Yʉanes 3:3 - Kálara Zyɛ̌m Edwán é mpʉ̌n

³ Yesʉs, nye e nye ó: «Me elɛɛ go cyecye ó nɛɛ: ǃɨ mʉr si be, abâʼle byɛl nɛʼɛ, nye abe e nkul ebee Jwɨ̀ʼa mo Zyɛm.»

Kálar Nzyɛ̌m : Ejwán é Sáá

³ Yésʉs, nye e né ó: «Me lɨ́ elɛ́ɛ gó lɨ́ otyeetye ó, mʉ̂r bé abáʼǎ byɛ̂l jɔʼ dwân nó, nyé abe e nkul enî ɨ́ Mpóʼo mé Nzyɛ̌m.»

Yʉanes 3:3 ပူးပေါင်းရင်းမြစ်များ

2 Korɛnt 5:17

Yé be ó, nuu mʉr, nye ó é zyɛŋa wɔɔ boo Krɨst cyecye nɛʼɛ, lɛɛ ó, nye mu ó edwan e cyea sɔʼɔ. Mɨnjʉ̌m bɨsɔʼɔ mimyɛh, mi laa; bɨsa bibyɛh mu ó, njɨ modwan e modwan.

1 Yʉanes 3:9

Mʉr nyiwɛh ndɨ mbyɛla é zi nkul mo Zyɛm ɨ, nye abe e nkul eto dolo lé esa mɨsyem, ebe, tiʼ lé eduho boo Zyɛm ɨ, yé ó é nye tʉŋlʉ. Nye abe e nkul eto dolo lé esa mɨsyem, ebe, nye a byɛl ó, é zi nkul mo Zyɛm.

1 Yʉanes 5:1

Mʉr nyiwɛh lé ebuʼla ó, Yesʉs, nye ó Lœma mulo mo Zyɛm ɨ, nye ó ndɨ mbyɛla é zi nkul mo Zyɛm. Waa nyiwɛh lé ekpɛl mʉr a bya mwan ɨ, nye ekpɛl nteme, mwan mʉr waa a bya ɛ.

Títos 3:5

Nye a dwe bɨna ga tiʼ molu mo mpoʼ mɨmɛh ó, é zi njwɨʼa-nkoo we. Nye a baadwe bɨna ga nkɔb tiʼ yaa é lɔb mɨmpaŋ bɨsyɛɛla bɨna bé a dɨ sa é l'ocɨcyel ga wina ɛ. Yé a be ó, ebe puba nye a pubo bɨna ga cwɨɨ é Sisim we e. Wé ó b'a sa ó, bɨna byɛlɨ ga mbyɛla edwan, le esa ó, bɨna beʼ modwan mo bʉr. Nye a si ntɨh bɨna Sisim we é ntuʼ-ntu-ntuʼ, dumo e Tiʼbʉr ga wina Yesʉs-Krɨst.

Yʉanes 1:13

Bé a baabyɛl bwan mo Zyɛm é zi bɨpuno, nkʉ é gwɨma bɨpuno byɔɔ, nkʉ ebe gwɨma mo mʉrʉm. Bé a byɛl ó byɛlɨ no, ebe gwɨma mo Zyɛm.

1 Yʉanes 2:29

Bɨna bé egʉa ga ó, Krɨst, nye ó cɨcyel mʉr. Bɨn bé ejala le egʉa nteme ó, mʉr nyiwɛh lé esa mɨmpaŋ bɨsyɛɛla ɛ, nye ó ndɨ mbyɛla mo Zyɛm.

1 Pyɛr 1:3

Bɨna gumla ga Zyɛm Sɔŋ mo Tî ga wina Yesʉs-Krɨst. Nyi bul jwɨʼ bɨna ga nkoo, ntɔʼ dwe bɨna ga nkul ebyɛl jɔʼ mba é l'efu ó, mɨleme ga mina, myé diʼe lwɨŋla e mbɛla. Mbɛla waa, wé ekubla é mɨleme ga mina. Wé eduho ó, é nkul pɛ̀ha nye a pɛ̀h Yesʉs-Krɨst é foo e.

Galásia 6:15

Yé asiila sɔʼɔ nkʉ gɨ saŋɔ mpʉn, nkʉ go asaŋɔ nye. Bwaʼbwaʼ sɔʼɔ, yé ó, Zyɛm bula cye go.

1 Yʉanes 5:18

Bɨna bé egʉa ga ó, mʉr nyiwɛh mu mbyɛla é zi nkul mo Zyɛm ɨ, nye ákwoʼ ka to dolo lé esa syem. Mwan Zyɛm Sɔŋ a bya ɛ, nye ekamle e mbi mʉr waa. Ebe no, abe e sa gwar Bɨbla-mʉr ndɨ e nkul esa nye.

2 Korɛnt 4:4

Bʉr o ndɨ abuʼla ɛ, bé abe e pɨʼ ndɨ ó, bé joʼa lɔɔ wih, ntɔʼ buʼla we, ebe, Njwɨɨ mbi jɔʼ yiʼ a si dimle be pɨʼ. Nye esa no ó, nye kamla be lé ebee mɨmbah lé epan, duho é moncɛnba mo Krɨst ɨ. Nye ebene ó, bé amu bee moncɛnba maa é zi Mbɨambɨa Lɔɔ mo Yesʉs, bé ntɔʼ gʉa ó, Yesʉs ó ndɨ bana kʉ be gulo mo Zyɛm.

Yʉanes 12:40

«Zyɛm a be ó si liŋ be ontim le elɨl be mɨleme, ó bé l'ayi ka bee e mih mɔɔ, nkʉ gʉa é kpɛhla, lé ebene ó, bé amu jaa dwibra, to nko nye ndɨ ɨ, ó nye joma be.»

Éfɛsɔs 2:1

Molu pihe, bɨn bé a be ó odwè é nko paʼ sisim, duho é motie bɨn bé a ntaa ɛ, le mɨsyem min.

Yʉanes 1:5

Myɛn, wé epan é l'edurʉ; edurʉ l'ákwoʼ mara we.

Jacques 3:17

Mpaŋ ocyoo lé eduho boo Zyɛm ɨ, wé ó é pememe. Mʉr ndɨ e l'ocyoo waa ɛ, nye esa ó, bʉr diʼe é motala. Nye ó é tala njwɨr, lé ekpahbe joʼo bʉʉ bʉr. Nye ejwɨʼ bʉr nkoo ndwe le ecwɨa e be. Nye abe lé eto mʉr é nkɔm ebe nduula bé e nɔɔ ndɨ e we e. Njwɨʼa-nkoo ye, yé eduho nye é mo si.

Yʉanes 1:51

Yesʉs ze ko tɨʼ ó: «Me elɛɛ bɨn cyecye ó nɛɛ: bɨn bé óbee jobo lé ebɔa mbɨembɨe e lʉ Mwan mo Mʉr, beengles mo Zyɛm lé ebere le efulo tɨ.»

Mataos 16:17

Yesʉs ntɔʼ lɛɛ e nye ó: «Mocyɛʼ mo mpom, mé ó e go, Simɔn, mwan mo Yʉanes! Ntʉʼ mʉr bɨpuno le motié gwih go sa yaa. Yé be ó Sɔŋ wam ndɨ é jobo kʉ ɨ. Nye ô lɛʼle go ya.

Mataos 5:18

Me elɛɛ bɨn cyecye ó nɛɛ: to pyal é jɔʼ kʉ e si, byé ósie e, kaŋa gwar tɨ, nkʉ ma etɔn egwar, byé ákwoʼ pʉʼa é motie mo Moyiz, to pyal é jɔʼ sa yiyɛh, yé ósyɛɛlɨ ɨ.

Mɨngwiha 3:14

«Tila kalara. Go à cen engles lé edwiile mbɛr Zyɛm ndɨ ɨ Laodisea ɛ. Lɛŋɨ nye ó: Waa ndɨ e die ó, Amɛn ɨ, nye nteme ó ndɨ mpaŋ mboʼla, le mʉr ebuʼla. Nye ó waa Zyɛm a cye kʉ e si é zi we e. Nye elɛɛ e go ó:

Mataos 19:24

Me ebâʼle lɛɛ e bɨn ó nɛɛ: é mpʉ yé ndɨ é kɔbla ó, kamtʉl laŋa é l'egʉa e ndondo e, jwɨʼ gwar e gwar yaa nteme ó ndɨ é bul kɔbla ó, mbil bɨsa niʼe é jwɨ̀ʼa mo Zyɛm ɨ.»

Mataos 21:31

É bwan oba baa, waa wáa a sa gwɨma mo sɔŋ ɨ?» Bé ze bɨha e nye ó: «Waa efoʼ.» Yesʉs ze lɛɛ e be ó: «Yé ó no! Me elɛɛ bɨn cyecye ó nɛɛ: onwɨa o tœa bé e mɨmbambama, bé ó ngo taare pyal e bɨn é jwɨ̀ʼa mo Zyɛm,

Markus 9:47

Yé be ó, dih lo, lé ó ndɨ esa ó, go duma é l'ebebe nɛʼɛ, guha le. Laa ó, go diʼe e mih moba mo, ntɔʼ ka to guhɔ é Bɨ-siʼe ndɨ é diʼa diʼa ɛ, fuo guho yɛɛ dih lo, ebe, yé é bul mbɨa é nko paʼ go ó, go diʼe e ntwan dih, to bi tiʼ molu mo mpoʼ mɨmɛh é jwɨ̀ʼa mo Zyɛm.

Markus 10:14

Mpʉ Yesʉs a bee no e, nye ntɔʼ joʼo be ebebe. Nye e be ó: «Birɨ ga bwɔɔncyom, bé ntaʼ boo me. Afu fo ga be, ebe, jwɨ̀ʼa mo Zyɛm, yé cyela ó, é l'efu e bʉr o ndɨ mpʉ bé e.

Yʉanes 3:4

Nikodɛm ze dî e nye ó: «Tamamʉr, nye e nkul ebâʼle byɛl wáa mbi? Zê nye e nkul eni é mo mo nyɔŋ we, ntɔʼ bâʼle byɛl ɛ?»

1 Yʉanes 5:4

ebe, mʉr nyiwɛh ndɨ mbyɛla é zi nkul mo Zyɛm ɨ, nye entaa ebebe e si nwaʼ é nkul. Nkul nye ndɨ e nye, waa lé esa ó, nye bula e l'esaa é koo e, nye ó buʼo ga yina.