Yʉanes 4:10 - Kálara Zyɛ̌m Edwán é mpʉ̌n

¹⁰ Yesʉs ntɔʼ lɛɛ e nye ó: «Nkʉ go be ó be, gʉa etʉm Zyɛm lé entɨh-ntɨh bʉr ɨ, ndwe e mʉr lé ejaʼ go modibe nɛʼɛ, mpa go ô jaʼ nye modibe lé esah ɛ. Nye si ngbaa dwe nteme go ma.»

Kálar Nzyɛ̌m : Ejwán é Sáá

¹⁰ Yésʉs ntɔ̂ʼ lɛ́ɛ e né ó: «Yé bé go bé ɨ́ gʉ́a étʉ́m mé Nzyɛ̌m ti e mʉr gwám gó medíbé nyá nó, lɛ́ɛ́, go ô gwám nyé medíbé mé twiʼ, nye ntɔ̂ʼ gwá dwe gó mǎ.»

Yʉanes 4:10 ပူးပေါင်းရင်းမြစ်များ

Yʉanes 4:14

Sa gwar, mʉr nyiwɛh óde modibe me ódwe nye e, nye aŋa ka joʼo dweh modibe, ebe, modibe me ódwe nye e, mé ólihba eno é leme we tʉŋlʉ, gumo tiʼ molu mo mpoʼ mɨmɛh, yé ódɨ sah ɛ.»

Mɨngwiha 7:17

ebe, Ma Ntœme ndɨ teme dia taʼa ɛ, nye ó ndɨ ekoblo daa e bɨntœme le, lé eto e bye é l'eno, gumo modibe mo tiʼ lé esah ɛ. Zyɛm ótin be myɛɛle mɨmɛh é mih.»

Mɨngwiha 21:6

Nye e me ó: «Yi sie! Me ó mʉr efoʼ ndwe e waa epihe. Me nteme, me ó etɛɛrɨ e sa yiyɛh ndwe e l'efuʼla e tɨ. Mʉr lé ejoʼo dweh modibe e, mɛm ódwe nye ma edwɛna. Modibe maa, mé ó maa lé egʉ, duho é l'eno e tiʼ ɨ.

Yʉanes 3:16

«Zyɛm a be ó si bul laŋle kpɛl bʉr o si nwa. Ebe no ó nye a ntɨh Etiʼe e Mwan le ó, waa nyiwɛh ójyɛʼ taa buʼo boo nye e, aka dim. Nye biʼe tiʼ molu mo mpoʼ mɨmɛh.

Mɨngwiha 22:17

No ó Mbɨambɨa Sisim bé e mʉma mo Ma Ntœme, bé elɛɛ ó: «Ntaʼ.» Ndwe nteme, mʉr lé ejoʼo e, nye lɛŋɨ nteme ó: «Ntaʼ.» Mʉr lé ejoʼo dweh modibe e, nye ntaʼ. Waa nyiwɛh lé ekpɛl ɨ, nye ntaʼ, ze daale modibe mo tiʼ, abwam.

Rôm 8:32

Zyɛm nyɛɛ a baakamle e Mwan we. Nye a dwe tiʼ Mwan we ó, é ziila e bɨna ga bɨbɛh. Zyɛm pa taare dwe bɨna ga Mwan we, a dwɛʼra e bɨsa bɨfih bibyɛh! Nye óbana dwe bɨna ga bya nteme, mpʉ nye a taare dwe bɨna ga Mwan we e.

1 Korɛnt 10:4

bɨbɛh nyʉlɔ modibe mompwar Mbɨambɨa Sisim a dwe be e. Bé a nyʉl-nyʉl modibe ó, maa mé a gʉ-gʉ é l'ekoʼ Zyɛm a ntɨh be e. Ekoʼ laa, lé a be ó lé edu be zi e zi. No ó, ekoʼ laa, lé a be ó Krɨst.

Yʉanes 6:35

Yesʉs, nye e be ó: «Me ó ndɨ mode lé etiʼ bʉr ɨ. Mʉr nyiwɛh lé eze boo me e, nye abe e nkul eka joʼo za. Mʉr nyiwɛh lé ejyɛʼ taa buʼo ye boo me e, nye abe e nkul eka joʼo dweh modibe.

Yʉanes 17:3

Tiʼ molu mo mpoʼ mɨmɛh, yé ó, bé gʉŋa go, ó go ó ndɨ mpaŋ Zyɛm ndɨ ngwar e ngwar ɨ. Bé gʉŋa nteme Yesʉs, mɛm, mʉr go a lœm mulo, waa go a ntɨh kaʼ ɛ.

Yʉanes 6:51

Me ó ndɨ kublakubla mode, maa mé a duho é jobo kʉ, ze kaʼ é si nwaʼ ɛ. ǃƗ mʉr si de mode maa nɛʼɛ, gʉŋa ó, nyi bi tiʼ molu mo mpoʼ mɨmɛh. Mode me ódwe nye e, mé ó bɨpuno byam! Me edwe bʉr bɨbɛh bya ó, é l'efu ó, bé biʼe tiʼ molu mo mpoʼ mɨmɛh.»

2 Korɛnt 9:15

Bɨna dweʼ ga Zyɛm ekiba é lɔb etʉm nye a ntɨh bɨna ga ɛ. Mombɨa ndɨ tɨʼ ɨ, mé abe e tolɔɔ.

Lʉkas 11:13

Bɨn pa taare be bɨbɨbla bɨ bʉr mpʉ bɨn ndɨ nɨ, bɨn yɛɛ bé edwe bwan bɨn mɨmpaŋ bɨsɔʼɔ, a dwɛʼra e Sɔŋ win ndɨ é jobo kʉ ɨ! Nye óntɨh Mbɨambɨa Sisim, duho é jobo kʉ, dwe bʉr o ndɨ ejaʼ ɛ, laa naa.»

Éfɛsɔs 2:8

Ebe, bɨn bé a bi tiʼ molu mo mpoʼ mɨmɛh ó, é zi ncwɨncwɨa mo Zyɛm, é zi buʼo. Tiʼ yaa, yé aduho é bɨn bʉr o tɨ. Yé ó etʉm Zyɛm a ntɨh bɨn ɨ.

1 Korɛnt 1:30

Bɨn bé ó é zyɛŋa win boo Yesʉs-Krɨst ó, dumo e Zyɛm. Nye ó b'a sa nteme ó, bɨn biʼe ocyoo mo Yesʉs. Bɨn mu ó ocɨcyel o bʉr é mih me, dumo e Krɨst. Krɨst nteme ó b'a pubo bɨna ga. Nye ó b'a dwih bɨna ga é mpila ebebe é pololo.

1 Yʉanes 5:20

Bɨna bé egʉa ga nteme ó, Mwan mo Zyɛm a si ze, ze gba bɨna ga pɨʼ é mɨleme, ó bɨna gʉŋa ga Zyɛm ndɨ cyecye e. Bɨna bé edi ga é zyɛŋa ga wina boo mʉr ndɨ cyecye e, ebe, bɨna bé edi ga é zyɛŋa ga wina boo Mwan we, Yesʉs-Krɨst. Nye ó ndɨ Zyɛm cyecye ndwe e l'Etin e Tiʼ.

Yʉanes 16:3

Bé ódɨ sa no ó, ebe, bé a baagʉa, dam be Sɔŋ wam, dam be me.

Mɨlʉmlʉ 9:11

Da Yesʉs ntɔʼ lɛɛ e nye ó: «Mʉŋa. Kpahba to é mpaʼa ndɨ e die ó, Cɨcyel ɨ, é mbɛr mo Yʉdas. Go à dî mʉr Tarsʉs ndɨ tɨʼ ɨ, die le Sol. Nye mu ó lé esa mɨnjwɨʼla.

Ebrœ̂ 6:4

Bʉr o b'a taare kʉnɔ mɨmbah, bé a be ó lé etaare bi-bi mɨndwɛa lé eduho é jobo kʉ ɨ. É til molu yaa, Mbɨambɨa Sisim, bé e boo nɔɔ ó b'a be-be. Bé a be nteme ó, lé ejoʼo-joʼo lɔɔ Zyɛm ndɨ é bul mbɨa ɛ, joʼo monwam mo tɨ. Bɛɛ, bé a si taare dweŋɔ mbi nkul óka kabɔ pie e l'esie e mbi jɔʼ yiʼ ɨ. É jɔʼ mbi bʉr baa ka lɨŋa é buʼo e, bé abe e nkul ebâʼle gbɛlɔ, ó bé óbula gwɨma mobebe mɔɔ, le edwir mɨleme myɔɔ, ebe, bé bʉr o tɨ, bɨ kʉ gbaa ó, bé ócyèl Mwan mo Zyɛm é klos é jɔʼ mba, le esa ó, nye bul lwɨɔ é nkɛŋlɛm.