Yʉanes 5:34 - Kálara Zyɛ̌m Edwán é mpʉ̌n

³⁴ É paʼ wam, me agwɨm ó, mʉr boʼla mokan mam. Me ebâʼle lɛɛ bɨn mokan maʼ ó, ebe, me egwɨm ó, bɨn biʼe tiʼ molu mo mpoʼ mɨmɛh.

Kálar Nzyɛ̌m : Ejwán é Sáá

³⁴ Ɨ́ wâm pâʼ, mé agwɨ̂m ó, mʉr bôʼlaa mekǎn mâm. Mě báʼá lɛ́ɛ bɨ́n mekǎn mâʼ ó, ebě, me lɨ́ egwɨ̂m ó, bɨ̌n tíʼaa.

Yʉanes 5:34 ပူးပေါင်းရင်းမြစ်များ

1 Yʉanes 5:9

Bɨna pa taare mɛʼle ga é jɔʼ bʉr lé eboʼlo lɔb mboʼla ngwar ɨ, a dwɛʼra e Zyɛm. Mboʼla mo Zyɛm, wé ejala le ebe ó e modile, laa waa bʉr lé esa-sa ɛ, ebe, wé ó waa Zyɛm nye mʉr tɨʼ lé eboʼlo, tiibe e Mwan we e.

Yʉanes 20:31

Sa ndɨ tɨʼ tila ɛ, yé a tilɔ ó, é l'efu ó, bɨn buʼla ó, Yesʉs, nye ó Lœma mulo mo Zyɛm le Mwan mo Zyɛm. ǃBɨn si jyɛʼ taa buʼo yin boo nye nɛʼɛ, bɨn bé óbi tiʼ molu mo mpoʼ mɨmɛh é zi we.

1 Timotɛ 4:16

Gʉa dwɛʼ go mʉr tɨʼ ndwe e mbi sikʉlʉ go lé eto le edwe bʉr ɨ. Dɨʼe sa zyee lé edu mɨlɔb mɨnɨ. ǃGo si sa no nɛʼɛ, go ótiʼ go mʉr tɨ, tiʼ nteme baa lé ejoʼlo go e.

1 Korɛnt 9:22

É jɔʼ me ndɨ esyɛŋa zi e bʉr l'apa nʉa pim é buʼo e, me enwɨɨla ó, mpʉ bʉr l'apa nʉa pim é buʼo e. Me esa no ó, me nkʉʼ dulo be. Me esaa enwɨɨla e mɨmbi mɨ bʉr mimyɛh é l'efu le etiʼ bʉʉ bʉr.

Rôm 10:1

Obɨɔ ga bam aa! Gwɨma leme wam, wé ó oYʉden nkʉʼ bi tiʼ molu mo mpoʼ mɨmɛh. Yé nteme ó ndɨ mɨnjwɨʼla myam.

Rôm 3:3

No ó, bɨna bé ólɛɛ ga é yé, tiibe e bʉr o b'a baajyɛʼ taa buʼo yɔɔ boo Zyɛm ɨ? Zê elele e mɨleme lɔɔ, lé ó e nkul ekamle Zyɛm lé edira monkɛʼ me ɛ?

Yʉanes 8:54

Yesʉs, nye e be ó: «ǃMe si dwe mɛm mʉr tɨʼ kum lé elɛɛ bɨn mbi mʉr me ndɨ nɛʼɛ, lɛɛ ó, kum wam waa, nye abe e nyɔm. Mʉr lé edwe me kum ɨ, nye ó ndɨ Sɔŋ wam! Nye ó waa bɨn lé elɛɛ ó, nye ó Zyɛm win ɨ.

Yʉanes 5:41

«Me abe lé esaa ebi kum lé eduho é bʉr ɨ.

Lʉkas 24:47

Yé a bɛa be tila nteme ó, bʉr, bé óto le elɛɛ Mbɨambɨa Lɔɔ é die le, lé eto le elɛɛ bʉr ó, bé gwɨma mobebe mɔɔ, le edwir mɨleme, Zyɛm pɛʼɛ be bɨbaa bɨ ebebe byɔɔ. Lɔb waa, wé ótunɔ ó, taare ɨ Yerʉsalɛm, to pyal é bɨkul bibyɛh.

Rôm 12:21

Mʉr ayi bir ó, ebebe, lé ntaŋa nye é nkul. Bɨn bɛɛ ntaŋa ga le é nkul, lé esa bɨsyɛɛla ndɨ é mbɨa ɛ.

Rôm 10:21

É paʼ bwa b'Ɨzraɛl bɛɛ, Zyɛm, nye elwib, tiibe e be ó: «Me a be ó si syɛm mobo mam, tɔɔ moho ntinɨ, lé ejebe bʉr bam. Bɛɛ kʉ ka sa ó njɨ esa me ebɨh. Sa yiyɛh me lé elɛɛ be e, bɛɛ kʉ tɨ-tɨ tɨʼe.»

Lʉkas 19:10

Mwan mo Mʉr a ze ó, ze saa baa mu si pɔhba ɛ, ó nye ódwe be tiʼ molu mo mpoʼ mɨmɛh.»

Lʉkas 13:34

«Yerʉsalɛm, Yerʉsalɛm, gwɔɔ mʉr lé ebɛa jʉ ogwiha o mɨlɔb le elumo baa Zyɛm lé elomlo go e, mokoʼ e! Zɔʼ ntɨɛ me a be lé egwɨm syɛŋ bwan bo, mpʉ abyɛɛ-kuo lé esyɛŋ bwan be é mompaba me si ɨ, bɨn bɛɛ kʉ bene-bene bena.

Yʉanes 5:32

Sa gwar, yé e nuu mʉr lé eboʼlo lɔb wam ɨ. Mɛm, me egʉa ó, mboʼla nye lé eboʼlo, tiibe e me e, wé ó cyecye.