Yʉanes 20:1 - Kálara Zyɛ̌m Edwán é mpʉ̌n

¹ É dwine mɛn kuno, dobo e sono, edurʉ dina si, Maaria, sile Magdala, ze to nko foo waa. Nye ntɔʼ to bee ó, ekoʼ, lɨ pɛʼɔ é nʉm foo!

Kálar Nzyɛ̌m : Ejwán é Sáá

¹ Ɨ́ dwiné mɛ́n sóno, edúrʉ́ʉ́ dína sí, Maria, silě Magdalâ, nzě tô nko sóo nyaá. Nyě kǎ tó bee ó, ekóʼ, lɨ́ pɛʼɔɔ ɨ́ num sóo.

Yʉanes 20:1 ပူးပေါင်းရင်းမြစ်များ

Markus 16:9

[É mpʉ Yesʉs a be, nye mu si pàh é foo é dobo e sono egwar laa ɛ, nye a taare lé enyin ó, boo Maaria, sile Magdala, mʉma nye a dwih moleme tambɛl ɨ.

Mataos 27:60

Nye ntɔʼ to dɨl muu é l'edwan e foo le, tuba nguʼ ekoʼ. Nye mʉr tɨʼ ó b'a piʼle ekoʼ laa. Pie tɨ, nye ntɔʼ biŋle lʉʉ ekoʼ enɨnɨ, buuro nʉm foo e tɨ, nyɛɛ ntɔʼ laa, to.

Markus 15:46

Yoseb ze to bwam ndomo kan é pumo-pumo, ntɔʼ to fil Yesʉs si, dîble nye e ndomo waa. Nye ntɔʼ to dɨl muu é foo, tuba nguʼ ekoʼ. Pie tɨ, nye ntɔʼ biŋle lʉʉ ekoʼ, buuro nʉm foo e tɨ.

Yʉanes 20:26

Molu mwom, mé osi laa nɛʼɛ, ompʉn mo Yesʉs bâʼle to syɛŋa é mbɛr waa. Tomas a be ó tɨ. Mobe, mé a be ó mɨpɨra e mongʉŋ. Yesʉs ze pyal, cyɛb teme ompʉn be. Nye ó: «Motala, mé swɨŋɨ é bɨn.»

Yʉanes 19:25

Kunokuno e klos mo Yesʉs, nyɔŋ we a be ó tɨ, bé e mɨɔ mo nyɔŋ we, ndwe e Maaria, mʉma mo Kleopas, ka kɛl Maaria, sile Magdala.

Mɨngwiha 1:10

É lʉʉ dobo mo Da Yesʉs, Mbɨambɨa Sisim a be ó si mɛr me e nkul, me ze joʼo twii lé elwib, mʉr tɨʼ lé ecyɛb me é koo pihe. Twii we, nye a jwɨ̂ʼ ó mpʉ sa cɨŋɔ ó, yé ó sebe lé elwɨɨ ɨ.

Mataos 27:64

Ebe no, lɛŋɨ bʉr ó, bé gʉa to baʼle foo, tɔɔ molu molɛl. Ompʉn be, bé amu jaa to é mofo, to díbe muu we, to e we, to fol. Bé amu ka lɛɛ-lɛɛ ó, nyi pàh é foo. No ó, lɔɔ mpʉl epihe we, wé amu jaa bul bebe, laa myaa mimyɛh nye a pa lɛɛ-lɛɛ jɔʼ nye a be kʉ ɨ.»

1 Korɛnt 16:2

É dobo e sono lɨlɛh, mʉr, nye ejala le ekomo é l'empàh e mbɛr we, mɔn jwɨʼ e bim nye a bi ɨ. Nye óbaʼle ye, to pyal é jɔʼ me óka ze e, é l'efu ó, bɨn l'ayi ka bâʼle di é mozyɛŋ é l'epyal lam.

Mɨlʉmlʉ 20:7

É dobo e sono, bɨh ze syɛŋa gumo gwar lé epuhba mobo. Mpʉ Pol a be ó, nye óto é mɛn tɨʼ ɨ, nye ze yeʼle bʉr mɨlɔb mo Zyɛm, lé ejyɛɛle lwib, to pyal é teme pum.

Mataos 27:56

É sama bʉba yaa tʉŋlʉ, yé a be ó: e Maaria, sile Magdala bé e Maaria, nyɔŋ mo Jacques bé e Yose, ndwe e nyɔŋ bwan mo Zebede.

Mataos 27:66

Bé ze to, lé egʉa to dwiile foo. Bé ze nɛr luʼ é l'ekoʼ lé a buuro nʉm foo e, ntɔʼ ŋmɛhɔ luʼ e sitam, le ecyelɔ bʉr tɨʼ é vaa.

Mataos 28:1

Pie moho saba, é molama mo mɛn, dobo e sono, Maaria, sile Magdala, bé e yʉʉ Maaria, bé ze nkɛɛ, toŋɔ nko foo.

Mataos 28:2

No ó, si kʉ ze ncyeŋa é buobuo, ebe, engles mo Da a be ó si fulo, duho é jobo kʉ, ze biŋle ekoʼ lé a be é nʉm nguʼ ekoʼ e. Pie tɨ, nye ze di si tɨʼ kʉ.

Yʉanes 11:38

Sisim mo Yesʉs kʉ ze bâʼle pɨʼba é nye mʉr tɨ. Nye ze to nko foo. Foo waa a be ó bah ekoʼ. Bé a dible nʉm foo ó e l'ekoʼ.

Yʉanes 11:41

Bé ntɔʼ pɛʼ ekoʼ. Yesʉs ze bɨn mih kʉ. Nye ó: «Zyoo e go, Da, ebe, gɨ joʼo me.