Yʉanes 3:16 - Kálara Zyɛ̌m Edwán é mpʉ̌n

¹⁶ «Zyɛm a be ó si bul laŋle kpɛl bʉr o si nwa. Ebe no ó nye a ntɨh Etiʼe e Mwan le ó, waa nyiwɛh ójyɛʼ taa buʼo boo nye e, aka dim. Nye biʼe tiʼ molu mo mpoʼ mɨmɛh.

Kálar Nzyɛ̌m : Ejwán é Sáá

¹⁶ Ebě, kpɛ̌l Nzyɛ̌m á bu kpɛl bʉr ó sí yɨ̂ʼ yɨ́, nye á be ɨ́ dwe Étíʼé é Mwân lé ó, ɨ́ sɔ́má bʉ̂r bɨ́bɛ̂h, mʉr ngá dyɛ̂ʼwo e né nyá, nye ádîm ɨ́ nkɔb bʉr, ebě, nye mû ó e twǐʼ njʉ̌m dǐ.

Yʉanes 3:16 ပူးပေါင်းရင်းမြစ်များ

Rôm 5:8

Yesʉs-Krɨst nyɛɛ a dwè, jala e bɨna ga ó, é jɔʼ bɨna bé a be ga lé ekʉ sa njɨ mɨsyem ɨ! No ó Zyɛm ndɨ elɛʼle bɨna ga kpɛl ye e.

Yʉanes 3:15

Nye óbɨnɔ kʉ no ó, é l'efu ó, mʉr nyiwɛh ójyɛʼ taa buʼo ye boo nye e, biʼe tiʼ molu mo mpoʼ mɨmɛh.

Rôm 8:32

Zyɛm nyɛɛ a baakamle e Mwan we. Nye a dwe tiʼ Mwan we ó, é ziila e bɨna ga bɨbɛh. Zyɛm pa taare dwe bɨna ga Mwan we, a dwɛʼra e bɨsa bɨfih bibyɛh! Nye óbana dwe bɨna ga bya nteme, mpʉ nye a taare dwe bɨna ga Mwan we e.

Yʉanes 6:40

ebe, Sɔŋ wam, nye egwɨm ó, bʉr bɨbɛh bé óbee Mwan mo Zyɛm, jyɛʼ taa buʼo yɔɔ boo nye e, bé biʼe tiʼ molu mo mpoʼ mɨmɛh. Mɛm, me ópɛ̀h be é mofoo é moho epihe, ntible-bɨkaŋa.»

Yʉanes 3:36

Mʉr lé ejyɛʼ taa buʼo ye boo mwan waa ɛ, nye ó ngo bi tiʼ molu mo mpoʼ mɨmɛh. No ó, waa ndɨ esa Mwan mo Zyɛm ebɨh ɨ, nye aŋa bi tiʼ molu mo mpoʼ mɨmɛh yaa, ebe, Zyɛm ókpaa empime e nye.»

1 Yʉanes 4:19

No ó, é nko paʼ ga wina, bɨna ga bɛɛ mu ó lé ekpɛla ga ó, ebe, nye a si taare kpɛl bɨna ga.

Yʉanes 10:28

Me edwe bye tiʼ molu mo mpoʼ mɨmɛh. Byé ákwoʼ dim é nkɔb bʉr. Abe e mʉr ópɛʼ me bya é mobo.

Rôm 5:10

É jɔʼ bɨna bé a be ga bʉr o dɔm mo Zyɛm ɨ, Mwan mo Zyɛm a si dwè é l'efu ga lɨna, lé esa sàa paʼra ga wina boo Zyɛm. Krɨst pa taare cwɨa e bʉr o dɔm be, a dwɛʼra e bɨna ga, bʉr o sàa waa! Zyɛm ókʉ baʼle bɨna ga bɨtiʼ ó, é zi nkul ndɨ é tiʼ mo Mwan we e.

Yʉanes 1:29

É mɛn tɨ, Yʉanes ka bee ó, Yesʉs lé eze boo nye! Yʉanes ze lɛɛ ó: «Mbe ga: Ma Ntœme mo Zyɛm lé edwih mɨsyem mɨ bʉr bɨbɛh nwa ɛɛ!

2 Tesalonika 2:16

Tî ga wina Yesʉs-Krɨst nye mʉr tɨʼ bé e Zyɛm Sɔŋ ga wina, waa a lɛʼle bɨna ga kpɛl, waa lé egba bɨna ga nkul é monyʉl, waa ndɨ asie-sie, waa lé elɛʼle bɨna ga ncwɨncwɨa, le egba bɨna ga mbɛla é mɨleme e, nye gbaʼ bɨn nkul é monyʉl.

Éfɛsɔs 2:4

To kœb ó, Zyɛm, nye é bul jwɨʼ bɨna ga nkoo. No ó nye a ze lɛʼle bɨna ga mpʉ nye a bul kpɛl bɨna kpɛl apurapura ɛ.

Mataos 9:13

Toʼ, to jwɨʼ ga sa Kalara Zyɛm ndɨ elɛɛ ɛ. Yé ó tila ó: “Me egwɨm ó, bɨn lɛʼla bʉr ncwɨncwɨa, abe ó, bɨn dweʼ me motwina.”» Yesʉs ze ko tɨʼ ó: «Ebe, me a baaze jebe ocɨcyel o bʉr. Me a ze jebe ó osyɛl o mɨsyem.»

Mɨngwiha 1:5

Mocyɛʼ mo mpom le motala mo Yesʉs-Krɨst, mé swɨŋɨ é bɨn. Nye ó ndɨ mpaŋ mboʼla, le mʉr ebuʼlɔ. Nye ó mwan modweʼe mo Zyɛm a pàh é foo e. Nye ó ndɨ ejwɨʼ mɨnjwɨɨbʉr mɨ si nwa. Nye a si kpɛl bɨna ga, nye ze sʉ motié me si, lé edwih bɨna ga é mpila mɨsyem ga mina é pololo.

Yʉanes 1:14

Lwib a be ó si byɛl mʉr. Nye a si tiʼe paʼra ga wina. Bɨh bɨ bee moncɛnba me, moncɛnba mo Etiʼe e Mwan mo Zyɛm. Nye a duho boo Sɔŋ we ó, nye mu bɛa be lwɨŋla e ncwɨncwɨa e l'ocyecye mo Zyɛm.

Títos 3:4

É jɔʼ yaa ó Zyɛm, Tiʼbʉr ga wina a ka lɛʼle bɨna ncwɨncwɨa we e.

Yʉanes 1:18

Abe e mʉr ngwar ndɨ si pa bee Zyɛm Sɔŋ. Etiʼe e Mwan e kpɛl le, lé ome, waa ndɨ nteme Zyɛm ɨ, ó b'a lɛʼle bɨna ga Zyɛm.

Markus 12:6

«No ó mʉr ngwar e ngwar mʉr peme a ka liʼ e nye é mobo e, a be ó njɨ mwan we, nye a be é bul kpɛl ɨ. No ó nye a fuo ka lomo mwan we waa boo osyɛl o mosa baa. Nye ó: “Diŋa ó, osyɛl o mosa bam, bé e nkul edwaabe yɛɛ mwan wam.”

Lʉkas 2:14

«Kum mo Zyɛm, nye bera kʉ, laa jobo e l'ejyoo le ebantɛn. Bʉr o si nwa, bé diʼe é motala, ebe, Zyɛm, nyi bee be mbɨmbɨa.»

Yʉanes 3:18

Mʉr lé ejyɛʼ taa buʼo ye boo Mwan mo Zyɛm ɨ, nye aŋa ka dweŋɔ mobe. To kœb ó, waa ndɨ asa no e, nyiha, nyi bɛa dweŋɔ mobe, ebe, nye apa jyɛʼ taa buʼo ye boo Etiʼe e Mwan mo Zyɛm.

Ebrœ̂ 2:9

Sa bɨna lé ekʉ gʉa bee ga ɛ, yé ó: é ma peh jɔʼ, Zyɛm a si taare fil Yesʉs si, beengles laa nye ba é duu. Pie tɨ, nyi ka bœr nye epʉʼlʉ é lʉ, le edwe nye kum ndwe e duu, ebe, nye a si sia e mɨtuu, ntɔʼ dwè. Sa nɨ yiyɛh é l'efu ó, Zyɛm lɛʼla bʉr bɨbɛh ncwɨncwɨa, lé esa ó, Yesʉs jala e be.

1 Yʉanes 3:1

Mbe ga: é mpʉʼ ó Zyɛm Sɔŋ ndɨ ebul kpɛl bɨna ga ɛ! Nyi gban bɨna ga, le elɛɛ ó, bɨna ga bé ó bwan be. Bɨna ga bé ó baa be é l'ocyecye. Bʉr o si nwa, bé apa gʉa Sɔŋ ga wina. Ebe no ó bé ndɨ agʉa bɨna ga ɛ.