Yʉanes 5:26 - Kálara Zyɛ̌m Edwán é mpʉ̌n

²⁶ ebe, jwɨʼ gwar e gwar é mbi Zyɛm Sɔŋ ndɨ e tiʼ njʉmdia é nye mʉr tɨʼ tʉŋlʉ ɨ, no nteme ó nye a sa ó, Mwan mo Zyɛm diʼe e tiʼ yaa ɛ.

Kálar Nzyɛ̌m : Ejwán é Sáá

²⁶ Ebě, jwɨʼ gwár mpʉ̌ Nzyɛ̌m Sɔ́ŋ dí e twǐʼ njʉ̌m dǐ ɨ́ nye mʉr tɨ̂ʼ yɨ́, nó ntémé ó nyé á sâ ó, Mwân díʼee e twiʼ yaá.

Yʉanes 5:26 ပူးပေါင်းရင်းမြစ်များ

Yʉanes 11:26

Nteme, waa nyiwɛh lé etiʼe é zi wam le ejyɛʼ taa buʼo ye boo me e, nye ákwoʼ dwè. Zê go lé ebuʼla no ɛ?»

Yʉanes 1:4

Tiʼ, yé a be ó é Lwib. Tiʼ yaa, yé ó b'a pɛn myɛn é bʉr.

Yʉanes 14:6

Yesʉs, nye e nye ó: «Me ó ndɨ zi. Me ó ndɨ é l'ocyecye. Me ó ndɨ Etin e tiʼ. Mʉr, nye abe e nkul eto nko Sɔŋ wam ndɨ ɨ, cwɨɨ é nuu zi fih, nkʉ yé abe é me.

Mɨngwiha 22:17

No ó Mbɨambɨa Sisim bé e mʉma mo Ma Ntœme, bé elɛɛ ó: «Ntaʼ.» Ndwe nteme, mʉr lé ejoʼo e, nye lɛŋɨ nteme ó: «Ntaʼ.» Mʉr lé ejoʼo dweh modibe e, nye ntaʼ. Waa nyiwɛh lé ekpɛl ɨ, nye ntaʼ, ze daale modibe mo tiʼ, abwam.

1 Timotɛ 1:17

Zyɛm ndɨ Njwɨɨbʉr njʉmdia e njʉmdia, waa ndɨ abe e nkul edwè, waa ndɨ anyin bʉr é mih, waa ndɨ Zyɛm nye ome e, duu ndwe e kum, byé diʼe é nye njʉmdia e njʉmdia. Amɛn.

1 Korɛnt 15:45

Yé ó mpʉ yé ndɨ tila é Kalara Zyɛm ɨ. Yé ó tila ó: «Mʉr efoʼ, Adam, a be ó kublakubla.» Adam a fuʼla ka ze e, nye ó Sisim lé etiʼ bʉr ɨ.

Mɨngwiha 22:1

No ó, engles waa ze lɛʼle me dibe. Modibe mo tiʼ, mé a be ó lé egʉ é sʉm dibe waa, modibe mo tɨʼ é ncyɛh-ncyɛh, mpʉ la. Dibe yaa, yé a gʉ sʉm ó, lé etaare é dia taʼa mo Zyɛm bé e Ma Ntœme,

Mɨngwiha 21:6

Nye e me ó: «Yi sie! Me ó mʉr efoʼ ndwe e waa epihe. Me nteme, me ó etɛɛrɨ e sa yiyɛh ndwe e l'efuʼla e tɨ. Mʉr lé ejoʼo dweh modibe e, mɛm ódwe nye ma edwɛna. Modibe maa, mé ó maa lé egʉ, duho é l'eno e tiʼ ɨ.

1 Timotɛ 6:16

Njɨ nye ome ó ndɨ abe e nkul edwè. Nye edi ó, é myɛn tʉŋlʉ, myɛn nuu mʉr ndɨ abe e nkul ekunbo e tɨʼ ɨ. Mʉr ngwar, nye apa bee nye. Mʉr abe e nkul ebee nteme nye. Kum, ndwe e nkul, byé dweŋɔ nye njʉmdia e njʉmdia. Amɛn.

Mɨlʉmlʉ 17:25

Nye nteme, nye abe é l'ejyeb. Nye abe lé ebono nteme ó, bʉr ntaʼ, ze gul nye e mobo mɔɔ, ebe, nyɛɛ ó lé edwe bʉr bɨbɛh tiʼ e swɨh, ndwe e bɨsa bibyɛh.

Yʉanes 14:19

Yi liʼ ba titia: bʉr o ndɨ egumo e si nwaʼ ɛ, bé aŋa ka bee me. Sa gwar, bɨn bɛɛ, bé ókʉ bee me. Bɨn nteme, bé óbi tiʼ molu mo mpoʼ mɨmɛh ebe tiʼ me ndɨ e ye e.

Yʉanes 8:51

Me elɛɛ bɨn cyecye ó nɛɛ: ǃɨ mʉr si baʼle lwib yam nɛʼɛ, nye l'aka dwè.»

Yʉanes 4:10

Yesʉs ntɔʼ lɛɛ e nye ó: «Nkʉ go be ó be, gʉa etʉm Zyɛm lé entɨh-ntɨh bʉr ɨ, ndwe e mʉr lé ejaʼ go modibe nɛʼɛ, mpa go ô jaʼ nye modibe lé esah ɛ. Nye si ngbaa dwe nteme go ma.»

Mɨngwiha 7:17

ebe, Ma Ntœme ndɨ teme dia taʼa ɛ, nye ó ndɨ ekoblo daa e bɨntœme le, lé eto e bye é l'eno, gumo modibe mo tiʼ lé esah ɛ. Zyɛm ótin be myɛɛle mɨmɛh é mih.»

Yʉanes 6:57

Sɔŋ wam, mʉr a ntɨh me e, nye ó ndɨ kublakubla. Me etiʼe ó ebe nye. Jwɨʼ gwar yaa, mʉr nyiwɛh lé ede me e, nye ó ndɨ ebi tiʼ molu mo mpoʼ mɨmɛh é zi wam.

Yʉanes 10:18

Mʉr, nye aŋa nʉa me tiʼ yam. Me edwe ye ó dweʼ, e nkul wam me mʉr tɨ. Me e nkul edwe ye, bula nʉa. Yé ó syɛɛla Sɔŋ wam a dwe me nkul ó, me saʼ ɛ.»

Yʉanes 11:25

Yesʉs, nye e nye ó: «Me ó waa lé epɛ̀h bʉr é mofoo, dwe be tiʼ molu mo mpoʼ mɨmɛh ɛ. Mʉr lé ejyɛʼ taa buʼo ye boo me e, nye dam dwè, nye óbâʼle tiʼe.

Ebrœ̂ 1:2

No ó, é mpʉ esie e mbi jɔʼ yi, lé mu ó kunokuno le epyal ɨ, nye mu ka lwib e bɨna ga ó, cwɨɨ é Mwan we. Mwan we ó nye a kɛʼ ó, nye óbi bɨsa bibyɛh. É zi we ó Zyɛm a cye mosi mɨmɛh ɛ.