Yʉanes 4:41 - Kálara Zyɛ̌m Edwán é mpʉ̌n

⁴¹ Buobuo bʉr ntɔʼ jyɛʼ taa buʼo yɔɔ boo nye ebe lɔɔ Yesʉs a lɛɛ be e.

Kálar Nzyɛ̌m : Ejwán é Sáá

⁴¹ Bʉ́ʉ́ bʉ̂r ɨ́ buo buo ntɔ̂ʼ dyɛ̂ʼwo e né ɨ́ lɔ̌b sá nyé mʉr tɨ̂ʼ á lɨlɛ́ɛ bé yɨ́.

Yʉanes 4:41 ပူးပေါင်းရင်းမြစ်များ

Mɨlʉmlʉ 1:8

Bɨn bé óbi nkul é jɔʼ Mbɨambɨa Sisim wé ófulo bɨn é monyʉl ɨ. No ó, bɨn bé óbe ó oboʼla o lɔb wam, taare ɨ Yerʉsalɛm, le mokwar mo Yʉda mɨmɛh, ndwe e maa mo Samari, to pyal é modumo mo si mɨpaʼ mimyɛh.»

Mɨlʉmlʉ 8:12

Lɛa Filip a lɛɛ be Mbɨambɨa Lɔɔ lé e tiibe e jwɨ̀ʼa mo Zyɛm ndwe e die mo Yesʉs-Krɨst ɨ, bé ntɔʼ buʼla, ze nʉa ndubo, bʉba le bʉrʉm.

Mɨlʉmlʉ 8:25

Jɔʼ mɨlʉmlʉ mɨmba myaa, myé a sil tuno mɨlɔb mo Da le eboʼlo sa bé a gʉa é lɔb waa ɛ, myé ntɔʼ bâʼle to Yerʉsalɛm. Zi e zi, bé a be ó lé eto le etuno Mbɨambɨa Lɔɔ é buobuo mokwar mo Samari.

Yʉanes 6:63

Mbɨambɨa Sisim ó ndɨ edwe bʉr tiʼ molu mo mpoʼ mɨmɛh. Mʉr ákwoʼ dira nyɔm e bɨsyɛɛla bɨ nyʉl bɨpuno. Bɨlwib me lé elwib e bɨn bi, byé eduho ó boo Mbɨambɨa Sisim. Byé nteme, byé ó lé edwe bɨn tiʼ molu mo mpoʼ mɨmɛh.

Ebrœ̂ 4:13

Abe e guu mbi cyea sɔʼɔ ndɨ fela é mih mo Zyɛm. Sa yiyɛh nye a cye e, yé é pono é mih me. Bibyɛh, byé ókar mɨnkar myɔɔ ó, é mih me.

Mɨlʉmlʉ 15:3

Bʉr o mbɛr Zyɛm waa ze lomo be é cyen yaa. No ó bé a laa Fenis ndwe e Samari, lé eto le elɛɛ mpʉ bʉr o ndɨ abe oYʉden ɨ, bé a dwir mɨleme, jyɛʼɔ taa buʼo yɔɔ boo Zyɛm ɨ. Obɨɔ bɨna bɨbɛh ntɔʼ soho é buobuo lé ejoʼo lɔɔ waa.

Yʉanes 7:46

Bɨpulʉm, byé e be ó: «Abe e mʉr ngwar ndɨ si pa lwib mpʉ mʉr nɨ!»

Lʉkas 4:32

Bé a be ó si jehe mbi sikʉlʉ nye a dwe be e, ebe, yé a be ó e nkul mojwɨ̀ʼa Zyɛm a dwe nye e.

Yʉanes 4:40

É jɔʼ bé a ze nko Yesʉs a be e, bé ze jwɨʼla e nye ó, bé e boo nɔɔ diʼe Sukar. Yesʉs ze ja tɨʼ molu moba.

Yʉanes 4:42

Bé e mʉma nɨ ó: «Banana, bɨh bé aka buʼla njɨ ebe lɔɔ go. Bɨh bʉr o tɨʼ, bɨ joʼo lwib ye, le ekʉ gʉa ó, é si nwaʼ nyiwɛh, nye ó ndɨ Tiʼbʉr é l'efu e si nwaʼ nyiwɛh.»