Yʉanes 3:2 - Kálara Zyɛ̌m Edwán é mpʉ̌n

² Nye a si ze pyal boo Yesʉs é pum. Nye e nye ó: «Yeʼle, bɨh bé egʉa ó, go ó yeʼle Zyɛm a ntɨh, lé eze yeʼle bɨh ɨ, ebe, nkʉ Zyɛm, nye abe e mʉr, mʉr waa, nye abe e nkul esa bɨdweʼle bɨ nkul mbi go lé esa ɛ.»

Kálar Nzyɛ̌m : Ejwán é Sáá

² Nye á nze ó kwá mé Yésʉs ɨ́ pum. Nye e né ó: «Lɛ̂ʼla, bɨ̌h bé lɨ́ egʉ́a ó, go ó lɛ̂ʼlǎ Nzyɛ̌m á ntɨh, lɨ́ enzě lɛ̂ʼle bɨ́h nyá, ebě, yé abe e mʉr ngwár dí e nkul esâ mésimá mbi gó dí esâ wɨ́, Nzyɛ̌m bé abe e né nó.»

Yʉanes 3:2 ပူးပေါင်းရင်းမြစ်များ

Yʉanes 5:36

«Sa gwar, mɛm, me e mboʼla fih, pie waa mo Yʉanes. Nyɛɛ, nye edwe mboʼla ndɨ elaa waa mo Yʉanes é modile e, ebe, bɨsyɛɛla Sɔŋ wam a dwe me ó, me ntaʼ, ze fwahle e, byé ó me lé esa ɛ. Byé eboʼlo, tiibe e me ó, Sɔŋ wam ó b'a ntɨh me.

Mɨlʉmlʉ 10:38

Bɨn bé egʉa nteme mpʉ Zyɛm a lœm Yesʉs, mʉr Nazarɛt, Sisim we, le edwe nye nkul nɨnɨ ɨ. Bɨn bé egʉa nteme, mpʉ Yesʉs a kœʼ mɨlal e mɨlal, lé eto le esa embɨa, le etiʼ baa bé a sia e Njwɨɨ moleme e, ebe, bé e Zyɛm ó b'a be.

Mɨlʉmlʉ 2:22

«Mbɛngɛɛ! Bɨn bwa b'Ɨzraɛl ɔɔ! Zyɛm a be ó si bɨlan e Yesʉs, mʉr Nazarɛt, lé esa mosima e bɨsa bɨ jehe ndwe e bɨdweʼle bɨ nkul we é mih mɨn. Zyɛm a sa bɨsyɛɛla byaa é mobo me no ó, nye nkʉʼ lɛʼle bɨn mbi mʉr Yesʉs a be e. Bɨn bé ekʉ gʉa no.

Yʉanes 9:16

Baʼ oFarizyɛŋ, bé ó: «Mʉr sa mbi syɛɛla wiʼ ɨ, nye abe e nkul eduho boo Zyɛm, ebe, nye adu mompene mo moho saba.» Bʉʉ, bé ó: «Nyá? Syɛl mɨsyem, nye abe e nkul esa bɨdweʼle bɨ nkul mbi wi.» Bʉr ntɔʼ bɔʼa monkɔb moba.

Yʉanes 12:37

Dam be ó Yesʉs a si bul sa bɨdweʼle bɨ nkul we é mih mɔɔ, oYʉden, bé a baajyɛʼ taa buʼo yɔɔ boo nye.

Yʉanes 1:38

Yesʉs ze dwibra. ǃNye ka dwɛʼ pihe nɛʼɛ, bee be lé edu nye. Nye ze dî e be ó: «Bɨn bé esaa yé?» Bé e nye ó: «Gumo go lé edi ɨ, Rabbi!» (No yé edwirɔ ó: «Yeʼle».)

Mataos 22:16

No ó bé a ze lomo bʉʉ ompʉn bɔɔ nko nye a be e, bé e bʉr o mpoʼo Erod. Bé e nye ó: «Yeʼle, bɨh bɨ gʉa ó, go elɛɛ ó ocyecye. Go nteme, go edwe bɨh sikʉlʉ tiibe e Zyɛm é l'ocyecye. Sa mʉr fih lé ebee é we paʼ ɛ, yé alɛɛ go sɔʼɔ. Go ádwaabe bʉr é lɔb mompom mɔɔ.

Yʉanes 7:31

É ntuntuma bʉr nɨ, buobuo bʉr, bé a be ó si jyɛʼ taa buʼo yɔɔ boo nye. Bé ó: «É jɔʼ Lœma mulo mo Zyɛm óze e, zê nye óbe ó e nkul elaa mʉr nwaʼ lé esa bɨdweʼle bɨ nkul we ɛ?»

Yʉanes 20:16

Yesʉs, nye e nye ó: «Maaria!» Nye ze bâʼle dwibra nko Yesʉs a be e. Nye e nye é lwib arameyɛŋ ó: «Rabuni!» (No yé elɛɛ ó: «yeʼle».)

Yʉanes 15:24

Nkʉ me a be ó be, asa mbi bɨsyɛɛla nuu mʉr a baapa sa paʼra wɔɔ nɛʼɛ, mpa bé adweŋɔ mobe é lɔb mɨsyem myɔɔ. To kœb ó, banana, bɨ bee bɨsyɛɛla byam. Bé dina ó, lé ekʉ nwim bɨh e Sɔŋ wam.

Yʉanes 3:26

Bé ze to nko Yʉanes a be e, ze dîŋɔ e nye ó: «Yeʼle, zê go lé eka toŋlo mʉr go a seʼle-seʼle é sama bʉr yé a be bɨna ga dibe Yʉrdɛŋ nkɔm-nkɛɛ ɛ? Banana, nyɛɛ nteme mu ó lé edù bʉr! Bʉr nteme mu kʉ ka to ó njɨ boo nye!»

Markus 12:14

No ó bé a ze lɛɛ e nye ó: «Yeʼle, bɨh bé egʉa ó, go elɛɛ ó ocyecye. Sa mʉr fih lé ebee é we paʼ ɛ, yé alɛɛ go sɔʼɔ. Go ádwaabe bʉr é lɔb mompom mɔɔ. Go edwe-dwe bɨh sikʉlʉ ó, lé eyeʼle mpʉ mʉr lé ejala le ekœʼ ebò e cyen Zyɛm lé ekpɛl ó, bʉr kœʼœ œ. No ó, lɛŋɨ bɨh: Zê motie ga mɨna, mé ekamle mʉr lé ejɛna tœa mo Kɛɛza ɛ? Zê yé kɔmlʉ ó, mʉr jɛna nye ya ɛ? Zê bɨna jɛna ga ɛ? Zê bɨna beʼ l'ajɛna ga ɛ?»

Filipi 1:14

Mpʉ me ndɨ wâʼ é mbʉʼ wiʼ ɨ, yé esa ó, bʉʉ obuʼla, bé gʉa jyɛʼ taa buʼo yɔɔ boo Da Yesʉs. Bé mu ó lé elɛɛ lɔɔ Zyɛm é hwɨm, abaawe sɔʼɔ e bʉr. Bé elɛɛ mye nteme ó, laa bim bé a taare lɛɛ-lɛɛ mye e.

Mataos 23:7

Bé ekpɛl nteme ó, bʉr taara soho be, le edwiibɨ be é mobɨm bɨnkana, lé ejebe-jebe be ó, “Yeʼle”.

Mataos 23:8

Mʉr ngwar é l'esama lɨn l'anyamle bir ba ó, bé jeba nye “Yeʼle”, ebe, yeʼle win, nye ó ngwar! Bɨn bɨbɛh, bé ó obɨɔ e l'obɨɔ.

Yʉanes 2:11

Yiha ó ndɨ dweʼle nkul we efoʼ Yesʉs a sa ɛ, nye ndɨ ɨ Kana, é lal Galɨle. Moncɛnba me, mé ze nyin é zi syɛɛla yaa. Ompʉn be, bé ntɔʼ bâʼle bul jyɛʼ taa buʼo yɔɔ boo nye.

Yʉanes 4:31

É jɔʼ mʉma a be, nye dina gʉʼ ɨ, ompʉn mo Yesʉs, bé a be ó lé elɛɛ e nye ó: «Yeʼle, paʼ de.»

Yʉanes 6:2

Buobuo bʉr, bé a be ó lé edu nye, ebe, bé a be ó lé ebee bɨdweʼle bɨ nkul we nye a sa-sa lé etiʼ mɨsyoblʉ ɨ.

Yʉanes 10:38

Sa gwar, ǃme si sa bɨsyɛɛla bye nɛʼɛ, dam ka be ó, bɨn bé abuʼla me, jyɛʼɛ ga taa buʼo yin boo me ebe bɨsyɛɛla byam byaa. É zi waa ó bɨn bé ófuʼla gʉa ó, Sɔŋ wam, nye etiʼe ó é me e; me ó é zyɛŋa wih boo nɔɔ ɛ.»

Yʉanes 14:10

Zê go abuʼla ó, me ó é zyɛŋa wih boo Sɔŋ wam ɛ? Sɔŋ wam, nye etiʼe ó, é me. Lwib me lé elwib e bɨn bɨbɛh ɛ, me alwib ye njɨ é nkul wam me mʉr tɨ. Sɔŋ wam, mʉr bɨh e nɔɔ lé edi ɨ, nye ó ndɨ eloŋlo bɨsyɛɛla bye.