Yʉanes 5:44 - Kálara Zyɛ̌m Edwán é mpʉ̌n

⁴⁴ Bɨn bé ebul kpɛl bi kum ó, njɨ paʼra win. Bɨn bé akpɛl bi kum lé eduho boo Zyɛm nye ome e. Yé be no nɛʼɛ, a, bɨn bé ójyɛʼ taa buʼo yin boo Zyɛm nyá ɛ?

Kálar Nzyɛ̌m : Ejwán é Sáá

⁴⁴ Bɨ̌n jaá kpɨkpɛl ébi kûm ó, njɨ páʼ nyɨ́n. Bɨ̌n bé akpɛl ébi kûm dí eduho kwá mé waá dí Nzyɛ̌m nye omér nyá. Yé bé nó wá, á bɨ̌n bé ódyɛ̂ʼwo e Nzyɛ̌m nyá?

Yʉanes 5:44 ပူးပေါင်းရင်းမြစ်များ

Yʉanes 12:43

Baanya-bʉa onɨ, bé a si sa no, ebe, bé a kpɛl-kpɛl ó, bʉr seʼla be, laa ó, Zyɛm seʼla be.

Rôm 2:29

Yʉden, nye ó mpaŋ Yʉden é jɔʼ nye ndɨ no, duho é mo si ɨ. Mpaŋ sɛa mpʉn, wé ó waa Mbɨambɨa Sisim lé esa é leme mʉr tʉŋlʉ ɨ. Wé asaŋɔ é lɔb ebaʼle motie mo Moyiz. Mʉr ndɨ e mbi sɛa mpʉn waa ɛ, ntʉʼ bʉr, bé ógumlo nye. Kum we óduho ó boo Zyɛm.

Filipi 2:3

Asa ga zyee lé efuo bɨdia paʼ win. Ankɛɛ ga monyʉl. Mʉr nyiwɛh, nye dweʼ bʉʉ bʉr duu, laa mpʉ nye lé ebee nye mʉr tɨʼ ɨ.

Mataos 23:5

Bé esa bɨsyɛɛla byɔɔ bibyɛh ó, bʉr beŋɨ be. Ebe no ó bé lé ebœʼ pɔb motie mo Zyɛm yɔɔ ɛ, le ejyɛɛle mozeʼle lé ezyɛmla si é mɨkan myɔɔ ɛ.

1 Pyɛr 1:7

Bɨn bé ebɔma e mobʉbla maa ó, bɨn nkʉʼ gʉa bee pie tɨʼ nkʉ bɨn bé ó e buʼo mpa. Taa buʼo bɨn lé ejyɛʼ boo Zyɛm ɨ, yé ó bɨn é bul buo dime, laa gol. Gol ndɨ sa yé ódim ɨ, pa taare gbaŋɔ é duro e molul, ó yé gʉa nyin nkʉ yé ó mpaŋ gol cyecye, a dwɛʼra e buʼo ga yina! Ebe no ó bʉr, bé ógumlo Zyɛm, le edwiibɨ nye é dobo Yesʉs-Krɨst óbula ze e.

1 Korɛnt 4:5

No ó, atiʼe ga lɔb mo nuu mʉr cye yiyɛh yé l'apa pyal jɔʼ elab ɨ. Bona ga ó, Da, nye ntaʼ. Nye ópyɛl sa ndɨ é l'edurʉ ɨ, cen ye é myɛn. Nye ógwih bɨjwɨʼ bʉr lé ebà é mɨmo si ɨ. É jɔʼ yaa ó Zyɛm óseʼle bʉr be, dwe mʉr nyiwɛh kum ójala e nye e.

Rôm 2:10

Baa bɨbɛh ndɨ esa embɨa ɛ, bɛɛ, Zyɛm óseʼle be, le edwe be kum ndwe e motala. Nye ódwe be kum ó, taare é l'oYʉden, to pyal é bʉr o bɨkul bɨfih,

Rôm 2:7

Baʼ bʉr, bé esaa ó, kum é mih mo Zyɛm, e duu le tiʼ ndɨ asie-sie e. Bé edihbe sɔɔlʉ waa e bihbe, lé esa bɨsyɛɛla bɨ ncwɨncwɨa. Bé ó baa Zyɛm ódwe tiʼ molu mo mpoʼ mɨmɛh ɛ.

Lʉkas 19:17

«Sabene, nye e nye ó: “Yé é mbɨa. Go ó mpaŋ syɛl mosa. Gɨ gʉa ebaʼle bɨsa ndɨ titia ɛ. Mɨ cyel go njwɨɨ bɨnkana ewʉm.”

Jacques 2:1

Obɨɔ ga bam aa! É mpʉ bɨn lé ejyɛʼ taa buʼo yin boo Tî ga wina Yesʉs-Krɨst, Njwɨɨ ga wina ndɨ é kum ɨ, dɨʼe sa no abe lé edwaabe bʉr é lɔb mompom mɔɔ,

Ebrœ̂ 3:12

Obɨɔ ga bam aa! Gʉa di ga ncye! Mʉr é mbɛr Zyɛm win aka nyamle be e leme ndɨ é lele lé ebuʼla ɛ. Nye l'aka nyamle kaŋa e Zyɛm ndɨ kublakubla ɛ.

2 Korɛnt 10:18

Ebe, ntʉʼ waa lé eseʼle nye mʉr tɨʼ ɨ, Da lé emɛʼle. Da mɛʼle ó, waa nye mʉr tɨʼ lé eseʼle e.

Yʉanes 17:3

Tiʼ molu mo mpoʼ mɨmɛh, yé ó, bé gʉŋa go, ó go ó ndɨ mpaŋ Zyɛm ndɨ ngwar e ngwar ɨ. Bé gʉŋa nteme Yesʉs, mɛm, mʉr go a lœm mulo, waa go a ntɨh kaʼ ɛ.

Yʉanes 8:43

Ebe yé bɨn lé ekar ejoʼo me e? Yé ó, ebe, bɨn bé abe e nkul ejoʼo lwib yam.

Yʉanes 3:20

Mʉr nyiwɛh lé esa ebebe e, nye enwim myɛn waa. Nye abe lé eze fum myɛn lé epan ɨ, ebe, nye ekpɛɛ ó, ebebe le, lé amu jaa gwiha kʉl, bʉr ntɔʼ dwe nye mobe tɨ.

Yʉanes 5:41

«Me abe lé esaa ebi kum lé eduho é bʉr ɨ.

1 Tesalonika 2:6

Bɨh bé a baabe lé esaa ó, nuu mʉr seʼla bɨh. Bɨh bé agwɨm moseʼla mɨn, nkʉ maa mo bʉʉ bʉr.

1 Timotɛ 1:17

Zyɛm ndɨ Njwɨɨbʉr njʉmdia e njʉmdia, waa ndɨ abe e nkul edwè, waa ndɨ anyin bʉr é mih, waa ndɨ Zyɛm nye ome e, duu ndwe e kum, byé diʼe é nye njʉmdia e njʉmdia. Amɛn.

Yʉ̂d 1:25

Nye ome ó ndɨ Zyɛm, nye nteme Tiʼbʉr ga wina. Kum, mpwaʼ, nkul le jwɨɨ, byé dweŋɔ Zyɛm é zyɛŋa ga wina boo Tî ga wina Yesʉs-Krɨst. Byé a bɛa be ó mbi jɔʼ yiʼ apa taare. Byé dina ó tɨ, ze pyal é banana. Byé óto dolo njʉmdia e njʉmdia. Amɛn.