Yʉanes 5:27 - Kálara Zyɛ̌m Edwán é mpʉ̌n

²⁷ Nye nteme a si ntɛŋ Mwan we nkul mojwɨ̀ʼa ndɨ ó, nye tiʼa bʉr mɨlɔb ɨ, ebe, nyɛɛ ó ndɨ Mwan mo Mʉr.

Kálar Nzyɛ̌m : Ejwán é Sáá

²⁷ Nye ntémé á si dwe Mwân nkul etíʼe mílɔ̌b, ebě, nye ó dí Mwân mé Mʉr.

Yʉanes 5:27 ပူးပေါင်းရင်းမြစ်များ

Mɨlʉmlʉ 10:42

Nye a lomo bɨh ó, bɨh toʼ le elɛɛ oYʉden Mbɨambɨa Lɔɔ, le eboʼlo ó, Yesʉs ó ndɨ mʉr nye a cyel é dia tiʼà mɨlɔb, waa ótiʼe mɨkubla le odwè mɨlɔb ɨ.

Mɨlʉmlʉ 17:31

No ó nye a cyel dobo nye ótiʼe bʉr o si nwaʼ bɨbɛh mɨlɔb myɔɔ é l'ocɨcyel ɨ. Nyi bɛa pɛh nteme mʉr ótiʼe mɨlɔb myɔɔ é dobo laa ɛ. Nyi pɛ̀h mʉr waa é foo. Pɛ̀ha foo waa, wé ó dweʼle, sa lé elɛʼle bʉr bɨbɛh ó, mʉr a pɛ̀hɔ é foo e, nye ó ngo tiʼe mɨlɔb myɔɔ.»

Yʉanes 5:22

Zyɛm Sɔŋ, nye abe lé etiʼe bʉr mɨlɔb. Nye a be ó si bɛa ntɛŋ Mwan mo Zyɛm nkul mojwɨ̀ʼa ó, nye tiʼa mɨlɔb mimyɛh,

1 Pyɛr 3:22

Nye a si bere é jobo kʉ. Nye mu ó é mbo ejʉm mo Zyɛm Sɔŋ, gumo nye lé ejwɨʼ beengles, le mɨsisim ndɨ e mojwɨ̀ʼa ndwe e myaa ndɨ e nkul ɨ.

1 Korɛnt 15:25

ebe, yé a kʉ jala ó, Krɨst diʼe é dia njwɨɨ, to pyal é jɔʼ nye óbe si ntaa bʉr o dɔm be bɨbɛh é nkul dɔm, gba be é mobò me si ɨ.

Mataos 9:6

Sa gwar, me muno ze lɛʼle bɨn dweʼle ó, Mwan mo Mʉr ó ndɨ e nkul mojwɨ̀ʼa é si nwaʼ é l'efu ó, nye pɛʼɛ bʉr bɨbaa Zyɛm lé eniʼe é lɔb mɨsyem myɔɔ ɛ.» Nye ntɔʼ ze lɛɛ e mbʉmbʉʼ ó: «Me lɛɛ e go ó: Mʉŋa. Nkɛŋɨ tɔɔ go. Go toʼ kwar go.»

Yʉanes 9:39

Yesʉs, nye ó: «Me a ze kaʼ é si nwaʼ ó, lé eze dwe bʉr o ndɨ egumo e si waa ɛ, mobe. Me a ze sa ó, ontim, bé beŋɨ; baa lé ebee e, bɛɛ lihba ontim.»

Ebrœ̂ 1:2

No ó, é mpʉ esie e mbi jɔʼ yi, lé mu ó kunokuno le epyal ɨ, nye mu ka lwib e bɨna ga ó, cwɨɨ é Mwan we. Mwan we ó nye a kɛʼ ó, nye óbi bɨsa bibyɛh. É zi we ó Zyɛm a cye mosi mɨmɛh ɛ.