Yʉanes 3:31 - Kálara Zyɛ̌m Edwán é mpʉ̌n

³¹ «Mʉr a duho é jobo kʉ ɨ, nye ó ndɨ elaa bʉr bɨbɛh. Mʉr si nwa, nye ekʉ joʼo ó njɨ mompaŋla mo si nwa. Nye elwib-lwib ó, njɨ mɨlɔb mɨ ka. Mʉr lé eduho é jobo kʉ ɨ, nyiha ó ndɨ elaa bʉr bɨbɛh.

Kálar Nzyɛ̌m : Ejwán é Sáá

³¹ «Mʉr dúhó kʉ́ nyá ó láá bʉ̂r bɨ́bɛ̂h. Mʉr dí mʉr sí yɨ̂ʼ nyá, nyě gúmó ó e sí yɨ̂. Nyě jaá lwilwib ntémé ó, njɨ milɔ̌b mi kâ. Mʉr dí eduho ɨ́ jʉ́o kʉ́ nyá ó láá mʉ̂r nyɨnyɛ̂h.

Yʉanes 3:31 ပူးပေါင်းရင်းမြစ်များ

Yʉanes 8:23

Yesʉs, nye e be ó: «Bɨn bé ó bʉr o si. Mɛm, me ó mʉr kʉ. Bɨn bé egumo ó e si nwa; mɛm, me agumo e nye.

Mataos 28:18

Yesʉs ntɔʼ dihle nko bé a be e. Nye e be ó: «Mɨ bi nkul mojwɨ̀ʼa mo kʉ ndwe e maa mo si nwaʼ nyiwɛh.

Rôm 9:5

Bɛɛ ó ndɨ mpoŋbʉr mo Abraham, e Ɨzak ndwe e Yakɔb. Krɨst nye mʉr tɨʼ a byɛl mʉr ó, é kul bʉr yina nɨ. Nye ó ndɨ Zyɛm, njwɨɨ sa yiyɛh. Kum diʼe e nye njʉmdia e njʉmdia! Amɛn.

Yʉanes 6:33

ebe, mode Zyɛm lé entɨh ɨ, mé ó mʉr a duho é jobo kʉ, ze é si nwaʼ ɛ. Nye ó mʉr lé etiʼ bʉr bɨbɛh ɛ.»

1 Yʉanes 4:5

Bé ó bʉr o si nwa. Ebe no ó bé ndɨ elwib mɨlɔb mɨ si nwa, bʉr o si nwaʼ nteme lé egʉa joʼlo be e.

Yʉanes 6:51

Me ó ndɨ kublakubla mode, maa mé a duho é jobo kʉ, ze kaʼ é si nwaʼ ɛ. ǃƗ mʉr si de mode maa nɛʼɛ, gʉŋa ó, nyi bi tiʼ molu mo mpoʼ mɨmɛh. Mode me ódwe nye e, mé ó bɨpuno byam! Me edwe bʉr bɨbɛh bya ó, é l'efu ó, bé biʼe tiʼ molu mo mpoʼ mɨmɛh.»

Mɨngwiha 19:16

Bé a si tile die le é len kʉr ndwe e dʉ̀ ye. Bé a tile ó: «Njwɨɨ ojwɨɨ le Tî otî.»

1 Pyɛr 3:22

Nye a si bere é jobo kʉ. Nye mu ó é mbo ejʉm mo Zyɛm Sɔŋ, gumo nye lé ejwɨʼ beengles, le mɨsisim ndɨ e mojwɨ̀ʼa ndwe e myaa ndɨ e nkul ɨ.

Yʉanes 1:27

Nye ó lé edu me é koo pihe. Me abe mbi mʉr lé ejala le etii nye mɨkol mɨ osilpah be e.»

Mɨlʉmlʉ 10:36

Bɨn bé egʉa lɔɔ Zyɛm a ntɨh bwa b'Ɨzraɛl ɨ. Mbɨambɨa Lɔɔ waa, wé ó wi: Zyɛm óbula gba mʉr motala é leme ó, dumo e Yesʉs-Krɨst, ndɨ Tî bʉr bɨbɛh ɛ.

Ebrœ̂ 9:1

Sàa Zyɛm a cyel dumo e Moyiz ɨ, a be ó e we mbi motum e mɨtiʼa lé edwɛʼ mpʉ mʉr lé ejala le edwiibɨ Zyɛm ɨ. Nye a lɛɛ nteme ó, yé ó e yʉʉ gumo é si nwaʼ é l'efu le Odia mo Zyɛm ndɨ e l'ekɛn ɨ.

Yʉanes 1:30

Lɔb we ó me a lɛɛ-lɛɛ bɨn wi ɔɔ! Wé ó: “Nuu mʉr, nye edu me é koo pihe. Mʉr waa ó lé elaa me, ebe, mɛm l'apa byɛl, nyɛɛ a bɛa ó be.”

Yʉanes 1:15

Yʉanes a si boʼlo é lɔb we, le etuno ó: «Nye ó mʉr me a lwib e bɨn, tiibe e nye e. Me a lɛɛ bɨn ó: “Waa lé eze me pihe ó ndɨ elaa me, ebe, mɛm l'apa byɛl, nyɛɛ a bɛa ó be.”»

Yʉanes 3:30

Yé ekʉ jala ó, kum we, nye bwaʼ bwaʼa; waa wam twaʼbe twaʼba.