Yʉanes 5:4 - Kálara Zyɛ̌m Edwán é mpʉ̌n

⁴ Ebe, nuu engles a be ó lé efulo é byʉʉ bɨjɔʼ, ze pyal é bœh ejwɨ̀a yaa, ze pɨʼ modibe mo tɨ. Syoblʉ efoʼ wé a fulo pie pɨʼa modibe waa ɛ, wé a be ó si tiʼe é nko paʼ esyɛb le, lé dam be láa.]

Yʉanes 5:4 ပူးပေါင်းရင်းမြစ်များ

Yʉanes 5:3

É bɨsikuo byaa si ó buobuo mɨsyoblʉ, myé a dɨ ja ɛ. Baʼ, bé a be ó ontim, bʉʉ, baanya-bɨjyɛm, bʉʉ nteme, bʉr o b'a be e bɨfum bɨ nyʉl é fwam-fwam ɨ. [Bé a be ó lé ebono jɔʼ modibe mo tɨ, mé ópɨʼba ɛ.

Yʉanes 5:5

Nuu mʉr a be tɨʼ ɨ, a be ó si sia e l'esyɛb tɔɔ mɨmbu mowʉm molɛl e mwom.

Yʉanes 5:7

Syoblʉ waa, wé e nye ó: «Da, a vwaʼ e mɛm, mʉr ndɨ abe mʉr toʼ, to fil me é bœh é jɔʼ modibe lé epɨʼba ɛ! É jɔʼ yiyɛh me ejwɨʼla saa eto duba ɛ, nuu mʉr, nye etaare to pyal, mɛm fuo diibe wâʼ mpʉ, aduba!»

Mataos 6:33

Sa efoʼ, kʉ bul saa ga eni é jwɨ̀ʼa ye, ndwe le ekœʼ ebò e cyen é l'ocɨcyel. Bɨsa bibyɛh bɨn lé ejɨ bɨnɨ, Zyɛm óloŋlo bɨn bya.

Mataos 11:12

Taare é jɔʼ Yʉanes Ndubʉr a taare lé edù bʉr ɨ, ze pyal é banana: jwɨ̀ʼa mo Da, yé efuŋɔ e nkul. Bʉr o cere, bé esaa ó, bé dɛnɨ ye e nkul.

Lʉkas 13:24

«Gbaʼ ga monyʉl lé eni é l'ebe ndɨ é ban ɨ. Me elɛɛ bɨn ó: buobuo bʉr, bé ósaa eni tɨ, bɛɛ abe e nkul.

Lʉkas 16:16

«Motie mo Moyiz ndwe e sikʉlʉ ogwiha o mɨlɔb bé a dwe e, byé a di ó, é di di di, to pyal é Yʉanes. Taare é jɔʼ nye a pyal ɨ, to dolo, bʉr, bé mu ó lé etuno Mbɨambɨa Lɔɔ lé etiibe e jwɨ̀ʼa mo Zyɛm ɨ. Mʉr nyiwɛh, nye mu ó lé eni tɨʼ e nkul.

1 Korɛnt 6:11

No nteme ó, bʉʉ bʉr o mbɛr Zyɛm win, bé a be-be e! Sa gwar, bɨn bé a si sohlɔ, pubɔ. Bɨn bɨ bi mokebe é mih mo Zyɛm lé ejyɛʼ taa buʼo yin boo Da Yesʉs-Krɨst, cwɨɨ é zi Mbɨambɨa Sisim.

1 Yʉanes 1:7

Yé be ó, bɨna bé ekœʼ ga mbɨambɨa ebò e cyen é myɛn tʉŋlʉ, du mpʉ Zyɛm nye mʉr tɨʼ ndɨ é myɛn nɛʼɛ, lɛɛ ó, bɨna bé óbe ga é mpaŋ zyɛŋa-mɨleme é jɔʼ yaa. Motié mo Mwan we Yesʉs, mé ópubo bɨna ga, pɛʼ mɨsyem mimyɛh.