Yʉanes 5:30 - Kálara Zyɛ̌m Edwán é mpʉ̌n

³⁰ Me abe e nkul esa yʉʉ sɔʼɔ njɨ e nkul wam me mʉr tɨ. Me etiʼe mɨlɔb ó, njɨ mpʉ Zyɛm lé elɛɛ me e. Etiʼ e mɨlɔb lam, lé ó cɨcyel, ebe, me abe lé esa gwɨma yam, njɨ yaa mo mʉr a ntɨh me e.»

Kálar Nzyɛ̌m : Ejwán é Sáá

³⁰ «Mé abe e nkul esâ yʉ́ʉ́ sɔ̂ʼ e mɛm mʉr tɨ̂. Mě tíʼé mílɔ̌b ó, njɨ̌ mpʉ̌ Nzyɛ̌m dí elɛ́ɛ mé yɨ́. Etíʼ é mílɔ̌b lâm, lé ó tîtyěl, ebě, mé abe lɨ́ esâ mpʉ mé dí egwɨ̂m yɨ́, njɨ̌ mpʉ mʉ̂r á ntɨh me nyá dí egwɨ̂m yɨ́.

Yʉanes 5:30 ပူးပေါင်းရင်းမြစ်များ

Yʉanes 6:38

Me a baaduho é jobo kʉ, lé eze sa gwɨma yam, njɨ gwɨma mo mʉr a ntɨh me e.

Yʉanes 5:19

Ebe no ó Yesʉs a bâʼle nʉa lwib, lɛɛ e be ó: «Me elɛɛ bɨn cyecye ó nɛɛ: Mwan mo Zyɛm, nye abe lé esa yʉʉ sɔʼɔ e nkul we nye mʉr tɨ. Nye esa ó, njɨ syɛɛla nye lé ebɛa bee Sɔŋ we lé esa ɛ, ebe, syɛɛla yiyɛh Zyɛm Sɔŋ lé esa ɛ, yé nteme ó Mwan mo Zyɛm lé esa ɛ,

Yʉanes 4:34

Yesʉs, nye e be ó: «Mode mam, mé ó, me saʼ gwɨma mo mʉr a ntɨh me e, le efwahle syɛɛ nye a lɛɛ ó, me ntaʼ, ze sea ɛ.

Yʉanes 14:10

Zê go abuʼla ó, me ó é zyɛŋa wih boo Sɔŋ wam ɛ? Sɔŋ wam, nye etiʼe ó, é me. Lwib me lé elwib e bɨn bɨbɛh ɛ, me alwib ye njɨ é nkul wam me mʉr tɨ. Sɔŋ wam, mʉr bɨh e nɔɔ lé edi ɨ, nye ó ndɨ eloŋlo bɨsyɛɛla bye.

Mataos 26:39

Nye ze to ba dolo, ntɔʼ bɨʼ mpom we si, ze sa mɨnjwɨʼla. Nye e nye ó: «Da, ǃyé óbana nɛʼɛ, bele mɨtuu yiʼ dwɛha e me. Sa gwar, yé l'ayi be mpʉ me lé egwɨm ɨ, njɨ mpʉ go lé egwɨm ɨ.»

Yʉanes 8:28

Yesʉs ze lɛɛ e be ó: «É jɔʼ bɨn bé óbɨr Mwan mo Mʉr kʉ ɨ, é jɔʼ yaa ó bɨn bé ógʉa ó, mɛm ó ndɨ Me-ó-tɨʼ ɨ. Bɨn bé ógʉa ó, me abe lé esa yʉʉ sɔʼɔ njɨ é nkul wam me mʉr tɨ. Me ekʉ lwib-lwib ó, njɨ sa Sɔŋ wam a yeʼle me e.

Rôm 15:3

Dam be Krɨst nye mʉr tɨ, nye a baasaa nyɔm we. Yé ó mpʉ yé ndɨ tila é Kalara Zyɛm é lʉ mo Krɨst ɨ. Yé ó tila ó: «Baanya-molwɨɨ lé elwɨɨ-lwɨɨ go e, bé mu ka lwɨɨ ó me!»

Yʉanes 8:50

Me abe lé esaa ebœʼ kum wam. Yé e mʉr lé esaa ó, bʉr dwiibɨ me é buobuo e. Nye nteme, nye ó waa lé etiʼe mɨlɔb ɨ.

Yʉanes 8:42

Yesʉs, nye e be ó: «Nkʉ Zyɛm a be ó be, be Sɔŋ win cyecye nɛʼɛ, mpa bɨn mu ó si kpɛl me, ebe, me a duho ó boo Zyɛm waa. No yaa ó me ndɨ wâʼ ɛ. Me a baaze kaʼ é gwɨma yam me mʉr tɨ, njɨ ebe gwɨma mo mʉr a lomo me e.

Yʉanes 17:4

Me a si lɛʼle bʉr kum go é si nwa. Mɨ fwahle syɛɛ go a dwe me ó, me ntaʼ, ze sea ɛ.

Yʉanes 18:11

Yesʉs, nye e Pyɛr ó: «Fwama fòŋ go é pɔb. Zê go lé ejwɨʼ ó, me aŋa nyʉl bele Sɔŋ wam timle me yiʼ ɛ?»

Rôm 2:5

Cye yiyɛh go dina lé esa elele e lʉ, nkʉ bene lé edwir leme e, go ebul bɨbaa bɨ ebebe Zyɛm lé eniʼe go e. Byé óka láŋɔ ó, é dobo Zyɛm ókpaa empime le e bʉr bɨbɛh ɛ. Dobo laa nteme ó nye ólɛʼle mʉr nyiwɛh mpʉ nye lé etiʼe bʉr mɨlɔb é l'ocɨcyel ɨ.

Rôm 2:2

Bɨna bé ekʉ gʉa ga é nko paʼ bʉr o ndɨ esa mɨmbi bɨsyɛɛla byaa ó, Zyɛm, nye edwe be mobe tɨ. Nye esa no ó, é l'ocyecye.