Yʉanes 5:20 - Kálara Zyɛ̌m Edwán é mpʉ̌n

²⁰ ebe, Zyɛm Sɔŋ, nye ekpɛl Mwan mo Zyɛm. Nye elɛʼle nye sa nye mʉr tɨʼ lé esa ɛ. Nye ólɛʼle nye bɨsyɛɛla nye óka to le esa-sa ɛ. Byé ólaa byaa bi, bɨn nkʉʼ bul jehe,

Kálar Nzyɛ̌m : Ejwán é Sáá

²⁰ Ebě, Sɔ́ŋ, nye lɨ́ ekpɛl Mwân wé. Nye lɨ́ elɛ̂ʼle nyé sá nyé mʉr tɨ̂ʼ dí esâ yɨ́. Nye ólɛ̂ʼle nyé bisyɛ́ɛla nyé ókǎ tô le esɨ̂sa bí. Byé ólaa byaá bî, bɨ̌n nkʉ̂ buú kâm.

Yʉanes 5:20 ပူးပေါင်းရင်းမြစ်များ

Yʉanes 3:35

«Zyɛm Sɔŋ, nye ekpɛl Mwan we. Nyi bɛa gba sa yiyɛh é jwɨ̀ʼa ye.

Mataos 3:17

Pie tɨ, nye ntɔʼ joʼo twii lé eduho é jobo kʉ, lé elɛɛ ó: «Nwaʼ, nye ó mwan kpɛl wam. Sʉhʉ yam yiyɛh, yé ó é nye.»

2 Pyɛr 1:17

Zyɛm Sɔŋ a si dwe nye duu. É jɔʼ Zyɛm Sɔŋ a ntɨh twii, duho é dia kum nɨnɨ ye e, nye a lɛɛ ó: «Nwaʼ, nye ó mwan kpɛl wam. Me ekʉ mɨɨla e nye.»

Yʉanes 17:26

Me a si lɛʼle be mpʉ go ndɨ ɨ. Me nteme óbâʼle lɛʼle be. Ebe no, kpɛl go lé ekpɛl me e, yé óntaa é be, ebe, me mʉr tɨ, me óbe ó é be.»

Yʉanes 15:15

Me a taare jebe bɨn ó, osyɛl o mosa bam. No ó, me aŋa ka sa no, ebe, syɛl mosa, nye agʉa sa masa we lé esa ɛ. Me mu ó lé ejebe bɨn ó, ofo bam, ebe, mɨ gwih bɨn sa yiyɛh me a joʼo boo Sɔŋ wam ɨ.

Yʉanes 14:12

«Me elɛɛ bɨn cyecye ó nɛɛ: mʉr lé ejyɛʼ taa buʼo ye boo me e, nye ósa nteme bɨsyɛɛla me lé esa ɛ. Nye nteme ósa byaa ndɨ é laŋle bwaʼ ɛ, ebe, me ebula, to gumo Sɔŋ wam ndɨ ɨ.

Yʉanes 10:32

Yesʉs, nye e be ó: «Me a si lɛʼle bɨn buobuo mɨmpaŋ bɨsyɛɛla Sɔŋ wam a lɛɛ ó, me saʼ ɛ. Lɛŋɨ ga me: bɨn lumo me mokoʼ ebe yaa yáa?»

Yʉanes 5:29

bé ntɔʼ pàh é mofoo e. Baa b'a sa embɨa ɛ, bé ópàh, ntɔʼ bi tiʼ molu mo mpoʼ mɨmɛh. Bʉr o b'a sa ebebe e, bɛɛ, bé ópàh nteme, ntɔʼ tiʼɔ mɨlɔb le edweŋɔ mobe.

Yʉanes 5:25

Me elɛɛ bɨn cyecye ó nɛɛ: ewala, lé eze—lé mu ó si pyal—jɔʼ odwè, bé ójoʼo twii Mwan mo Zyɛm ɨ. Baa bé ójoʼo nye e, bé óbi tiʼ molu mo mpoʼ mɨmɛh,

Yʉanes 5:21

ebe, jwɨʼ gwar mpʉ Sɔŋ lé epɛ̀h bʉr é mofoo, dwe be tiʼ ɨ, no nteme ó Mwan mo Zyɛm ótiʼ baa nye lé ekpɛl ɨ.

Yʉanes 1:18

Abe e mʉr ngwar ndɨ si pa bee Zyɛm Sɔŋ. Etiʼe e Mwan e kpɛl le, lé ome, waa ndɨ nteme Zyɛm ɨ, ó b'a lɛʼle bɨna ga Zyɛm.

Lʉkas 10:22

«Sɔŋ wam a si dwe me bɨsa bibyɛh. Abe e mʉr lé egʉa Mwan mo Zyɛm, pɛʼ njɨ Zyɛm Sɔŋ nye ome. Abe e mʉr ndɨ egʉa Zyɛm Sɔŋ, pɛʼ njɨ Mwan mo Zyɛm ndwe e baa Mwan lé ekpɛl lɛʼle e.»

Mataos 17:5

Mpʉ nye a be, nye dina lé elwib ɨ, dwine é nge-ngɨ-nge ze buuro be. Ompʉn, bé ka joʼo ó, nuu twii lé eduho é mɨnkur tʉŋlʉ, lé elɛɛ ó: «Nwaʼ, nye ó mwan kpɛl wam. Me ekʉ mɨɨla e nye. Joʼa ga nye.»

Mataos 11:27

«Sɔŋ wam a si dwe me bɨsa bibyɛh. Abe e mʉr lé egʉa Mwan mo Zyɛm, pɛʼ njɨ Zyɛm Sɔŋ nye ome. Abe e mʉr ndɨ egʉa Zyɛm Sɔŋ, pɛʼ njɨ Mwan mo Zyɛm ndwe e baa Mwan lé ekpɛl lɛʼle e.

Mataos 4:8

Njwɨɨ moleme ntɔʼ bâʼle ze nʉa nye, to e nye é nʉa ecwɨʼ lé a be é bul jaa kʉ ɨ. Nye ze lɛʼle nye mɨlal mɨ si nwaʼ mimyɛh, le okum e l'ogbaa o mɨlal myaa.