Yʉanes 4:31 - Kálara Zyɛ̌m Edwán é mpʉ̌n

³¹ É jɔʼ mʉma a be, nye dina gʉʼ ɨ, ompʉn mo Yesʉs, bé a be ó lé elɛɛ e nye ó: «Yeʼle, paʼ de.»

Kálar Nzyɛ̌m : Ejwán é Sáá

³¹ Jɔʼ yaá, ompʉ́n bé, bé á be lɨ́ ejɨʼla e Yésʉs ó, nye páa dě pêh dœʼ.

Yʉanes 4:31 ပူးပေါင်းရင်းမြစ်များ

Yʉanes 1:38

Yesʉs ze dwibra. ǃNye ka dwɛʼ pihe nɛʼɛ, bee be lé edu nye. Nye ze dî e be ó: «Bɨn bé esaa yé?» Bé e nye ó: «Gumo go lé edi ɨ, Rabbi!» (No yé edwirɔ ó: «Yeʼle».)

Mataos 23:7

Bé ekpɛl nteme ó, bʉr taara soho be, le edwiibɨ be é mobɨm bɨnkana, lé ejebe-jebe be ó, “Yeʼle”.

Mataos 23:8

Mʉr ngwar é l'esama lɨn l'anyamle bir ba ó, bé jeba nye “Yeʼle”, ebe, yeʼle win, nye ó ngwar! Bɨn bɨbɛh, bé ó obɨɔ e l'obɨɔ.

Mataos 26:25

Yʉdas a be ó, nye ókɛha nye. No ó nye a ze lɛɛ e nye ó: «Yeʼle, yé abe me, yé abe no?» Nye ntɔʼ bɨha e nye ó: «Kʉ be mpʉ go lɛɛ nɨ!»

Mataos 26:49

Jɨh tɨʼ Yʉdas a kʉ pyal, dihle nteme kunokuno e Yesʉs, nye ntɔʼ lɛɛ ó: «Moswɨhlɨ, yeʼle!» Nye ntɔʼ du nye emuʼ é mpyɔʼ.

Markus 9:5

No ó Pyɛr a ze lɛɛ e Yesʉs ó: «Yeʼle, yé é laŋle mbɨa ó, bɨna diʼe ga wâ. Bɨna saʼ ga mompaʼ, bɨsaʼ bɨlɛl: le yo, le yaa mo Moyiz ndwe e yaa mo Élie!»

Markus 11:21

Pyɛr ze toŋlo sa Yesʉs a lɛɛ ɛ. Nye e Yesʉs ó: «Yeʼle, paʼ bee: lɨ figye go a káale kʉʼ ɨ, yi bana dwɛhla!»

Markus 14:45

Jɨh tɨʼ Yʉdas a kʉ pyal, dihle kunokuno e Yesʉs, nye ntɔʼ lɛɛ ó: «Yeʼle!» Nye ntɔʼ du nye emuʼ é mpyɔʼ.

Yʉanes 1:49

Natanaɛl, nye e nye ó: «Yeʼle, go ó bana kʉ be Mwan mo Zyɛm cyecye! Go ó ndɨ njwɨɨbʉr lal Ɨzraɛl!»

Yʉanes 3:2

Nye a si ze pyal boo Yesʉs é pum. Nye e nye ó: «Yeʼle, bɨh bé egʉa ó, go ó yeʼle Zyɛm a ntɨh, lé eze yeʼle bɨh ɨ, ebe, nkʉ Zyɛm, nye abe e mʉr, mʉr waa, nye abe e nkul esa bɨdweʼle bɨ nkul mbi go lé esa ɛ.»

Yʉanes 3:26

Bé ze to nko Yʉanes a be e, ze dîŋɔ e nye ó: «Yeʼle, zê go lé eka toŋlo mʉr go a seʼle-seʼle é sama bʉr yé a be bɨna ga dibe Yʉrdɛŋ nkɔm-nkɛɛ ɛ? Banana, nyɛɛ nteme mu ó lé edù bʉr! Bʉr nteme mu kʉ ka to ó njɨ boo nye!»

Yʉanes 4:30

Bʉr ze tɨbla, lé eduho nkana, toŋɔ nko nye a be e.

Yʉanes 4:32

Yesʉs, nye e be ó: «Me e sa ede bɨn ndɨ agʉa ɛ.»

Yʉanes 6:25

ze kœbɔ Yesʉs é l'ebʉm e maŋ laa. Bé e nye ó: «Yeʼle, go ka ze kaʼ é yáa jɔʼ?»

Yʉanes 9:2

Ompʉn be ze dî e nye ó: «Yeʼle! Ebe yé mʉr nwaʼ a byɛl ntim ɨ? Zê yé a be ó ebe syem nye mʉr tɨʼ a sa ɛ? Zê yé a be ó ebe syem waa obyɛl be, bé a sa ɛ?»

Yʉanes 11:8

Ompʉn be, bé e nye ó: «Yeʼle, yé ó, apa bɛa, oYʉden, bé a be ó lé ejwɨʼla saa elumo go mokoʼ. Zê go lé egwɨm bâʼle to gʉʼ ɛ?»