʼ taa buʼo yɔɔ boo nye.

Yʉanes 6:2

Buobuo bʉr, bé a be ó lé edu nye, ebe, bé a be ó lé ebee bɨdweʼle bɨ nkul we nye a sa-sa lé etiʼ mɨsyoblʉ ɨ.

Yʉanes 6:26

Nye ze bɨha e be ó: «Me elɛɛ bɨn cyecye ó nɛɛ: bɨn bé esaa me ó, ebe, bɨn bé a si de bler, díle. Bɨn bé asaa me ebe bɨdweʼle bɨ nkul wam bɨn bé a bee e.

Yʉanes 6:30

Bé e nye ó: «Yé be no nɛʼɛ, yáa dweʼle nkul go ndɨ si pa lɛʼle bɨh, ó bɨh beŋɨ, bɨh nkʉʼ jyɛʼ taa buʼo yih boo go ɛ? Yé go ndɨ si pa sa ɛ?

Yʉanes 11:27

Nye e nye ó: «Da, me ekʉ gʉa no. Mɨ buʼla ó, go ó ndɨ Lœma mulo mo Zyɛm le Mwan mo Zyɛm, mʉr a be ó, nye óze kaʼ é si nwaʼ ɛ.»