Yʉanes 2:2 - Kálara Zyɛ̌m Edwán é mpʉ̌n

² Bé a si baŋle nteme Yesʉs bé e l'ompʉn be é zɔɔ waa.

Kálar Nzyɛ̌m : Ejwán é Sáá

² Bé á si báŋle ntémé Yésʉs, bé le ompʉ́n bé ɨ́ nzɔɔ nyaá.

Yʉanes 2:2 ပူးပေါင်းရင်းမြစ်များ

Kolosi 3:17

Sa yiyɛh bɨn lé esa, nkʉ yaa bɨn bé ólɛɛ ɛ, yé diʼe njɨ, pere e die mo Da Yesʉs. Dweʼ ga Zyɛm Sɔŋ kum, pere e die le.

1 Korɛnt 7:39

Mbɛa mʉma nyiwɛh, nye ejala le ebaʼle njʉm we, cye yiyɛh njʉm we dina kʉ ɨ. ǃƗ njʉm si dwè nɛʼɛ, kʉ gʉa ó, nye mu ó mʉr ndɨ é dia otî ɨ. Nye óbɛm ka to ni é l'eba boo mʉrʉm nyiwɛh nye kpɛl ɨ. Nye à ni é l'eba yɛɛ boo mʉrʉm ndɨ bɛa be é zyɛŋa wɔɔ boo Da Yesʉs ɨ.

Ebrœ̂ 13:4

Dweʼ ga eba duu. Sa ndɨ elœʼ mʉr é mih mo Zyɛm ɨ, yé ajala le esaŋɔ fum mɨmbɛa mɨ bʉr ndɨ esyɛŋa ɛ. Gʉŋa ga ó, Zyɛm ótiʼe osyɛl o bɨmala bé e l'osyɛl o mɨfyɛba mɨlɔb myɔɔ.

1 Korɛnt 10:31

Ebe no, bɨn dam de mode nkʉ nyʉl monwoʼ, nkʉ bɨn dam sa yaa sɔʼɔ: saʼ ga syɛɛla yaa yiyɛh é l'efu le edwiibɨ Zyɛm tɨ!

Mataos 25:45

«No ó, njwɨɨbʉr, wé óka bɨha e be ó: “Me elɛɛ bɨn cyecye ó nɛɛ: gumo bɨn bé a baasa mʉr ngwar é sama bʉr baʼ embɨa ɛ, dam be ó, nye a be ó waa ndɨ agbaŋɔ é nkɔb ɨ, gumo yaa nteme ó bɨn bé a baasa me embɨa ɛ.”

Mataos 25:40

«No ó, njwɨɨbʉr, wé óka bɨha e be ó: “Me elɛɛ bɨn cyecye ó nɛɛ: gumo bɨn bé a sa mʉr ngwar é sama obɨɔ bam baʼ no e, dam be ó, waa ndɨ agbaŋɔ é nkɔb ɨ, gumo yaa, bɨn bé a sa nteme ó me.”

Mataos 12:19

Nye aŋa sa mogo, atime. Mʉr, nye aŋa joʼo twii we lé ebere kʉ é mpaʼa e mpaʼa.

Mɨngwiha 3:20

Mbe ga: me ó wâʼ lé ekwaʼle ebe ó, me niʼe. Mʉr ójoʼo lwib yam, dib me ebe e, me óni nye ye. Bɨh e nɔɔ, bé ópuhba mobo é teble ngwar.

Yʉanes 2:3

É mpʉ monwoʼ mo rezɛŋ, mé a be si sɔr ɨ, nyɔŋ mo Yesʉs ntɔʼ lɛɛ e mwan ó: «Bé mu naa ó, aka be e monwoʼ.»

Yʉanes 2:12

Pie tɨ, nye ze to nkana Kapernaʉm, bé e nyɔŋ, le obɨɔ, ndwe e l'ompʉn be. Bé ze to di gʉʼ bwa molu.

Yʉanes 2:17

Ompʉn be ze toŋlo mpʉ yé a bɛa be tila é Kalara Zyɛm ó: «Me ekpɛl mbɛr go kpɛl apurapura!»

Yʉanes 3:22

Jɔʼ ze laa ba, Yesʉs bé e l'ompʉn be, ze to é lal Yʉda. Bé ze ja gʉʼ bwa molu. Nye a be ó lé edù-dù bʉr.

Yʉanes 4:2

(É l'ocyecye, ntʉʼ Yesʉs nye mʉr tɨʼ a dɨ dù bʉr. Ompʉn be, bé ó b'a dɨ dù bʉr.)

Yʉanes 4:8

Tina, yé ó, ompʉn be, bé a be ó si to nkana, lé eto bwamɔ mode.

Yʉanes 4:33

Ebe no ó ompʉn, bé a to le edîila paʼra wɔɔ ó: «Zê nuu mʉr be ó si ze nye e mode ɛ?»

Yʉanes 6:8

Nuu mpʉn we, die Andreas, ncyom mo Simɔn Pyɛr, nye e nye ó:

Yʉanes 6:12

É jɔʼ bɨbɛh, bé a be si de é de de, díle e, Yesʉs, nye e l'ompʉn be ó: «Syɛŋɨ ga mompubuʼo mode ndɨ si kur si ɨ, é mbi ndɨ ó, sɔʼɔ, yé l'ayi dwè ntuʼ ɨ.»

Yʉanes 6:16

É jɔʼ bii kʉʼ, yé a pyal ɨ, ompʉn be, ze to nkpah maŋ.

Yʉanes 6:60

É jɔʼ ompʉn be, bé a joʼo sikʉlʉ Yesʉs a dwe be e, buobuo ompʉn be, bé ze lɛɛla paʼra wɔɔ ó: «É ka bul kɔbla yɛɛ sikʉlʉ yiʼ lé ejoʼo. Zé nyɛɛ ndɨ e nkul ejoʼo ye ɛ?»

Yʉanes 6:66

Dobo laa ó buobuo ompʉn be, bé a taare lé ebula é gœʼra-gœʼra e mocyɛʼ mo nyʉl, aka duŋɔ nye e.

Yʉanes 6:67

Yesʉs ze dî e l'Esama le ompʉn ewʉm e l'oba ó: «Zê bɨn bɛɛ nteme muno ze bula pihe ɛ?»

Yʉanes 6:70

Yesʉs, nye e be ó: «Ntʉʼ mɛm mʉr tɨʼ a pɛh bɨn, Esama le ompʉn ewʉm e l'oba ɛ? Dam be no, nuu mʉr é l'esama lɨn, nye ó waa mo Njwɨɨ moleme!»

Yʉanes 6:71

Nye a lwib no ó, tiibe e Yʉdas, mwan mo Simɔn Iskariot. Dam be mpʉ Yʉdas a be é l'Esama le ompʉn ewʉm e l'oba ɛ, nye ó b'a be nteme mʉr a be ó, nye ókɛha nye e.

Yʉanes 7:3

Obɨɔ mo Yesʉs, bé e nye ó: «Mʉŋa wâ, toʼ Yʉda é mbi ndɨ ó, ompʉn bo, bé beŋɨ nteme bɨsyɛɛla go lé esa ɛ.

Mɨlʉmlʉ 11:26

É jɔʼ nye a bee nye e, nye ntɔʼ bula e nye, bé e nɔɔ ze to Antios. Bé ze syɛŋa, bé e bʉr o mbɛr Zyɛm wé a be tɨʼ ɨ, tɔɔ mbu ntinɨ. Cye yaa yiyɛh, bé a be-be ó, lé eyeʼle bʉr é buobuo. Tɨʼ Antios ó bé a taare lé ejebe ompʉn mo Yesʉs ó, okristen ɨ.

Mɨlʉmlʉ 11:29

Ompʉn, bé bʉr o tɨ, bé a nʉa tiʼa ó, bé ótoŋlo obuʼla bé a di é Yʉda ɛ, mʉr nyiwɛh é sama yɔɔ lé egul be lé edu bim nye a be e ye e.