Yʉanes 3:19 - Kálara Zyɛ̌m Edwán é mpʉ̌n

¹⁹ «Mobe maa, mé ódweŋɔ ó, ebe, myɛn, wi ze pan, ze pyal é si nwa. Bʉr bɛɛ bula kpɛl edurʉ, laa myɛn, ebe, bɨsyɛɛla byɔɔ, byé é bebe.

Kálar Nzyɛ̌m : Ejwán é Sáá

¹⁹ Mebě me mʉ̂r waá, mé duho ó, ɨ́ lɔ̌b njʉl mû sí pan ɨ́ sí yɨ̂ʼ wɨ́. Bʉr bɨ́ɛ kǎ kpɛl édúrʉ́ʉ́, laǎ njʉl waá, ebě, bé lɨ́ ebuú kpɛl ésâ mísyóm.

Yʉanes 3:19 ပူးပေါင်းရင်းမြစ်များ

Yʉanes 8:12

Pie tɨ, Yesʉs ze lɛɛ e bʉr ó: «Me ó lé epɛn myɛn é si nwa. Mʉr ódu me e, nye óbi sa lé epɛn myɛn tiʼ ɨ. Nye aŋa ka ntime é l'edurʉ.»

2 Tesalonika 2:12

No ó, bʉr o ndɨ abuʼla ocyecye, bula mɨɨla njɨ lé esa bɨsyɛɛla bɨ ozyɛhozyɛh. Bɨbɛh, bé ódweŋɔ mobe tɨ, ndwe le ekabɔ bɨntɨʼa.

Rôm 2:8

Bʉʉ bʉr bɛɛ, bé ó baanya-evuŋo. Bé esa epɨh lé edu sa ndɨ cɨcyel ɨ, bula du sa ndɨ ozyɛhozyɛh ɛ. Bɨha, bé ó baa Zyɛm óbul kpaa empime e be e.

Yʉanes 12:43

Baanya-bʉa onɨ, bé a si sa no, ebe, bé a kpɛl-kpɛl ó, bʉr seʼla be, laa ó, Zyɛm seʼla be.

Rôm 1:32

Dam be ó, bʉr baa, bé egʉa ó, Zyɛm a lɛɛ ó, bʉr bɨbɛh ndɨ esa mɨmbi mɨ ebebe myaa ɛ, bé edaʼre ó efie é monyʉl mɔɔ, bɛɛ, bé ó njɨ lé eto dolo lé esa-sa bɨsyɛɛla byaa. Yé abe njɨ no, yé ome. É jɔʼ bé lé ebee bʉʉ bʉr lé esa syem ɨ, bé ekʉ mɛʼle bɨsyɛɛla byɔɔ le esoʼlo be ó, bé toʼ dolo lé esa bye, to-to ó toʼ.

Yʉanes 5:44

Bɨn bé ebul kpɛl bi kum ó, njɨ paʼra win. Bɨn bé akpɛl bi kum lé eduho boo Zyɛm nye ome e. Yé be no nɛʼɛ, a, bɨn bé ójyɛʼ taa buʼo yin boo Zyɛm nyá ɛ?

2 Pyɛr 3:3

Sa efoʼ, gʉa mɛr ga sa yi: é jɔʼ esie e mbi jɔʼ yi, lé óbe kunokuno le epyal ɨ, bʉr, bé óbe lé ekœʼ ebò e cyen mpʉ bɨgwɨma byɔɔ lé etine be e. Bé óbe ó bʉr o pyeh,

Yʉanes 1:4

Tiʼ, yé a be ó é Lwib. Tiʼ yaa, yé ó b'a pɛn myɛn é bʉr.

Lʉkas 12:47

«Syɛl mosa mu si bɛa gʉa bɨgwɨma bɨ sɔŋ we, nyɛɛ yɛɛ l'akʉmsa, nkʉ loŋlo bɨgwɨma byaa ɛ, nye ófuurɔ mɨmbihe é buobuo.

1 Pyɛr 2:8

Yé ó tila é Kalara Zyɛm, tiibe e Krɨst ó: «Nye ó ekoʼ lé ódumo bʉr ɨ. Lé ó ebɔʼ bé óbɨm é mɨleme e.» Bé ekʉ duma, ebe, bé esa lɔɔ Zyɛm ebɨh. Yé ó nkɔb Zyɛm a bɛa tiʼe é leme we ó, bé óbi ɨ.

Yʉanes 7:7

Bʉr o ndɨ egumo e si nwaʼ ɛ, bé abe e nkul enwim bɨn. Bé nwim ó me ome, ebe, me enwahle bɨsyɛɛla bɨ ebebe bé lé esa ɛ.

Yʉanes 7:17

Mʉr lé egwɨm sa bɨgwɨma mo Zyɛm ɨ, nye ógʉa gumo sikʉlʉ yam lé eduho e: nkʉ yé eduho boo Zyɛm, nkʉ me elwib é nkul wam me mʉr tɨ.

Lʉkas 16:14

OFarizyɛŋ, bé a be ó lé ejoʼo mɨlɔb myaa mimyɛh, ntɔʼ taare lé etamɔ nye, ebe, bé a be ó é bul kpɛl mɔn, ntaa njɨ.

Yʉanes 1:5

Myɛn, wé epan é l'edurʉ; edurʉ l'ákwoʼ mara we.

Yʉanes 9:5

Cye me dina é si nwaʼ ɛ, me ó sa lé epɛn myɛn é bʉr bɨbɛh ɛ.»

Yʉanes 12:31

Bananaʼ mu ó jɔʼ bʉr o ndɨ egumo e si nwaʼ ɛ, muno ze dweŋɔ mobe e! Banana, Njwɨɨ mbi jɔʼ yiʼ muno ze foŋɔ!

Yʉanes 12:46

Me a ze kaʼ é si nwaʼ ó, me pɛnɨ bʉr myɛn, ó mʉr nyiwɛh lé ejyɛʼ taa buʼo ye boo me e, nkʉʼ duho é l'edurʉ, to é myɛn ɔɔ!»