Yʉanes 3:34 - Kálara Zyɛ̌m Edwán é mpʉ̌n

³⁴ Mʉr Zyɛm a lomo e, nye lé entɛŋ ó, mokan mo Zyɛm, ebe, Zyɛm ó lé elomlo nye Mbɨambɨa Sisim, ntinɨ e ntinɨ.

Kálar Nzyɛ̌m : Ejwán é Sáá

³⁴ Mʉ̌r Nzyɛ̌m á lómo nyá, lɛ́ɛ́ ó mekǎn mé Nzyɛ̌m, ebě, Nzyɛ̌m, nye lɨ́ edwe nyé Sísǐm wé, ntinɨ̂ e ntinɨ̂.

Yʉanes 3:34 ပူးပေါင်းရင်းမြစ်များ

Mɨlʉmlʉ 10:38

Bɨn bé egʉa nteme mpʉ Zyɛm a lœm Yesʉs, mʉr Nazarɛt, Sisim we, le edwe nye nkul nɨnɨ ɨ. Bɨn bé egʉa nteme, mpʉ Yesʉs a kœʼ mɨlal e mɨlal, lé eto le esa embɨa, le etiʼ baa bé a sia e Njwɨɨ moleme e, ebe, bé e Zyɛm ó b'a be.

Yʉanes 15:26

«Mʉr ndɨ ekamle e bɨn ɨ, nye óze. Nye ó ndɨ Sisim Ocyecye, wé óduho boo Sɔŋ wam ɨ. Me ólomlo bɨn nya. Nye òduho boo Sɔŋ wam, ntɔʼ ze boʼlo lɔb wam.

Mataos 12:18

Zyɛm, nye elɛɛ ó: «Nwaʼ mʉr ó ndɨ syɛl mosa wam me a pɛh ɛ. Nye ó waa me lé ebul kpɛl, waa me lé emɨɨla e nye e. Me ólomlo nye sisim wam. Wé óbe ó ɨ nye. Nye óto le etuno ó, bʉr o ndɨ abe oYʉden ɨ, lɔb wɔɔ, wi tiʼ é l'ocɨcyel.

Kolosi 2:9

Kwɨmla mo Zyɛm Sɔŋ ndɨ anwɨɨla e waa mo yʉʉ sɔʼɔ ɛ, wé nteme, wé ó waa mo Krɨst, é nyʉl we tʉŋlʉ.

Yʉanes 5:26

ebe, jwɨʼ gwar e gwar é mbi Zyɛm Sɔŋ ndɨ e tiʼ njʉmdia é nye mʉr tɨʼ tʉŋlʉ ɨ, no nteme ó nye a sa ó, Mwan mo Zyɛm diʼe e tiʼ yaa ɛ.

Lʉkas 4:18

«Sisim mo Da, wé e me. Nye a lœm me mulo, ntɔʼ lomo me ó, me toʼ le elɛɛ Mbɨambɨa Lɔɔ we boo baanteʼenteʼe. Nye a lomo me ó, me toʼ le elɛɛ e mɨkomo ó, mi pɛʼɔ é l'okomo. Me lɛŋɨ nteme ontim ó, bé mu ó lé ebee. Me lɛŋɨ baa lé etíilɔ ɛ, ó bɨ pɛʼɔ é mpel.

Kolosi 1:19

Nye ecyɛb bye efoʼ ó, ebe, Zyɛm a ka bee embɨa é nko paʼ we ó, nye di ntinɨ e ntinɨ ó, é nye.

Rôm 8:2

Bɨna bé a be ga ó mɨmɛra é mpila mɨsyem. Mɨsyem myaa, myé ó b'a liŋ bɨna ga odwè é mih mo Zyɛm. Mbɨambɨa Sisim ze dwe bɨna ga tiʼ molu mo mpoʼ mɨmɛh é zyɛŋa ga wina boo Yesʉs-Krɨst.

Yʉanes 7:16

Yesʉs, nye e be ó: «Bɨsikʉlʉ me lé edwe bɨn bɨnɨ, byé abe njɨ bɨsikʉlʉ byam. Byé eduho ó e mʉr a ntɨh me e.

Yʉanes 3:17

Nye a baantɨh Mwan we kaʼ é si nwaʼ ó, nye ntaʼ, ze dwe bʉr o tɨʼ mobe. Nye a ntɨh nye ó, nye dweʼ bʉr bɨbɛh tiʼ molu mo mpoʼ mɨmɛh dumo e nye.

Yʉanes 1:16

Bɨh bɨbɛh, bé a be ó si bi embɨa le, ndwe e mpwaʼ ncwɨncwɨa we ndɨ elaa ncwɨncwɨa a taare lɛʼlɔ ɛ.

Éfɛsɔs 3:8

É sama mɨsaŋ mɨ bʉr mo Zyɛm bɨh e boo nɔɔ ndɨ ɨ, bʉʉ bɨbɛh, bé ejala le etaare nʉŋɔ, gbaŋɔ é nkɔb. Dam be no, Zyɛm a si lɛʼle me ncwɨncwɨa we, ó me lɛŋɨ Mbɨambɨa Lɔɔ mo Yesʉs-Krɨst boo bʉr o ndɨ abe oYʉden ɨ, ó bé gʉŋa okum e l'ogbaa Krɨst lé eze bɨna ga e wa ɛ, dam be ó, wé ákwoʼ gʉŋɔ wiwɛh.

Yʉanes 8:47

Mʉr ndɨ eduho boo Zyɛm ɨ, nye ó ndɨ ejoʼo lwib mo Zyɛm. To kœb ó, bɨn bɛɛ, bé aduho boo Zyɛm. Ebe no ó bɨn ndɨ ajoʼo me e.»

Mɨngwiha 22:1

No ó, engles waa ze lɛʼle me dibe. Modibe mo tiʼ, mé a be ó lé egʉ é sʉm dibe waa, modibe mo tɨʼ é ncyɛh-ncyɛh, mpʉ la. Dibe yaa, yé a gʉ sʉm ó, lé etaare é dia taʼa mo Zyɛm bé e Ma Ntœme,

Yʉanes 16:7

Me elɛɛ bɨn cyecye ó nɛɛ: embɨa, lé é nko paʼ win ó, me toʼ. ǃMe baato nɛʼɛ, mʉr ndɨ ekamle e bɨn ɨ, nye aŋa ze kœb bɨn. ǃMe si ka to nɛʼɛ, me ntɨh bɨn nya.

Mɨngwiha 21:6

Nye e me ó: «Yi sie! Me ó mʉr efoʼ ndwe e waa epihe. Me nteme, me ó etɛɛrɨ e sa yiyɛh ndwe e l'efuʼla e tɨ. Mʉr lé ejoʼo dweh modibe e, mɛm ódwe nye ma edwɛna. Modibe maa, mé ó maa lé egʉ, duho é l'eno e tiʼ ɨ.

Yʉanes 8:40

Sa gwar, é banana, dam be ó, mɨ ntɛŋ bɨn ocyecye Zyɛm a lɛɛ me e, bɨn bé egwɨm jʉ me. Abraham a baagwɨm sa yʉʉ sɔʼɔ no.

Mɨlʉmlʉ 1:2

to pyal é moho nye a bɨnɔ é jobo kʉ ɨ. Nye l'apa to é jobo kʉ, nye a si cyel mɨpɛha mɨlʉmlʉ mye mompene é zi mo Mbɨambɨa Sisim.