Yʉanes 4:23 - Kálara Zyɛ̌m Edwán é mpʉ̌n

²³ Sa gwar, ewala, lé eze—lé mu ó si pyal—jɔʼ mɨmpaŋ mɨ ompʉn, bé ódwiibɨ Zyɛm Sɔŋ é mɨsisim myɔɔ é l'ocyecye e, ebe, nye esaa ó, bʉr o dwiibɨ nye é mbi waa ɛ.

Kálar Nzyɛ̌m : Ejwán é Sáá

²³ Sâ gwár, jɔʼ mû ó lɨ́ enze. Yé ntémé mû ó sí pyâl. Ɨ́ jɔʼ yaá ó óbûʼla ompâ, bé ógúmlǒ Nzyɛ̌m Sɔ́ŋ le sísǐm le otyeetye yɨ́, ebě, Nzyɛ̌m Sɔ́ŋ, nye lɨ́ esáa bʉ̂r o ngá dwe nyé kûm ɨ́ mbi waá bá.

Yʉanes 4:23 ပူးပေါင်းရင်းမြစ်များ

Filipi 3:3

Bɨna ga bɛɛ ó ndɨ e mpaŋ sɛa mpʉn. Bɨna ga ó lé edwiibɨ Zyɛm é zi Sisim we. Bɨna bé edoʼo ga ó, njɨ e lɔb mo Yesʉs-Krɨst. Bɨna bé ajyɛʼ ga taa buʼo yina é bɨpuno ga bina.

Yʉanes 5:25

Me elɛɛ bɨn cyecye ó nɛɛ: ewala, lé eze—lé mu ó si pyal—jɔʼ odwè, bé ójoʼo twii Mwan mo Zyɛm ɨ. Baa bé ójoʼo nye e, bé óbi tiʼ molu mo mpoʼ mɨmɛh,

Galásia 4:6

Ebe, bɨn mu ó bwan Zyɛm a ntɨh Sisim mo Mwan we e. Wi ze ni é mɨleme ga mina. Wé ó lé etine-tine bɨna ga ó, bɨna jeba ga Zyɛm, «Abba! Da!»

Rôm 8:26

Mbɨambɨa Sisim, nye nteme, nye eze bɨna ga e mɨngula é lɔb ecyɛʼ e nyʉl ga lɨna, ebe, bɨna ga bé agʉa mpʉ bɨna lé ejala le esa ga Zyɛm mɨnjwɨʼla ɛ. No ó, Mbɨambɨa Sisim nye mʉr tɨ, nye esa Zyɛm Sɔŋ mɨnjwɨʼla é modila ga mɨna. Nye esa mɨnjwɨʼla ó, e leme we wiwɛh, mpʉ sa lɛɛ ó, nye etime. Abe e l'ekan egwar ndɨ e nkul epɛʼle sa nye lé elɛɛ ɛ.

Yʉanes 12:23

Yesʉs, nye e be ó: «Banana, jɔʼ Mwan mo Mʉr lé ekʉ jala le ebi kum we e, yé mu ó si pyal!

Éfɛsɔs 6:18

Jwɨʼla ga é jɔʼ yiyɛh mpʉ Mbɨambɨa Sisim lé etɨe bɨn ɨ, lé eto le edî le ejaʼ é mozi mɨmɛh. Tɨʼ nteme, diʼe ga nkehe é jɔʼ yiyɛh. Gbaʼ ga monyʉl lé esa mɨnjwɨʼla é l'efu e mɨsaŋ mɨ bʉr mo Zyɛm mimyɛh.

Yʉanes 4:21

Yesʉs, nye e nye ó: «Buʼla me: ewala lé ópyal é jɔʼ bɨn bé óbe, aka to Yerʉsalɛm, nkʉ é l'ecwɨʼ lɨ, ó bɨn dwiibɨ Zyɛm.

Yʉanes 1:17

Zyɛm a si tiile bɨna ga motie, cwɨɨ é Moyiz. No ó, ncwɨncwɨa we e l'ocyecye byɛɛ, byé a ze é bɨna ga ó, dumo e Yesʉs-Krɨst.

Rôm 8:15

Sisim Zyɛm a ntɨh bɨn ɨ, wé abe lé edil bɨn é dia olʉa é l'efu ó, bɨn bâʼla joʼo bʉa. Wé etœʼ bɨn si, ze cyel bɨn é dia bwan o mobœʼa mo Zyɛm. Wé ó ndɨ esa ó, bɨna jeba ga Zyɛm kʉ kʉ ó: «Abba! Da!»

1 Pyɛr 2:9

Sa gwar, bɨn bé ó bʉr nye a bɛa pɛh ó, bɨn diʼe nye opara le kul bʉr ndɨ ti ɨ. Bɨn bé ó kul bʉr ndɨ yaa ye e, é l'efu ó, bɨn gumla mbɨambɨa njwɨr mo Mʉr a jebe bɨn ɨ. Njɨblɨ we waa, wé ó b'a dwih bɨn é l'edurʉ, cen bɨn é myɛn ndɨ é nge-ngɨ-nge e.

Yʉanes 16:32

Dwɛʼa ga: ewala, lé eze—lé mu ó si pyal—jɔʼ bɨn bé ómyɛma, mʉr nyiwɛh lé eto fol nyʉl é mbɛr we e. Bɨn bé óliʼe me me ome. Me ákwoʼ be yɛɛ me ome, ebe, bɨh e Sɔŋ wam ó ndɨ.

Rôm 1:9

É jɔʼ yiyɛh, me ejwɨʼla e nye é l'efu lɨn. Zyɛm nye mʉr tɨ, nye egʉa ó, me elɛɛ ó ocyecye. Nye waa ó me lé esea syɛɛ ye e leme wam wiwɛh ɛ. Me esea ye ó, é zi elɛɛ Mbɨambɨa Lɔɔ lé etiibe e Mwan we e.

Yʉanes 5:28

«Mʉr atwɨra ga. Ewala, lé eze: jɔʼ odwè bɨbɛh ndɨ é mofoo ɨ, bé ójoʼo twii mo Mwan mo Mʉr,

Yʉanes 16:2

Bɨn bé ócyelɔ é pɨŋ, aka mɛʼlɔ é mompah mɨnjwɨʼla. Ewala, lé ópyal nteme, jɔʼ bʉr, bé ójʉ bɨn ɨ, bé ókʉ toŋlo ó, bé esa Zyɛm mɨmpaŋ bɨsyɛɛla é zi ejwɨɨ e bʉr laa.