Yʉanes 2:19 - Kálara Zyɛ̌m Edwán é mpʉ̌n

¹⁹ No ó Yesʉs a ze bɨha e be ó: «Buʼa ga Odia mo Zyɛm wi. Me óbâʼle fumo we njɨ molu molɛl!»

Kálar Nzyɛ̌m : Ejwán é Sáá

¹⁹ Nó ó Yésʉs á nze yala e bé ó: «Búʼáá gá mpáh Nzyɛ̌m nyɨ̂. Me óbáʼǎ sumo nyé njɨ ɨ́ melú mélɛ̂l.»

Yʉanes 2:19 ပူးပေါင်းရင်းမြစ်များ

Markus 14:58

«Bɨh bé a si joʼo nye lé elɛɛ ó, nyɛɛ, nye ógbɛɛ Odia mo Zyɛm bʉr, bé a fumo e mobo wi, ntɔʼ fumo fih njɨ é molu molɛl. Wiha, abe fuma e mobo mo bʉr.»

Markus 15:29

Bɨlaa-nwan, byé a be ó lé elwɨɨ nye ndwe le esiʼrɔ mɨlʉ, le elɛɔ ó: «Wɛɛ, gwɔɔ mʉr a lɛɛ ó, go ógbɛɛ Odia mo Zyɛm, ntɔʼ bâʼle fumo we njɨ é molu molɛl ɨ,

Mataos 27:40

le elɛɔ e nye ó: «Gwɔɔ, mʉr a lɛɛ ó, go ógbɛɛ Odia mo Zyɛm, ntɔʼ bâʼle fumo we njɨ é molu molɛl ɨ, kaʼ tiʼ go mʉr tɨʼ ʉʉ! Yé be ó, go ó Mwan mo Zyɛm cyecye nɛʼɛ, paʼ kʉ fulo é klos nɨ si ʉʉ!»

Mataos 12:40

Ebe, mbi ngwar Yonas a di é mo bwaʼbwaʼ fu mɨmoho mɨlɛl, mɨpum mɨlɛl ɨ, mbi ngwar e ngwar waa nteme ó Mwan mo Mʉr ódi é foo mɨmoho mɨlɛl, mɨpum mɨlɛl ɨ.

Rôm 8:11

No nteme, ǃɨ Mbɨambɨa Sisim, mʉr a pɛ̀h Yesʉs-Krɨst é foo e, di é bɨn nɛʼɛ, lɛɛ ó, nye ópɛ̀h monyʉl mɨn é foo, maa lé edwè e. Nye ódwe monyʉl mɨn tiʼ é zi Sisim we ndɨ é monyʉl mɨn ɨ.

Mɨlʉmlʉ 3:15

Bɨn ó b'a jʉ Etin e tiʼ; Zyɛm nyɛɛ ntɔʼ pɛ̀h nye é foo. Bɨh ó ndɨ eliʼ boʼlo lɔb waa.

Mɨlʉmlʉ 2:32

Pyɛr ze ko tɨʼ ó: «Mʉr Zyɛm a pɛ̀h é foo nɨ, ó ndɨ Yesʉs. No ó, bɨh bɨbɛh, bé ó oboʼla o lɔb we waa.

Mɨlʉmlʉ 2:24

Zyɛm ze pɛ̀h nye é foo, pɛʼ nye é mokpaa mo efie, ebe, efie, lé a baabe e nkul mɛr nye é bɛabɛa,

1 Pyɛr 3:18

Ebe, Krɨst nye mʉr tɨʼ a si dwè jɔʼ gwar é bɨjɔʼ bibyɛh, é lɔb mɨsyem min. Cɨcyel mʉr waa a bana jala ó e l'ozyɛhozyɛh o bʉr, lé esaa ó, nye pyala e bɨna ga é mih mo Zyɛm. Nye a si jʉŋɔ é nko paʼ nyʉl we, nye ze tiʼe pie tɨʼ ebe nkul mo Mbɨambɨa Sisim.

Rôm 6:4

Bɨna ga e boo Yesʉs ó b'a dwè, dɨlɔ é ndubo waa zyɛŋa é l'efu ó, bɨna pàha ga e nkul mo Zyɛm Sɔŋ ndɨ e kum ɨ. Mpʉ Lœma mulo mo Zyɛm a pàh é foo e, yé ejala ó, bɨna kœʼœ ga ebò e cyen edwan pie ndubo.

Yʉanes 11:25

Yesʉs, nye e nye ó: «Me ó waa lé epɛ̀h bʉr é mofoo, dwe be tiʼ molu mo mpoʼ mɨmɛh ɛ. Mʉr lé ejyɛʼ taa buʼo ye boo me e, nye dam dwè, nye óbâʼle tiʼe.

Markus 8:31

Yesʉs ze taare lé eyeʼle ompʉn be. Nye ó: «Yé ókʉ be me é nere-nere ó, me sia e mɨtuu é buobuo, mɛm, Mwan mo Mʉr. Otamabʉr o lal bé e l'ojwɨɨ be opara, ndwe e l'oyeʼle o motie, bé ópyeh nye. Nye nteme ójʉŋɔ. Nye òbula pàh é l'elu elɛl.»

Kolosi 2:12

É zi ndubo bɨn bé a nʉa ɛ, bɨn bé a si debe, bɨn e boo Krɨst é jɔʼ gwar e gwar yaa, bɨn e boo nɔɔ nteme ntɔʼ pàh, ebe, bɨn bé ebuʼla nkul nɨnɨ mo Zyɛm Sɔŋ, mʉr a pɛ̀h nye é foo e.

1 Korɛnt 15:12

Yé be ó, yé cyecye ó, Krɨst a si pàh é foo nɛʼɛ, a bʉʉ bʉr é l'esama lɨn, bé bana kʉ lɛɛ ó, odwè, bé ákwoʼ pàh é foo nyá ɛ?

Rôm 4:24

Mé a tilɔ nteme ó, é l'efu ga lɨna, bʉr o b'a jyɛʼ ga taa buʼo yina boo Zyɛm ɨ. Zyɛm, mʉr a pɛ̀h Tî ga wina Yesʉs é foo e, ónʉa bɨna ga ó, mpʉ ocɨcyel o bʉr.

Mɨlʉmlʉ 3:26

No ó, é jɔʼ Zyɛm a ka lomo syɛl mosa we e, nye a taare lomo nye ó, bɨn ye, ó nye sʉʼo bɨn mocyɛʼ mo mpom me, le esa ó, mʉr nyiwɛh é sama yin, nye gwaʼa bɨsyɛɛla bɨ ebebe bye bibyɛh.»

Yʉanes 5:19

Ebe no ó Yesʉs a bâʼle nʉa lwib, lɛɛ e be ó: «Me elɛɛ bɨn cyecye ó nɛɛ: Mwan mo Zyɛm, nye abe lé esa yʉʉ sɔʼɔ e nkul we nye mʉr tɨ. Nye esa ó, njɨ syɛɛla nye lé ebɛa bee Sɔŋ we lé esa ɛ, ebe, syɛɛla yiyɛh Zyɛm Sɔŋ lé esa ɛ, yé nteme ó Mwan mo Zyɛm lé esa ɛ,

Mataos 27:63

Bé e nye ó: «Da, bɨh bé etoŋlo ó, mpʉmpʉl nɨ, é jɔʼ wé a be, wé dina kʉ ɨ, wé a kʉ bana lɛɛ-lɛɛ ó: “É l'elu elɛl, me ópàh.”

Mataos 16:21

É dobo laa ó Yesʉs a lɛɛ ompʉn be ebe yé, yé ókʉ jala ó, nye toʼ ɨ Yerʉsalɛm ɨ. Nye sia e mɨtuu é buobuo é mobo mo otamabʉr o lal bé e l'ojwɨɨ be opara ndwe e l'oyeʼle o motie. Nye nteme ójʉŋɔ. Nye òbula pàh é l'elu elɛl.

Mɨlʉmlʉ 6:14

Bɨh bé a si joʼo nye lé elɛɛ ó, Yesʉs, mʉr Nazarɛt ógbah gumo yi, ntɔʼ lɛʼle bʉr edwan le ebò e cyen bé óka kœʼ œ, le esiila mɨnjwɨr Moyiz a liʼe bɨna ga e mye ɛ!»