Yʉanes 21:1 - Kálara Zyɛ̌m Edwán é mpʉ̌n

¹ Jɔʼ ze laa ba, Yesʉs ze bâʼle lɛʼle ompʉn be nyʉl. Yé a be ó é maŋ mo Tiberias. Mbi nye a lɛʼle be nyʉl ɨ, wé ó wi.

Kálar Nzyɛ̌m : Ejwán é Sáá

¹ Jɔʼ nzě bá laa. Yésʉs nzě báʼǎ pyâl gúmó ómpʉ́n bé, bé á be yɨ́, ɨ́ mâŋ bé á jɨjébe “Tiberiâs” má. Nye á kœb bé ó, mbi wɨ̂: ompʉ́n bé, bé á be ó sɔ́má gwár. Bé á be ó

Yʉanes 21:1 ပူးပေါင်းရင်းမြစ်များ

Yʉanes 6:1

Jɔʼ ze laa ba, Yesʉs ze ntaa maŋ mo Galɨle, to é l'ebʉm e maŋ e nkɔm-nkɛɛ. (Bé ejebe maŋ maa nteme ó, maŋ mo Tiberias.)

Yʉanes 6:23

Mʉʉ mɛl ntɔʼ pyal, duho nkana Tiberias. Mɨ ze pyal kunokuno e gumo bé a de bler pie jɔʼ Da Yesʉs a dwe Zyɛm ekiba ɛ.

Mataos 28:16

Esama le ompʉn ewʉm e ngwar mo Yesʉs baa ze to Galɨle, to pyal é l'ecwɨʼ Yesʉs a bɛa tɨe be e.

Mataos 28:7

Kpahba to ga. Toʼ, to lɛɛ ga ompʉn be ó: “Nyi pàh é foo! Mbe ga: nyi samle, lé eto bono bɨn ɨ Galɨle! Gʉʼ ó bɨn bé óbee nye e!” Bɨn bɨ joʼo mpʉ me lɛɛ ɛ.»

Mataos 26:32

Yesʉs ze ko tɨʼ ó: «Sa gwar, é jɔʼ me ópàh ɛ, me ósamle, to bono bɨn ɨ Galɨle.»

Yʉanes 21:14

É mbi nɨ ó Yesʉs a lɛʼle ompʉn be nye mʉr tɨʼ pie pɛ̀ha foo we.

Markus 16:12

Pie tɨ, Yesʉs ze pyal boo bʉʉ ompʉn be oba, ze lɛʼle be nyʉl we, nye mu dɨ nyin guu mbi fih. Bé a be ó zi e zi, lé eto kwar wɔɔ.

Markus 16:7

Toʼ, to lɛɛ ga ompʉn be, bé e boo Pyɛr ó, nyi samle, lé eto bono bɨn ɨ Galɨle! Gʉʼ ó bɨn bé óbee nye é mpʉ nye a bɛa lɛɛ bɨn ɨ!»

Markus 16:14

Pie tɨ, Yesʉs ntɔʼ lɛʼle esama le ompʉn ewʉm e ngwar le nyʉl we, é jɔʼ bé a be ondindil lé ede e. Nye a si tɛɛ be, ebe, bé a baabuʼla nye, ndwe nteme, bé a be ó e mɨleme é lele lele. Bé a baabuʼla bʉr o b'a lɛɛ be e. Bé a lɛɛ be yɛɛ ó, bé a si bee nye; nyi pàh é foo!

Mɨlʉmlʉ 1:3

É jɔʼ nye a be si sia e mɨtuu ɨ, nye a si lɛʼle mɨlʉmlʉ mye bɨsyɛɛla ndwe e bɨdweʼle é buobuo, lé elɛʼle mye ó, nye a kʉ be ó kublakubla. É molu mowʉm monâ, bé e boo nɔɔ ó b'a be-be e, nye a be ó lé elɛɛ-lɛɛ be mɨlɔb mɨ jwɨ̀ʼa mo Zyɛm.