Yʉanes 3:21 - Kálara Zyɛ̌m Edwán é mpʉ̌n

²¹ Waa nyiwɛh lé ekœʼ ebò e cyen é l'ocyecye e, nye ekpɛl to nko myɛn lé epan ɨ, bʉr nkʉʼ bee ó, bɨsyɛɛla bye, byé eduho ó, é gwɨma mo Zyɛm.»

Kálar Nzyɛ̌m : Ejwán é Sáá

²¹ Bʉr bɨ́bɛ̂h o dí esâ bísyɛ́ɛla bimpâ bá, bé kpɛl étʉtô ó, nkǒ njʉl dí yɨ́, bʉr nkʉ̂ bee ó, bisyɛ́ɛla byɔ́ɔ́, byê duho ó ɨ́ gwɨ́má mé Nzyɛ̌m.»

Yʉanes 3:21 ပူးပေါင်းရင်းမြစ်များ

1 Yʉanes 1:6

Yé be ó, bɨna bé elɛɛ ga ó, bɨna bé ó é zyɛŋa ga wina boo nɔɔ, bɨna yɛɛ lé entime ga nɛʼɛ, lɛɛ ó, bɨna bɨ lɛɛ ga mpʉl. Bɨna bé asa ga bɨsyɛɛla lé edu ocyecye e.

3 Yʉanes 1:11

Mɨɔ kpɛl wam, abaŋa sa ndɨ é bebe e, njɨ yaa ndɨ é mbɨa ɛ. Mʉr lé esa bɨsyɛɛla bɨ ncwɨncwɨa ɛ, nye ó waa mo Zyɛm. Syɛl ebebe nyɛɛ, nye apa bee Zyɛm.

Éfɛsɔs 5:9

Me elɛɛ no ó, ebe, bʉr o ndɨ é myɛn ɨ, bɛɛ ó ndɨ egumo mbɨambɨa mpumo mɨmbi mimyɛh: myaa mɨ ncwɨncwɨa e l'ocɨcyel ndwe e l'ocyecye.

Filipi 2:13

Ebe, Zyɛm ó ndɨ edwe bɨn gwɨma edu mpaŋ zi waa. Nye nteme ó ndɨ edwe bɨn nkul ó, bɨn kœʼœ tɨʼ mbɨmbɨa.

Galásia 6:8

Mʉr lé edu bɨgwɨma bɨ nyʉl bɨpuno we e, nye óbi efie, duho é bɨsyɛɛla bɨ tɨ. To kœb ó, waa lé edu zi Mbɨambɨa Sisim lé ekpɛl ɨ, nye óbi tiʼ molu mo mpoʼ mɨmɛh é zi mo Mbɨambɨa Sisim.

1 Pyɛr 1:22

Njoʼa bɨn bé a joʼo ocyecye e, wi pubo bɨn é nko paʼ mɨsyem min ndwe le elɛʼle bɨn mpʉ bɨn lé ejala le ekpɛla paʼra win ɨ. Yé ó mpaŋ kpɛl: kpɛl lé eduho é mɨmo si ɨ.

Ebrœ̂ 13:21

Nye komla bɨn é mɨpaʼ mimyɛh, ó bɨn saʼ bɨsyɛɛla bɨ embɨa bɨn lé ebee ó, byé lé edu gwɨma ye e, nye gʉa cyel bɨna ga é mih me dumo e Yesʉs-Krɨst, ndɨ e kum njʉmdia e njʉmdia ɛ. Amɛn.

Kolosi 1:29

Ebe no ó me lé ejaʼra e syɛɛ yiʼ ɨ. Me ebaran e mɨtuu bɨsyɛɛ ó, é nkul ndɨ eduho boo Krɨst ɨ. Nkul we waa ó ndɨ esea é me tʉŋlʉ.

Filipi 1:11

No ó bɨn bé ódi ocɨcyel o bʉr é zyɛŋa win boo Yesʉs-Krɨst ɨ. Bʉr, bé óbul dwe Zyɛm kum le eseʼle nye ebe bɨn.

Yʉanes 5:39

Bɨn bé egba monyʉl lé ejwɨʼ Kalara Zyɛm é dwiii, bɨn lé ebee ó, tɨʼ ó bɨn bé óbi tiʼ molu mo mpoʼ mɨmɛh ɛ. To kœb ó, Kalara Zyɛm ngwar e ngwar waa ó ndɨ eboʼlo é lɔb wam!

Yʉanes 1:47

É jɔʼ Yesʉs a bee Natanaɛl lé eze nko nye a be e, nye ó: «Go bana kʉ be cyecye mʉr Ɨzraɛl, abe e bɨkʉʉŋʉ!»

2 Korɛnt 1:12

Sa bɨh lé edoʼo e ye e, yé ó yi: mɨpɛhla mɨleme mih, myé eboʼlo ó, bɨh bé ekœʼ ebò e cyen egwar é mih mo bʉr bɨbɛh, ndwe é maa mɨn, ebò e cyen ndɨ ti é mih mo Zyɛm, laa ndɨ eduho bɨh é mɨmo si ɨ. Bɨh bé a baakœʼ le lé edu ocyoo o bʉr o si nwa. Bɨh bé a kœʼ ebò e cyen laa ó, lé edu bim ncwɨncwɨa Zyɛm a lɛʼle bɨh ɨ.

1 Korɛnt 15:10

Dam be no, me ó lʉmlʉ we, ebe mocyɛʼ mo mpom Zyɛm a sʉ me e. Nye a baasʉ me ma, mocyɛʼ mo mpom l'aliʼe bɨdweʼle. Nye a sʉ me ma ó, me nkʉʼ dɨ sea, laa myʉʉ mɨlʉmlʉ mye mimyɛh. (É l'ocyecye, ntʉʼ me lé esea. Mocyɛʼ mo mpom nye a sʉ me e, mé ó ndɨ esa ó, me sea no.

Mɨngwiha 3:15

“Me egʉa bɨsyɛɛla bin. Me egʉa ó, bɨn bé atala. Bɨn nteme, bé adiʼa é yʉŋ-yʉŋ, mpʉ modibe lé etwaʼ ɛ. A jɨ bee bɨn mu le sa yiʼ, nkʉ yʉʉ!

Yʉanes 3:20

Mʉr nyiwɛh lé esa ebebe e, nye enwim myɛn waa. Nye abe lé eze fum myɛn lé epan ɨ, ebe, nye ekpɛɛ ó, ebebe le, lé amu jaa gwiha kʉl, bʉr ntɔʼ dwe nye mobe tɨ.

Yʉanes 7:17

Mʉr lé egwɨm sa bɨgwɨma mo Zyɛm ɨ, nye ógʉa gumo sikʉlʉ yam lé eduho e: nkʉ yé eduho boo Zyɛm, nkʉ me elwib é nkul wam me mʉr tɨ.