Yʉanes 2:16 - Kálara Zyɛ̌m Edwán é mpʉ̌n

¹⁶ Nye e bʉr o b'a be lé ebɛma mopɨba ó: «Pɛʼɛ ga mopɨba mɨn mɨmɛh wâ! Daʼ liŋ ga Mbɛr mo Sɔŋ wam mpah engar!»

Kálar Nzyɛ̌m : Ejwán é Sáá

¹⁶ Nye e bʉr o b'á be lɨ́ ebɛ́ma mépɨbaa bá ó: «Pɛʼɛɛ gá mepɨbaa mɨ́mɛ̂h wâ. Mʉr aliŋ gá Mbɛ̌r mé Dâ mbɛ̌r ébôm.»

Yʉanes 2:16 ပူးပေါင်းရင်းမြစ်များ

Mataos 21:13

Nye ze lɛɛ e be ó: «Yé ó tila é Kalara Zyɛm ó: “Mbɛr wam, wé óbe ó mbɛr mɨnjwɨʼla.” No ó bɨn bɛɛ, bɨ liŋ we eboʼo e bɨzilngan!»

Markus 11:17

Nye ntɔʼ dwe be sikʉlʉ yi. Nye a dî e be ó: «Zê yé abe tila é Kalara Zyɛm ó: “Mbɛr wam, wé óbe ó mbɛr mɨnjwɨʼla é l'efu e bɨkul bibyɛh” ɛ? No ó bɨn bɛɛ, bɨ liŋ we eboʼo e bɨzilngan!»

Lʉkas 2:49

No ó nye a ze dî e be ó: «Ebe yé bɨn lé esaa me e? Zê bɨn bé agʉa ó, yé ekʉ jala ó, me diʼe é mbɛr mo Sɔŋ wam ɛ?»

2 Pyɛr 2:3

Mɨmpʉmpʉl mɨ oyeʼle myaa, myé ókʉa bɨn e mokan bɨkʉʉŋʉ lé esaa ebi bɨsa é zi waa. Sa gwar, bɛa taare kɔm, tiʼà mɨlɔb wɔɔ, nyi bɛa tiʼe mɨlɔb myɔɔ, le egʉa bɨntɨʼa nye ókab be tɨʼ ɨ. Nye ó é doʼlo lé ebono be.

Yʉanes 5:17

No ó Yesʉs a ze lɛɛ e be ó: «Sɔŋ wam, nye esea ó, é jɔʼ yiyɛh, ze pyal é banana. Mɛm nteme, me esea no.»

1 Timotɛ 6:5

Esyɛb laa ó ndɨ esa ó, bʉr saʼ zyee lé esa mosono paʼra wɔɔ. Bé esa-sa no ó, bé e bʉʉ bʉr o ndɨ e bɨbol mɨpɛhla, baa b'a dɛʼɔ ocyecye e. Bé eniŋe ó, bé óbi-bi bɨmɔn é jɔʼ bʉr, bé ópaʼle be é mpʉ bé lé egʉa dwaabe Zyɛm ɨ.

Yʉanes 20:17

Yesʉs, nye e nye ó: «Daʼ nara e me, ebe, me dina ó apa to é jobo kʉ, boo Sɔŋ. Toʼ, to lɛɛ obɨɔ bam ó: “Me mu ó lé ebere, bula to nko Sɔŋ wam ndɨ ɨ. Nye nteme, nye ó sɔŋ win. Nye ó Zyɛm wam. Nye ó Zyɛm win nteme.”»

Yʉanes 10:29

Sɔŋ wam, mʉr a ntɨh me bya ɛ, nye e nkul, laa bʉr bɨbɛh. No ó, mʉr, nye abe e nkul edɛʼ sɔʼɔ é mbo we.

Yʉanes 8:49

Yesʉs, nye e be ó: «Me abe e l'eleme. Me ó njɨ lé edwaabe Sɔŋ wam. Bɨn bɛɛ lé esa me bɨsa mosɔm, anʉa me e duu!

Mataos 21:12

Yesʉs ze ni é jahla bii mo Zyɛm. Nye ntɔʼ fo bʉr o b'a di-di tɨʼ lé ebɛma bɨsɔʼɔ, le baa b'a ze-ze lé eze bwam ɨ, bɨbɛh. Nye ntɔʼ nkɛŋ oteble o bʉr o b'a siila-siila bɨmɔn ɨ, ndwe le eloʼlo bɨdia bɨ bʉr o b'a dɨ bɛma mopɨba ɛ.

Mataos 22:5

Bʉr o nye a baŋle e, bɛɛ ze pyeh lɔɔ we waa, atoŋɔ. Bé a sa-sa ó: nwaʼ, to é ye peme; nuu, to é we mbɛr mompɛma.

Yʉanes 2:15

No ó Yesʉs a ze sa mbihe e mɨkol, ze kɛ̂m bʉr baa é jahla bii mo Zyɛm, kɛ̂m nteme bɨntœme ndwe e bɨntɛɛ byɔɔ, taare lé esʉ bɨmɔn byɔɔ si, le eloʼlo oteble bɔɔ si.