Yʉanes 5:22 - Kálara Zyɛ̌m Edwán é mpʉ̌n

²² Zyɛm Sɔŋ, nye abe lé etiʼe bʉr mɨlɔb. Nye a be ó si bɛa ntɛŋ Mwan mo Zyɛm nkul mojwɨ̀ʼa ó, nye tiʼa mɨlɔb mimyɛh,

Kálar Nzyɛ̌m : Ejwán é Sáá

²² Sɔ́ŋ, nyé abe lɨ́ etíʼe bʉ̂r milɔ̌b. Nye á be ɨ́ boó dwe Mwân wé nkul nyɨnyɛ̂h ó, nye tíʼaa milɔ̌b mímyɛ̂h,

Yʉanes 5:22 ပူးပေါင်းရင်းမြစ်များ

Yʉanes 5:27

Nye nteme a si ntɛŋ Mwan we nkul mojwɨ̀ʼa ndɨ ó, nye tiʼa bʉr mɨlɔb ɨ, ebe, nyɛɛ ó ndɨ Mwan mo Mʉr.

Mɨlʉmlʉ 17:31

No ó nye a cyel dobo nye ótiʼe bʉr o si nwaʼ bɨbɛh mɨlɔb myɔɔ é l'ocɨcyel ɨ. Nyi bɛa pɛh nteme mʉr ótiʼe mɨlɔb myɔɔ é dobo laa ɛ. Nyi pɛ̀h mʉr waa é foo. Pɛ̀ha foo waa, wé ó dweʼle, sa lé elɛʼle bʉr bɨbɛh ó, mʉr a pɛ̀hɔ é foo e, nye ó ngo tiʼe mɨlɔb myɔɔ.»

2 Korɛnt 5:10

Ebe, bɨna bé ó yɨma ó, bɨna pyala ga é mih mo Krɨst é dia tiʼà mɨlɔb ye. Mʉr nyiwɛh óbi myɛna nkʉ ntɨʼa ó, du mpʉ bɨsyɛɛla bye, byé a be nye é jɔʼ nye a be, nye dina é tiʼ si nwaʼ ɛ: nkʉ byé a be ó é mbɨa, nkʉ ó, byé a be ó é bebe.

Mataos 28:18

Yesʉs ntɔʼ dihle nko bé a be e. Nye e be ó: «Mɨ bi nkul mojwɨ̀ʼa mo kʉ ndwe e maa mo si nwaʼ nyiwɛh.

Mɨlʉmlʉ 10:42

Nye a lomo bɨh ó, bɨh toʼ le elɛɛ oYʉden Mbɨambɨa Lɔɔ, le eboʼlo ó, Yesʉs ó ndɨ mʉr nye a cyel é dia tiʼà mɨlɔb, waa ótiʼe mɨkubla le odwè mɨlɔb ɨ.

Yʉanes 9:39

Yesʉs, nye ó: «Me a ze kaʼ é si nwaʼ ó, lé eze dwe bʉr o ndɨ egumo e si waa ɛ, mobe. Me a ze sa ó, ontim, bé beŋɨ; baa lé ebee e, bɛɛ lihba ontim.»

2 Timotɛ 4:1

Me entɛŋ go mɨnkɛla é mih mo Zyɛm bé e Yesʉs-Krɨst waa óze tiʼe mɨkubla le odwè mɨlɔb ó, go lɛŋɨ Mbɨambɨa Lɔɔ. Nye óbula ze, ntɔʼ cyel jwɨ̀ʼa ye. Leme, wé diʼe go é ntɨɨɨŋ ó, go lɛɛ ó njɨ lɔɔ waa é bɨjɔʼ lé ejala ɛ, ndwe e byaa ndɨ ajala e we e. Láŋa bʉr bɨbaa é lɔb mobebe mɔɔ. Bâma e bʉr. Gbaʼ be nkul é monyʉl. Saʼ no e bihbe, ndwe e sikʉlʉ mpa.

Rôm 2:16

Sa me lé elwib lɔb we wâʼ ɛ, yé ónyin é pono é dobo le etiʼ e mɨlɔb. Mɨlɔb myé ótiʼ ó, é zi mo Yesʉs-Krɨst. Bɨsa ndɨ bʉr baa é mɨmo si ɨ, nye óka lɛʼle bibyɛh é kpɛŋlɛm. Mbɨambɨa Lɔɔ me lé elɛɛ ɛ, wé ó no.

Yʉanes 17:2

ebe, go a si dwe nye nkul ejwɨʼ bʉr bɨbɛh. Nye e nkul edwe bʉr o go a ntɨh nye e, tiʼ molu mo mpoʼ mɨmɛh.

1 Pyɛr 4:5

Bé ófuʼla kar mɨlɔb myɔɔ é l'empom e dia tiʼà mɨlɔb mo Zyɛm. Jɔʼ nye óze tiʼe mɨkubla le odwè mɨlɔb ɨ, yé mu ó kunokuno le epyal.

Mataos 16:27

Ebe, Mwan mo Mʉr muno ze pyal é moncɛnba mo Sɔŋ we bé e beengles be. É jɔʼ yaa ó nye ódwe mʉr nyiwɛh myɛna, du mpʉ bɨsyɛɛla bye, byé a be e.

Yʉanes 3:35

«Zyɛm Sɔŋ, nye ekpɛl Mwan we. Nyi bɛa gba sa yiyɛh é jwɨ̀ʼa ye.

Mataos 11:27

«Sɔŋ wam a si dwe me bɨsa bibyɛh. Abe e mʉr lé egʉa Mwan mo Zyɛm, pɛʼ njɨ Zyɛm Sɔŋ nye ome. Abe e mʉr ndɨ egʉa Zyɛm Sɔŋ, pɛʼ njɨ Mwan mo Zyɛm ndwe e baa Mwan lé ekpɛl lɛʼle e.