Yʉanes 3:13 - Kálara Zyɛ̌m Edwán é mpʉ̌n

¹³ Abe e mʉr ngwar ndɨ si pa bere, to pyal é jobo kʉ, pie Mwan mo Mʉr, mʉr a duho é jobo kʉ, ze kaʼ é si nwaʼ ɛ.

Kálar Nzyɛ̌m : Ejwán é Sáá

¹³ Abe e mʉr ngwár dí ɨ́ pǎ bére, tó kumo ɨ́ jʉ́o kʉ́, píe Mwân mé Mʉr, mʉr á duho ɨ́ jʉ́o kʉ́ nyá.

Yʉanes 3:13 ပူးပေါင်းရင်းမြစ်များ

Yʉanes 6:38

Me a baaduho é jobo kʉ, lé eze sa gwɨma yam, njɨ gwɨma mo mʉr a ntɨh me e.

Mɨlʉmlʉ 2:34

Yé ó no, ebe, ntʉʼ David nye mʉr tɨʼ a bere kʉ. Nye a lɛɛ ó: “Da a lɛɛ e Tî wam ó: ‘Diʼe si wâ, é mbo ejʉm wam,

Yʉanes 1:18

Abe e mʉr ngwar ndɨ si pa bee Zyɛm Sɔŋ. Etiʼe e Mwan e kpɛl le, lé ome, waa ndɨ nteme Zyɛm ɨ, ó b'a lɛʼle bɨna ga Zyɛm.

1 Korɛnt 15:47

Adam efoʼ a meŋɔ ó e bɨbwah. Adam mba a duho ó, é jobo kʉ.

Yʉanes 13:3

Yesʉs nye mʉr tɨʼ a be lé egʉa ó, nye a duho ó, boo Zyɛm, gʉa nteme ó, nye óbula, to boo Zyɛm. Nye a gʉa nteme ó, Sɔŋ we a be si gba sa yiyɛh é jwɨ̀ʼa ye e.

Rôm 10:6

To kœb ó, yé ó e zi ebi mokebe mofih é mih mo Zyɛm. Bʉr o ndɨ ejyɛʼ taa buʼo yɔɔ boo nye e, bé ó ndɨ ecwɨɨ tɨ, ntɔʼ bi mokebe maa, é mpʉ yé ndɨ tila ɛ. Bé a tile é Kalara Zyɛm ó: «Adî é leme go tʉŋlʉ ó: “Zé óto é jobo kʉ?”» (No yé elɛɛ ó: mʉr ayi pahle ó, nuu mʉr óto é jobo kʉ, lé eto baŋle Krɨst, ó nye fula.)

Yʉanes 6:62

A yé óka sa bɨn nyá é jɔʼ bɨn bé óbee Mwan mo Mʉr lé ebula, fiʼ, to nko nye a taare be e?

Yʉanes 3:31

«Mʉr a duho é jobo kʉ ɨ, nye ó ndɨ elaa bʉr bɨbɛh. Mʉr si nwa, nye ekʉ joʼo ó njɨ mompaŋla mo si nwa. Nye elwib-lwib ó, njɨ mɨlɔb mɨ ka. Mʉr lé eduho é jobo kʉ ɨ, nyiha ó ndɨ elaa bʉr bɨbɛh.

Yʉanes 6:46

Yé alɛʼle ó, nuu mʉr a be ó si bee Zyɛm Sɔŋ. Njɨ waa ndɨ waa mo Zyɛm ɨ, ó b'a bee Zyɛm Sɔŋ.

Yʉanes 6:42

Bé ntɔʼ dîila ó: «Ntʉʼ Yesʉs, mwan mo Yoseb nwaʼ ɛ? Bɨna bé ekʉ gʉa ga sɔŋ we bé e nyɔŋ we. Wáa mbi nye lé elɛɛ e bɨna ga bananaʼ ó, nye a duho ó kʉ ɨ?»

Yʉanes 17:5

No ó, Da! Banana, dweʼ me kum mpʉ waa me a be e nye go ye, é jɔʼ kʉ e si, byé a baapa cyeŋɔ ɛ.

Yʉanes 8:42

Yesʉs, nye e be ó: «Nkʉ Zyɛm a be ó be, be Sɔŋ win cyecye nɛʼɛ, mpa bɨn mu ó si kpɛl me, ebe, me a duho ó boo Zyɛm waa. No yaa ó me ndɨ wâʼ ɛ. Me a baaze kaʼ é gwɨma yam me mʉr tɨ, njɨ ebe gwɨma mo mʉr a lomo me e.

Yʉanes 6:51

Me ó ndɨ kublakubla mode, maa mé a duho é jobo kʉ, ze kaʼ é si nwaʼ ɛ. ǃƗ mʉr si de mode maa nɛʼɛ, gʉŋa ó, nyi bi tiʼ molu mo mpoʼ mɨmɛh. Mode me ódwe nye e, mé ó bɨpuno byam! Me edwe bʉr bɨbɛh bya ó, é l'efu ó, bé biʼe tiʼ molu mo mpoʼ mɨmɛh.»

Yʉanes 6:33

ebe, mode Zyɛm lé entɨh ɨ, mé ó mʉr a duho é jobo kʉ, ze é si nwaʼ ɛ. Nye ó mʉr lé etiʼ bʉr bɨbɛh ɛ.»

Mɨlʉmlʉ 20:28

Diʼe ga ncye, taare é bɨn bʉr o tɨ, ndwe e Mbɛr-Zyɛm. Mbɨambɨa Sisim a si cyel bɨn é dia obɔʼlʉ é Mbɛr-Zyɛm tʉŋlʉ. No ó, kobla ga daa e bɨntœme, bʉr Zyɛm a siila motié me e be e.

Mataos 28:20

Bɨn bé à yeʼle be ó, bé duʼo motie mɨmɛh me a tiile bɨn ɨ. Mbe ga: me ódi é bɨn molu mɨmɛh, to pyal é l'esie e mbi jɔʼ yi.»

Éfɛsɔs 1:23

Mbɛr-Zyɛm, wé ó nyʉl mo Krɨst. Krɨst nyɛɛ, nye elɛʼle mpwaʼ we ó, njɨ ɨ Mbɛr-Zyɛm. Krɨst ó ndɨ ejwɨʼ mɨcyea bɨsɔʼɔ bibyɛh é mɨpaʼ mimyɛh.

Mataos 8:20

Yesʉs ntɔʼ bɨha e nye ó: «Onyamosʉʼ, bé ó e mokul; bɨnɔn e mɔʼ. Sa gwar, Mwan mo Mʉr, nye abe e simsim gumo nye kɛlɨ lʉ.»

Yʉanes 3:12

Bɨn l'apa buʼla é jɔʼ me lé elɛɛ bɨn bɨsa lé esyɛɛlɨ é si nwaʼ ɛ, zê bɨn bé óbul buʼla ó, é jɔʼ me ólɛɛ bɨn byaa lé esyɛɛlɨ é jobo kʉ ɨ?