Yʉanes 3:8 - Kálara Zyɛ̌m Edwán é mpʉ̌n

⁸ Pubo, wé elaa ó, gumo wé lé ekpɛl ɨ. Gwɔɔ kʉ ka joʼo ó njɨ duu pubo, agʉa yɛɛ nko wé lé eduho, ndwe e nko wé lé eto e. Yé ó jwɨʼ gwar e mʉr nyiwɛh lé ebyɛl é zi mo Mbɨambɨa Sisim ɨ.»

Kálar Nzyɛ̌m : Ejwán é Sáá

⁸ Pubó laa ó, gúmó yé kpɛ̂l yɨ́. Gua jaá jóʼo ó, njɨ duú yé, agʉ́a yɨ́ɛ nko yé dí eduho, ndu e nko yé dí etô yɨ́. Mʉr nyɨnyɛ̂h mû mbyɛ́á ɨ́ lɔ̌b nkûl Sísǐm mé Nzyɛ̌m dí e nye nyɨ́ʼ, nyě byɛ́l ó nó.»

Yʉanes 3:8 ပူးပေါင်းရင်းမြစ်များ

1 Korɛnt 2:11

É nko paʼ mamʉr, sa lé egʉa mɨpɛhla mɨ mʉr ɨ, yé ó njɨ sisim we ndɨ nye é nyʉl ɨ. No nteme, yé ó njɨ Mbɨambɨa Sisim nye ome ó ndɨ egʉa mɨpɛhla mo Zyɛm.

Mɨlʉmlʉ 2:2

Cye e cye yaa, bwaʼbwaʼ duu ze duho é jobo kʉ, nwɨɨla e duu nkuo lé ekuulo e nkul ɨ. Yé a si dibe mbɛr waa wiwɛh, gumo bɨbɛh, bé a be ondindil ɨ.

1 Yʉanes 2:29

Bɨna bé egʉa ga ó, Krɨst, nye ó cɨcyel mʉr. Bɨn bé ejala le egʉa nteme ó, mʉr nyiwɛh lé esa mɨmpaŋ bɨsyɛɛla ɛ, nye ó ndɨ mbyɛla mo Zyɛm.

Mɨlʉmlʉ 4:31

Jɨh tɨʼ bé a kʉ sil jwɨʼla e Zyɛm, gumo bé a syɛŋa ɛ, yé ntɔʼ ze ncyeŋa. Mbɨambɨa Sisim ze loŋlo bɨbɛh é mɨleme, bé ntɔʼ taare lé elɛɛ lɔɔ Zyɛm é kpɛŋlɛm, abaawe sɔʼɔ e mʉr.

1 Korɛnt 12:11

Yé ó e mʉr ngwar ó ndɨ esa bɨsyɛɛla byaa bibyɛh: Mbɨambɨa Sisim. Nye enol mʉr nyiwɛh bɨntɔɔ ó, mpʉ nye lé ekpɛl ɨ.

Yʉanes 1:13

Bé a baabyɛl bwan mo Zyɛm é zi bɨpuno, nkʉ é gwɨma bɨpuno byɔɔ, nkʉ ebe gwɨma mo mʉrʉm. Bé a byɛl ó byɛlɨ no, ebe gwɨma mo Zyɛm.

Yʉanes 3:7

Atwɨra nkʉ me elɛɛ go ó: “Yé ekʉ jala ó, bɨn bâʼla byɛl.”

Yʉanes 3:9

Nikodɛm, nye e nye ó: «Wáa mbi bɨsa byaa ndɨ e nkul esyɛɛlɨ ɨ?»