Yʉanes 3:32 - Kálara Zyɛ̌m Edwán é mpʉ̌n

³² Nye eboʼlo ó sa nye a bee le ejoʼo e. Sa gwar, bʉr l'amɛʼle joʼo mpaŋla we.

Kálar Nzyɛ̌m : Ejwán é Sáá

³² Nyě boʼló ó, sá nyé á bee le ejóʼo yɨ́. Sâ gwár, bʉr, bé akǎm lɔ́ɔ́ wé.

Yʉanes 3:32 ပူးပေါင်းရင်းမြစ်များ

Yʉanes 3:11

Me elɛɛ go cyecye ó nɛɛ: bɨh bé elwib é mɨlɔb bɨh lé egʉa ɛ. Bɨh bé eboʼlo nteme ó, é lɔb sa bɨh a bee e. Sa gwar, bɨn bé akpɛl mɛʼle lɔɔ wih.

Yʉanes 15:15

Me a taare jebe bɨn ó, osyɛl o mosa bam. No ó, me aŋa ka sa no, ebe, syɛl mosa, nye agʉa sa masa we lé esa ɛ. Me mu ó lé ejebe bɨn ó, ofo bam, ebe, mɨ gwih bɨn sa yiyɛh me a joʼo boo Sɔŋ wam ɨ.

Yʉanes 1:11

Nye a ze ó, é lal we. Sa gwar, jyɛɛ ye, anʉa nye.

Yʉanes 8:26

Me é buo bɨsa bɨ elɛɛ é lɔb win. Mɨlɔb min me lé ejala le edwe bɨn mobe tɨʼ ɨ, myé nteme, myé é buo. Mʉr a ntɨh me e, nye elɛɛ ó ocyecye. Sa me a joʼo nye lé elwib ɨ, yé ó me lé ebula lwib kaʼ é si nwaʼ ɛ.»

Yʉanes 5:20

ebe, Zyɛm Sɔŋ, nye ekpɛl Mwan mo Zyɛm. Nye elɛʼle nye sa nye mʉr tɨʼ lé esa ɛ. Nye ólɛʼle nye bɨsyɛɛla nye óka to le esa-sa ɛ. Byé ólaa byaa bi, bɨn nkʉʼ bul jehe,

Yʉanes 3:33

É jɔʼ mʉr lé emɛʼle joʼo nye e, nye elɛʼle tɨʼ ó, Zyɛm ó ndɨ cyecye.

Yʉanes 3:26

Bé ze to nko Yʉanes a be e, ze dîŋɔ e nye ó: «Yeʼle, zê go lé eka toŋlo mʉr go a seʼle-seʼle é sama bʉr yé a be bɨna ga dibe Yʉrdɛŋ nkɔm-nkɛɛ ɛ? Banana, nyɛɛ nteme mu ó lé edù bʉr! Bʉr nteme mu kʉ ka to ó njɨ boo nye!»

Mataos 7:8

ebe, mʉr nyiwɛh lé ejaʼ ɛ, nye óbi. Mʉr lé esaa ɛ, nye óbee. Ebe, lé ódibɔ é l'efu e mʉr lé ekwaʼle e.

Yʉanes 18:37

Pilat, nye e nye ó: «No ó, go ó bana kʉ be njwɨɨbʉr!» Yesʉs ze bɨha ó: «Go mʉr tɨ, gɨ lɛɛ ó, me ó njwɨɨbʉr. Me a byɛl, ze kaʼ é si nwaʼ ó, lé eze lɛɛ bʉr ocyecye. Mʉr nyiwɛh lé egumo e mʉr lé elɛɛ ocyecye e, nye ejoʼo sa me lé elɛɛ ɛ.»