Yʉanes 3:27 - Kálara Zyɛ̌m Edwán é mpʉ̌n

²⁷ Yʉanes, nye e be ó: «ǃƗ Zyɛm si bene lé edwe mʉr sɔʼɔ nɛʼɛ, nye abe e nkul ebi ye.

Kálar Nzyɛ̌m : Ejwán é Sáá

²⁷ Yʉánɛs, nye e bé ó: «Nzyɛ̌m bé adwe mʉ̂r sɔ̂ʼ nó, nyé abe e nkul ebi yê.

Yʉanes 3:27 ပူးပေါင်းရင်းမြစ်များ

Jacques 1:17

Ndwɛa wiwɛh ndɨ mbɨmbɨa ɛ, ndwe e dah lɨlɛh ndɨ mbɨmbɨa é mɨpaʼ mimyɛh ɛ, yé eduho ó, é lal mo Zyɛm boo Sɔŋ ga wina, nyɛɛ mʉr a cye dobo, ndwe e l'alomo, e baatwitwɛn ɨ. Nye abe lé esiila, nkʉ cene cye mpʉ dobo lé ecene cye ye, dime, ka liʼe bʉr é pyoo e.

1 Korɛnt 4:7

Ebe, zé a bɨr gwɔɔ kʉ, laa bʉr bɨbɛh? Yé go ndɨ e ye, yaa go a baabi ɨ? Yé be ó, go a bi ye ó bi biʼe nɛʼɛ, ebe yé go lé edoʼo e ye e? Go esa mpʉ sa lɛɛ ó, yé abe etʉm go a ntɨhɔ ɛ!

1 Korɛnt 15:10

Dam be no, me ó lʉmlʉ we, ebe mocyɛʼ mo mpom Zyɛm a sʉ me e. Nye a baasʉ me ma, mocyɛʼ mo mpom l'aliʼe bɨdweʼle. Nye a sʉ me ma ó, me nkʉʼ dɨ sea, laa myʉʉ mɨlʉmlʉ mye mimyɛh. (É l'ocyecye, ntʉʼ me lé esea. Mocyɛʼ mo mpom nye a sʉ me e, mé ó ndɨ esa ó, me sea no.

Mataos 25:15

Nye ntɔʼ dwe mʉr efoʼ mɨmpɨʼ mɨ gol mɨtɛn, dwe waa mba mɨmpɨʼ mɨ gol mɨmba, waa lɛl, mpɨʼ gol ngwar. Nye a dwe be mya ó, lé edu mpʉ mʉr nyiwɛh a be e nkul ebaʼle bɨsa bye e. Nye ze tɨ cyen.

1 Timotɛ 2:7

Zyɛm ze cyel me é bɨdia bɨba: yaa cyela mɨtuno, ndwe e yaa lʉmlʉ we—me ekʉ lɛɛ ó ocyecye; me alɛɛ mpʉl—, me ó yeʼle mɨlɔb mo Zyɛm é l'efu e bʉr o ndɨ abe oYʉden ɨ, lé elɛʼle be é zi buʼo ga yina le ocyecye mo Zyɛm.

Mataos 21:25

Zé a pa kʉ dwe Yʉanes nkul ó, nye toʼ le edù bʉr? Zê Zyɛm ɛ? Zê bʉr ɛ?» Bé ze timle lɔb waa paʼra wɔɔ. Bé ó: «ǃBɨna si bɨha ga ó: “Zyɛm ó b'a lomo nye” nɛʼɛ, nye óbâʼle dî e bɨna ga ó: “Yé be no nɛʼɛ, ebe yé bɨn bɛɛ, bé a baabuʼla nye e?”

Rôm 12:6

Zyɛm a nol bɨna ga bɨntɔɔ ó, mɨmbi mɨmbi. Mʉr nyiwɛh jala le esea e Zyɛm syɛɛ ó, du we mbi bɨntɔɔ Zyɛm lé enol nye e. Yé be ó, nye a si nol gwɔɔ bɨntɔɔ bɨ egwih mɨlɔb mye nɛʼɛ, toʼ dolo lé egwih mye é zi buʼo.

Markus 13:34

É jɔʼ yaa, yé ónwɨɨla ó e mpʉ mʉr a be ó, nye tɨʼe cyen ɨ. Nye eliʼe mbɛr we ó, nye osi kab osyɛl o mosa be bɨsyɛɛ, mʉr nyiwɛh e we nkul mojwɨ̀ʼa é l'efu ó, nye sea syɛɛ ye, nye osi cyel nteme mʉr é l'ebe, ó nye cyɛba é vaa. Nye a tiile nye etie ó, nye diʼe nkehe.

Éfɛsɔs 1:1

Mɛm Pol, lʉmlʉ mo Yesʉs-Krɨst é gwɨma mo Zyɛm ó lé etile bɨn kalara nwa. Me etile ó mɨsaŋ mɨ bʉr mimyɛh [ndɨ ɨ Efɛɛz], myaa ndɨ é zyɛŋa wɔɔ boo Yesʉs-Krɨst, myaa ndɨ bʉr be ebuʼlɔ ɛ.

Galásia 1:1

Mɛm Pol, lʉmlʉ mo Yesʉs-Krɨst, ó lé etile bɨn kalara nwa. Me abe lʉmlʉ mo nuu mʉr fih. Abe e mʉr a cen me mpaŋla ó, me mu ó lʉmlʉ. Yesʉs-Krɨst nye mʉr tɨʼ ó b'a lomo me, bé e Zyɛm Sɔŋ, waa a pɛ̀h nye é foo e.

1 Korɛnt 12:11

Yé ó e mʉr ngwar ó ndɨ esa bɨsyɛɛla byaa bibyɛh: Mbɨambɨa Sisim. Nye enol mʉr nyiwɛh bɨntɔɔ ó, mpʉ nye lé ekpɛl ɨ.

1 Korɛnt 3:5

Zé nyɛɛ ndɨ Apolos? Zé ndɨ Pol? Bɨh bé ó ofuʼa bɨn, bʉr o b'a be bɨn e nyɔm ó, bɨn jyɛʼɛ taa buʼo yin boo Krɨst ɨ. Mʉr nyiwɛh, nye esa ó, syɛɛ-Zyɛm Da Yesʉs a lomo nye ó, nye saʼ ɛ.

Rôm 1:5

Zyɛm a si lɛʼle me ncwɨncwɨa we le ecyel me é dia lʉmlʉ we ó, dumo e nye é l'efu ó, byʉʉ bɨkul bibyɛh, byé jyɛʼɛ taa buʼo yɔɔ boo nye, le esa nye mojoʼo. Nye a sa me syɛɛla yaa ó, é l'efu le edwe die e Mwan we kum.

1 Korɛnt 1:1

Mɛm Pol, mʉr Zyɛm a jebe é gwɨma ye ó, me diʼe lʉmlʉ mo Yesʉs-Krɨst ɨ, bɨh e mɨɔ ga wina Sostɛn, ó lé etile bɨn kalara nwa.

Yʉanes 6:65

Nye ntɔʼ bâʼle lɛɛ e be ó: «Ebe no, me elɛɛ e bɨn ó nɛɛ: mʉr, nye abe e nkul eze boo me, nyɛɛ l'apa bi nkul boo Sɔŋ wam.»

Yʉanes 10:41

Buobuo bʉr ze to kœb nye gʉ. Bé ó: «Yʉanes a be ó, asa dweʼle nkul we gwar. Sa gwar, sa yiyɛh nye a lɛɛ-lɛɛ, tiibe e mʉr nwaʼ ɛ, yé ó bana kʉ be cyecye.»