Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yʉanes 3:15 - Kálara Zyɛ̌m Edwán é mpʉ̌n

15 Nye óbɨnɔ kʉ no ó, é l'efu ó, mʉr nyiwɛh ójyɛʼ taa buʼo ye boo nye e, biʼe tiʼ molu mo mpoʼ mɨmɛh.

အခန်းကိုကြည့်ပါ။ ကော်ပီ

Kálar Nzyɛ̌m : Ejwán é Sáá

15 Nye óbɨ́nɔɔ kʉ́ nó ó, mʉr nyɨnyɛ̂h ngá dyɛ̂ʼwo e né nyá, bíʼee twǐʼ njʉ̌m dǐ.

အခန်းကိုကြည့်ပါ။ ကော်ပီ




Yʉanes 3:15
37 ပူးပေါင်းရင်းမြစ်များ  

«Zyɛm a be ó si bul laŋle kpɛl bʉr o si nwa. Ebe no ó nye a ntɨh Etiʼe e Mwan le ó, waa nyiwɛh ójyɛʼ taa buʼo boo nye e, aka dim. Nye biʼe tiʼ molu mo mpoʼ mɨmɛh.


ebe, Sɔŋ wam, nye egwɨm ó, bʉr bɨbɛh bé óbee Mwan mo Zyɛm, jyɛʼ taa buʼo yɔɔ boo nye e, bé biʼe tiʼ molu mo mpoʼ mɨmɛh. Mɛm, me ópɛ̀h be é mofoo é moho epihe, ntible-bɨkaŋa.»


Mʉr lé ejyɛʼ taa buʼo ye boo mwan waa ɛ, nye ó ngo bi tiʼ molu mo mpoʼ mɨmɛh. No ó, waa ndɨ esa Mwan mo Zyɛm ebɨh ɨ, nye aŋa bi tiʼ molu mo mpoʼ mɨmɛh yaa, ebe, Zyɛm ókpaa empime e nye.»


Sa ndɨ tɨʼ tila ɛ, yé a tilɔ ó, é l'efu ó, bɨn buʼla ó, Yesʉs, nye ó Lœma mulo mo Zyɛm le Mwan mo Zyɛm. ǃBɨn si jyɛʼ taa buʼo yin boo nye nɛʼɛ, bɨn bé óbi tiʼ molu mo mpoʼ mɨmɛh é zi we.


Mʉr nyiwɛh lé ebuʼla ó, Yesʉs, nye ó Lœma mulo mo Zyɛm ɨ, nye ó ndɨ mbyɛla é zi nkul mo Zyɛm. Waa nyiwɛh lé ekpɛl mʉr a bya mwan ɨ, nye ekpɛl nteme, mwan mʉr waa a bya ɛ.


Ebe no, bʉr o ngo dihle kunokuno e Zyɛm dumo e nye e, nye e nkul edwe be tiʼ molu mo mpoʼ mɨmɛh. Nye ekʉ pɛʼ mobebe mɔɔ mɨmɛh. Mpʉ nye lé edi njʉmdia e njʉmdia ɛ, no nteme ó nye ndɨ e nkul esa Zyɛm mɨnjwɨʼla é l'efu lɔɔ é jɔʼ yiyɛh ɛ.


Bɨna bé egʉa ga nteme ó, Mwan mo Zyɛm a si ze, ze gba bɨna ga pɨʼ é mɨleme, ó bɨna gʉŋa ga Zyɛm ndɨ cyecye e. Bɨna bé edi ga é zyɛŋa ga wina boo mʉr ndɨ cyecye e, ebe, bɨna bé edi ga é zyɛŋa ga wina boo Mwan we, Yesʉs-Krɨst. Nye ó ndɨ Zyɛm cyecye ndwe e l'Etin e Tiʼ.


Me elɛɛ bɨn cyecye ó nɛɛ: mʉr lé ejyɛʼ taa buʼo ye boo me e, nyi bi tiʼ molu mo mpoʼ mɨmɛh.


Dam be no, bʉr o b'a nʉa nye e duu, jyɛʼɔ taa buʼo yɔɔ boo nye e, bé ó nye a dwe nkul ó, bé diʼe bwan mo Zyɛm ɨ.


«Me elɛɛ bɨn cyecye ó nɛɛ: mʉr ójoʼo lwib yam le ejyɛʼ taa buʼo ye boo mʉr a ntɨh me e, nyi bi tiʼ molu mo mpoʼ mɨmɛh. Zyɛm, nye aŋa ka dwe nye mobe. Nyi bɛa dwihɔ é l'efie, ntɔʼ dweŋɔ tiʼ molu mo mpoʼ mɨmɛh.


Mwan mo Mʉr a ze ó, ze saa baa mu si pɔhba ɛ, ó nye ódwe be tiʼ molu mo mpoʼ mɨmɛh.»


To kœb ó, bɨna mu lé egʉa ga ó, mʉr, nye aŋa bi mokebe é mih mo Zyɛm ebe mbi nye lé edu motie e. Mʉr, nye ebi mokebe é mih mo Zyɛm ó, ebe taa buʼo nye lé ejyɛʼ boo Yesʉs-Krɨst ɨ. Bɨna bɨ jyɛʼ ga taa buʼo yina nteme boo Krɨst é l'efu ó, bɨna nkʉʼ bi ga mokebe é zi buʼo gwar yaa. Abe e mʉr lé ebi mokebe ebe mbi nye lé edu motie e. Mʉr ákwoʼ bi mokebe é mih mo Zyɛm ebe mbi nye lé edu motie me e.


No ó, Zyɛm Sɔŋ nye mʉr tɨʼ a be ó si kɛʼ bɨna ga tiʼ molu mo mpoʼ mɨmɛh.


Sa gwar, bɨna ga bɛɛ, bé abe bʉr o ndɨ ebuulo ntuʼo, ntɔʼ pɔhba, to dim ɨ. Bɨna ga bé ó bʉr o ndɨ e buʼo, baa bé óbi tiʼ molu mo mpoʼ mɨmɛh ɛ.


É mpʉ bé a to-to zi e zi ɨ, bé ze pyal é dibe. Myaʼ mʉr waa ntɔʼ lɛɛ e nye ó: «Paʼ bee modibe ma. Yé ndɨ e nkul eka kamle me lé enʉa ndubo ɛ?» [


Waa ójyɛʼ taa buʼo ye boo me, ntɔʼ nʉa ndubo e, nye óbi tiʼ molu mo mpoʼ mɨmɛh. Waa óbe, ajyɛʼ taa buʼo ye boo me e, nye ókabɔ bɨntɨʼa ndɨ é laŋle bebe e.


É jɔʼ bé a cyèl Yesʉs-Krɨst é klos kʉ ɨ, me nteme, me a si bomlɔ tɨ, bɨh e nɔɔ. Ntʉʼ me ndɨ etiʼe é banana. Yesʉs-Krɨst ó ndɨ etiʼe é me tʉŋlʉ. Tiʼ me lé eka tiʼe é si nwaʼ ɛ, me etiʼe ye ó, ebe taa buʼo me lé ejyɛʼ boo Mwan mo Zyɛm ɨ. Nye a si kpɛl me, ze dwe tiʼ ye é ziila e me.


Yé ka be é bananaʼ ó, Mbɨambɨa Lɔɔ bɨh bé lé elɛɛ ɛ, wé enyin é dimlɨ-di-dimlɨ nɛʼɛ, bʉr mu si pɔhba ɛ, bé ome ó lé ebee we é mbi waa ɛ.


É jɔʼ bɨh ndɨ ebɔma e bʉr o ndɨ egʉmla é bebebebe zi ɨ, é jɔʼ bɨh ndɨ etuno be lɔɔ efie mo Yesʉs é klos kʉ ɨ, mbea wɔɔ, wé ó tuno waa, wé ó lɔɔ ogʉ. No ó, mbɛa ga wina, bɨna ga bʉr o mu lé ebi tiʼ molu mo mpoʼ mɨmɛh ɛ, wé ó anɨnɨn nkul mo Zyɛm.


Jwɨʼ gwar e gwar mpʉ Syem, wé a jwɨ̀ʼ bʉr, ntɔʼ jʉ be e, jwɨʼ gwar e gwar yaa nteme ó Ncwɨncwɨa mo Zyɛm mu lé ejwɨʼ bɨna ga ɛ. Nye edwe bɨna ga mokebe é mih me ó, nye nkʉʼ dwe bɨna ga tiʼ molu mo mpoʼ mɨmɛh dumo e Tî ga wina Yesʉs-Krɨst.


“Bʉr o mpyoo ba! Beŋɨ ga! Jeha ga! Dimɨ ga cyecye! Me ósa yʉʉ syɛɛla é mya win wi, sa bɨn bé óbee e mih mɨn ɨ. Sa gwar, yé óbe ó syɛɛla bɨn bé óbe, abe e nkul ebuʼla ɛ, dam be ó, bé etaŋle bɨn ya.”»


«Gʉa di ga ncye! Apyeh mwan ngwar é bwan ba, ebe, me elɛɛ bɨn ó nɛɛ: beengles bɔɔ ndɨ é jobo kʉ ɨ, bé ebee mpom mo Sɔŋ wam ndɨ é jobo kʉ ɨ, é sʉlʉlʉ jɔʼ yiyɛh. [


Me elɛɛ bɨn mɨlɔb mɨnɨ ó, bɨn nkʉʼ di é zyɛŋa ga wina, bɨn nkʉʼ di é motala. Bɨn bé ósia e mɨtuu lé edi é bebebebe si nwa. Dam be no, tʉmɨ ga monyʉl. Mɛm, mɨ ntaa nye é nkul!»


«Bʉr baa, bé óto é Bɨ-siʼe, to sia e ntɨʼa ndɨ njʉmdia e njʉmdia ɛ. Ocɨcyel o bʉr bɛɛ, bé óto ó, to bi tiʼ molu mo mpoʼ mɨmɛh.»


Asea ga ebe mode lé elɨra ɛ. Sea ga ebe maa lé edi njʉmdia e njʉmdia ɛ. Mɛɛ, mé ó maa Mwan mo Mʉr ódwe bɨn ɨ, ebe, nye ó waa Zyɛm Sɔŋ a gba ejwɨʼ le e.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ